వీడియో: బాలికను చిత్రహింసలు పెట్టిన మహిళా పైలట్, ఆమె భర్త.. చితకబాదిన బంధువులు

మైనర్ బాల బాలికలను పనిలో పెట్టుకోకూడదని ప్రభుత్వాలు హెచ్చరిస్తున్నప్పటికి కొంత మంది వ్యక్తులు నిబంధనలను ఉల్లంఘించి పనిలో పెట్టుకుంటున్నారు. పరిశ్రమల్లో కార్మికులుగా, ఇండ్లల్లో పనిమనుషులుగా బాలలతో గొడ్డుచాకిరి చేయించుకుంటున్నారు. అరకొర వేతనాలు ఇస్తూ, చిత్రహింసలకు గురిచేస్తూ కర్కశంగా వ్యవహరిస్తున్నారు కొందరు వ్యక్తులు. 18 ఏళ్లు నిండని బాలలను పనిలో పెట్టుకోకూడదని చట్టాలు ఉన్నప్పటికీ చట్టాలను అతిక్రమిస్తూ బాల బాలికలను ఇబ్బందులకు గురిచేస్తూ, లైంగికంగా వేదిస్తూ పైశాచికానందాన్ని పొందుతున్నారు. ఈ క్రమంలో దేశ రాజధానిలో 10ఏళ్ల బాలికపై పైలట్ దంపతులు దారుణానికి ఒడిగట్టిన ఘటన వెలుగుచూసింది. దీనికి సంబంధించిన వివరాలు ఇలా ఉన్నాయి.

రెక్కాడితే కాని డొక్కాడని పేదలున్న మన దేశంలో పూటగడవడం కోసం పిల్లలు పనిమనుషులుగా మారుతున్నారు. పనిచేసే చోట దాడులకు గురవుతున్నారు. ఇదే విధంగా ఓ బాలిక ఓ ఇంట్లో పనిచేస్తూ చిత్రహింసలకు గురైంది. వివరాల్లోకి వెళ్తే.. ఢిల్లీలోని ద్వారకా ప్రాంతంలో ఓ మహిళా పైలట్ ఆమె భర్త నివసిస్తున్నారు. కాగా రెండు నెలల క్రితం 10 ఏళ్ల వయసున్న బాలికను ఇంట్లో పనికి పెట్టుకుంది. పనిలో పెట్టుకున్నప్పటి నుంచి ఏవో కారణాలతో భార్యాభర్తలిద్దరు ఆ బాలికను ఇబ్బందులకు గురిచేస్తున్నారు. తాజాగా ఇంట్లో పనిచేస్తున్న బాలిక దొంగతనానికి పాల్పడిందంటూ తీవ్రంగా కొట్టి చేతులపై వాతలు పెట్టారు.

అయితే బాలిక ఒంటిపై కాలిన గాయాలు గుర్తించిన బందువు ఒకరు గాయాలు ఎందుకయ్యాయని బాలికను అడగగా జరిగిన దారుణాన్ని వివరించింది. వెంటనే బాలిక కుటుంబసభ్యులకు సమాచారం అందించడంతో వారంతా ఆ పైలట్ ఇంటికి చేరుకుని మహిళను ఆమె భర్తను ఇంట్లో నుంచి రోడ్డుపైకి ఈడ్చుకొచ్చి చితకబాదారు. జుట్టు పట్టుకుని చెంపలు పగిలేలా కొట్టారు. అడ్డుకోబోయిన ఆమె భర్తపై కూడా దాడి చేశారు. స్థానికుల సమాచారంతో ఘటనా స్థలానికి చేరుకున్న పోలీసులు బాలిక కుటుంబసభ్యుల ఫిర్యాదుమేరకు ఆ మహిళా పైలట్, ఆమె భర్తపై కేసు నమోదు చేశారు. ఈ దాడికి సంబందించిన దృశ్యాలు ఓ వ్యక్తి సోషల్ మీడియాలో పోస్టు చేయగా వైరల్ గా మారింది.

A woman pilot of Indigo Airlines & her husband employed a 10 year old girl as a domestic help. They beat her up, tortured her & burned her by Iron Press.

They were subsequently thrashed by a mob consisting of relatives & neighbours of victim.

Location: Delhi, Dwarka.

Hello… pic.twitter.com/rrEFLMq7cB

— Incognito (@Incognito_qfs) July 19, 2023

इस बच्ची की हालत देखकर जनता का तो खून खोल गया,@IndiGo6E तेरा खून कब खोलेगा??#BoycottIndiGo pic.twitter.com/EF4U1q706Y

— Jenish Patel 💙 (@sir_Jenishpatel) July 19, 2023