రియల్‌ హీరోలు మన సైనికులు

దేశం మొత్తం చలితో వణుకుతోంది. ఇంటి నుంచి బయటికి రావడానికే భయపడే పరిస్థితులు ఉన్నాయి. అలాంటిది హిమాలయాల గురించి ఇక వేరే చెప్పనక్కర్లేదు, ఉష్ణోగ్రతలు ఎల్లప్పుడు మైనస్ డిగ్రీల్లో ఉంటాయి. అయినా భరత మాత ముద్దుబిడ్డలైన మన సైనికులు మొక్కవోని దీక్షతో నిరంతరం సరిహద్దులను కాపాడుతుంటారు. దేశ సేవ కోసం పట్టుదలతో పని చేయడమే కాకుండా ప్రాణాలను సైతం ఎదురొడ్డి భరత మాతకు సేవ చేస్తారు.

Compare this with your early morning walk in the park! #IndianArmy #BashOnRegardless

VC: @Whiteknight_IA pic.twitter.com/itVLukvQT3

— PRO Udhampur, Ministry of Defence (@proudhampur) January 7, 2022

భారత సైన్యం నిర్వహిస్తున్న కార్యకలాపాలను, వారి దేశ భక్తిని ప్రతిబింబించే వీడియోలను భారత దేశ రక్షణ మంత్రిత్వ శాఖ ఉధంపూర్ ప్రజా సంబంధాల అధికారి ట్విట్టర్ లో పోస్ట్ చేశారు. అత్యంత కఠినమైన పరిస్థితుల్లో సైనికులు తమ విధులను ఏ విధంగా నిర్వహిస్తున్నారో ఈ వీడియోలలో చూపించారు. దట్టమైన మంచుతో నిండిన పర్వతంపై గస్తీ కాస్తూ సరిహద్దు ప్రాంతాలను కాపాడుతున్న సైనికులు ఈ వీడియోలో కనిపిస్తున్నారు.

No easy hope or lies
Shall bring us to our goal,
But iron sacrifice
Of body, will, and soul.
There is but one task for all
One life for each to give
Who stands if Freedom fall? pic.twitter.com/X3p3nxjxqE

— PRO Udhampur, Ministry of Defence (@proudhampur) January 7, 2022

పై వీడియోలో ఓ సైనికుడు చలిని తట్టుకునే దుస్తులను ధరించి, సరిహద్దులపై ఎప్పుడూ నిఘా పెట్టడం మనకు కనిపిస్తోంది. గడ్డ కట్టించే చలి గాలులకు సైతం ఎదురు నిలిచి ఆ సైనికుడు తన కర్తవ్యాన్ని నిర్వహిస్తుండటం దేశంపై తనకున్న దేశ భక్తిని చాటుతోంది. ఈ వీడియోల పై ప్రజలు తమ సైనికుల ధైర్య సాహసాలను మెచ్చి పొగడ్తలతో ముంచెత్తుతున్నారు. మీరు అసలైన హీరోలంటూ కొనియాడుతున్నారు. మీరు కూడా మీ అభిప్రాయాన్ని కామెంట్ రూపంలో తెలియజేయండి.