కమల్ ‘విక్రమ్’ ఫస్ట్ లుక్ అదుర్స్

ఫిల్మ్ డెస్క్- తమిళ స్టార్ నటుడు కమల్ హాసన్ కు దక్షిణాదిలో ఉన్న క్రేజ్ అంతా ఇంతా కాదు. కమల్ చేసినన్ని ప్రయోగాలు ఇండియన్ సినిమాల్లో ఇంకెవ్వరూ చేసి ఉండరు. దశావతారం సినిమాలో ఒకే సారి పది గెటప్స్ వేసి అందరిచేత ఔరా అనిపించారు కమల్ హాసన్. అందకు ఆయనను విలక్షణ నటుడని అంటారు. ఇక కమల్ హాసన్ నటిస్తున్న విక్రమ్ సినిమా ఫస్ట్ లుక్ విడుదలైంది.

డైరెక్టర్‌ లోకేశ్‌ కనకరాజ్‌, కమల్ హాసన్ కాంబినేషన్‌లో విక్రమ్ మూవీ రూపొందుతోంది. ఈ సినిమా ఫస్ట్‌లుక్‌ ను చిత్ర యూనిట్‌ విడుదల చేసింది. మొన్న విడుదలైన విక్రమ్ టీజర్‌ తో ఫ్యాన్స్ లో క్యూరియాసిటినీ క్రియేట్‌ చేసిన డైరెక్టర్ లోకేశ్‌, ఇప్పుడు ఫస్ట్‌లుక్‌త ను విడుదల చేసి ఈ ఆసక్తిని మరింత పెంచాడు. విక్రమ్‌ ఫస్ట్‌లుక్‌లో సినిమాలో నటిస్తున్న ముఖ్యమైన పాత్రలను హైలెట్‌ చేశారు. కమల్‌ హాసన్‌, విజయ్‌ సేతుపతి, ఫహాద్‌ ఫాజిల్‌ ఈ పస్ట్‌లుక్‌లో గడ్డంతో చాలా రఫ్ అండ్ స్టైలిష్‌గా ఉన్నారు.

వీరంతా ఫస్ట్ లుక్ లో ప్రత్యేకంగా కనిపిస్తుండటం విక్రమ్ సినిమాపై మరింత ఆసక్తిని పెంచుతుంది. ఈ సినిమాను కమల్‌ హసన్‌ రాజ్‌కమల్‌ ఫిలింస్‌ ఇంటర్నేషనల్‌ బ్యానర్‌పై నిర్మిస్తున్నారు. ఇక దర్శకుడు లోకేశ్‌ కనకరాజ్‌ తమిళంలో విజయం సాధించిన మానగరం, ఖైది, మాస్టర్‌ వంటి చిత్రాలకు దర్శకత్వం వహించారు.

ఈ సినిమాకు సంబంధించిన వివరాలను తెలియజేస్తూ కమల్‌ హాసన్‌.. శౌర్యం మాత్రమే కిరీటాన్ని ధరించాలి.. మా ప్రతిభలో ఉత్తమమైన వాటిని మీ ముందు అందించడానికి నేను మళ్ళీ ధైర్యం చేస్తున్నాను.. మునుపటిలాగే, మాకు విజయం ఇవ్వండి.. అని ట్వీట్‌ చేశారు. మరోవైపు కమల్‌హాసన్‌ వంటి స్టార్‌తో కలిసి నటించనుండటం అదృష్టమంటూ ఫహాద్‌ ఫాజిల్‌ ట్వీట్‌ చేశారు. ఈ సినిమాను తమిళ్, తెలుగు, మళయాల భాషల్లో విడుదల చేయనున్నారు.

“Only valour should wear the crown “
I dare again to render before you the best of our talents.
Like before, grant us victory!!
Vikram ….விக்ரம்#Arambichitom @RKFI@Dir_Lokesh @VijaySethuOffl #FahadFaasil @anirudhofficial pic.twitter.com/SqEmjcnInS

— Kamal Haasan (@ikamalhaasan) July 10, 2021