follow us:
అల్లరి నరేష్ 'ఉగ్రం' ఓటీటీ రిలీజ్ ఫిక్స్ చేసుకుంది. తాజాగా అధికారికంగా స్ట్రీమింగ్ తేదీని ప్రకటించారు. ప్రస్తుతం ఈ విషయం మూవీ లవర్స్ కి మంచి కిక్ ఇస్తోంది.
మరో తెలుగు సినిమా, థియేటర్లలోకి వచ్చిన నెలలోనే ఓటీటీలో రిలీజ్ కు సిద్ధమైంది. తాజాగా అధికారికంగా తేదీ కూడా ప్రకటించారు. దీంతో మూవీ లవర్స్ హ్యాపీగా ఫీలవుతున్నారు. అల్లరి నరేష్ గురించి ప్రేక్షకులకు ప్రత్యేకంగా చెప్పాల్సిన పనిలేదు. అప్పట్లో కామెడీ సినిమాలతో తెగ నవ్వించారు. ‘సుడిగాడు’ తర్వాత నరేష్ కి ఒక్కటంటే ఒక్క హిట్ పడకపోయే సరికి రూట్ మార్చారు. సీరియస్ రోల్స్ చేస్తూ వచ్చారు. ‘నాంది’ కాంబోతో అల్లరి నరేష్ చేసిన సినిమానే ‘ఉగ్రం’. యాక్షన్ ఎంటర్ టైనర్ గా తీసిన ఈ మూవీ ఇప్పుడు ఓటీటీలోకి వచ్చేందుకు సిద్ధమైంది.
ఇక వివరాల్లోకి వెళ్తే.. తెలుగులో ఓటీటీ కల్చర్ పెరిగిపోయిన తర్వాత కొత్త సినిమాలన్నీ, థియేటర్లలోకి వచ్చిన నెలలోనే ఓటీటీల్లో ప్రత్యక్షమవుతున్నాయి. ఈ మధ్యనే తీసుకుంటే ‘దసరా’, ‘శాకుంతలం’, ‘రావణాసుర’, ‘విరూపాక్ష’ సినిమాలన్నీ కూడా ఓటీటీల్లోకి మూడు-నాలుగు వారాల్లోనే వచ్చేశాయి. ఇప్పుడు ఆ లిస్టులోకి అల్లరి నరేష్ ‘ఉగ్రం’ కూడా చేరిపోయింది. అమెజాన్ ప్రైమ్ లో జూన్ 2 నుంచి అంటే ఈ శుక్రవారం నుంచి స్ట్రీమింగ్ కానుందని అధికారికంగా పోస్టర్ రిలీజ్ చేసి మరీ ప్రకటించారు. దీంతో ఈ వీకెండ్ కి సినిమా సెట్ అయిపోయిందని మూవీ లవర్స్ ఫిక్సయిపోతున్నారు.
‘ఉగ్రం’ మూవీ విషయానికొస్తే.. శివ కుమార్(అల్లరి నరేష్) ఓ ఎస్ఐ. సీన్సియర్ గా పనిచేస్తుంటాడు. తప్పిపోయిన తన భార్య కూతురి కోసం వెతుకుతూ ఉంటాడు. అసలు శివ భార్య కూతురు ఎలా మిస్ అయ్యారు? అలానే సిటీలో తప్పిపోయిన వందలాది మంది ప్రజలు ఏమయ్యారు? ఈ క్రైమ్ వెనక ఎవరెవరున్నారు? మిస్సింగ్ కేసుల సంగతేంటి.. చివరకు భార్యకూతుర్ని కనిపెట్టాడా లేదా అనేదే స్టోరీ. థియేటర్లలో పాజిటివ్ రెస్పాన్స్ అందుకున్నప్పటికీ జనాలకు ఎందుకో సరిగా రీచ్ కాలేదు. ఇప్పుడు ఎలానూ ఓటీటీలో వచ్చేస్తుంది కాబట్టి ఎంచక్కా ఇంట్లో కూర్చొని చూసేయొచ్చు. మరి ‘ఉగ్రం’ ఓటీటీ రిలీజ్ కోసం మీలో ఎంతమంది వెయిటింగ్? కింద కామెంట్ చేయండి.
a cop’s race against time to unmask the truth and save his family! ⚡️#UgramOnPrime, June 2 pic.twitter.com/Z9mLaU2HFZ
— prime video IN (@PrimeVideoIN) May 31, 2023
