అనన్యతో కలిసి తల్లి వద్ద ఆశీర్వాదం తీసుకున్న విజయ్ దేవరకొండ!

రౌడీ హీరో విజయ్ దేవరకొండ, అనన్య పాండే జంటగా డాషింగ్ డైరెక్టర్ పూరి జగన్నాథ్ తెరకెక్కించిన పాన్ ఇండియా మూవీ లైగర్. ఆగష్టు 25న ప్రపంచవ్యాప్తంగా రిలీజ్ కాబోతున్న ఈ సినిమాకు సంబంధించి ప్రమోషన్స్ భారీ స్థాయిలో నిర్వహిస్తున్నారు మేకర్స్. ఇక హీరో హీరోయిన్స్ విజయ్, అనన్య పాండే గ్యాప్ లేకుండా ప్రమోషన్స్, ఇంటర్వ్యూలలో పాల్గొంటున్న సంగతి తెలిసిందే. ఇప్పటికే లైగర్ ట్రైలర్, సాంగ్స్ తో ప్రేక్షకులలో భారీ అంచనాలు క్రియేట్ చేసింది.

ఇక బాక్సింగ్ నేపథ్యంలో తెరకెక్కిన ఈ సినిమాను ధర్మ ప్రొడక్షన్స్, పూరి కనెక్ట్స్ బ్యానర్స్ పై కరణ్ జోహార్, పూరి జగన్నాథ్, ఛార్మి సంయుక్తంగా నిర్మిస్తున్నారు. సినిమా ప్రమోషన్స్ లో భాగంగా పలు డిఫరెంట్ ప్రదేశాలలో పాల్గొన్న విజయ్ దేవరకొండ, అనన్య పాండేలను తాజాగా విజయ్ మదర్ మాధవి ప్రత్యేక పూజలు చేసి ఆశీర్వదించింది. ప్రస్తుతం ఆ ఫోటోలు సోషల్ మీడియాలో వైరల్ అవుతున్నాయి. లైగర్ సినిమాతో ఇటు అనన్య పాండే తెలుగులో, విజయ్ బాలీవుడ్ లో ఒకేసారి డెబ్యూ చేస్తున్నారు.

ఇదిలా ఉండగా.. పూరి జగన్నాథ్ ఈ సినిమాను యాక్షన్ డ్రామాగా తెరకెక్కించినట్లు తెలుస్తుంది. అదీగాక ఇందులో లెజెండరీ బాక్సర్ మైక్ టైసన్ కూడా ప్రత్యేక పాత్రలో కనిపించనుండటం విశేషం. ఇక లైగర్ తర్వాత మళ్లీ పూరి జగన్నాథ్ తోనే ‘జనగణమన’ సినిమా చేయబోతున్నాడు. లైగర్ లో రమ్యకృష్ణ.. విజయ్ తల్లిపాత్రలో కనిపించనుంది. అయితే.. విజయ్ ఈ సినిమాలో ప్రొఫెషనల్ బాక్సర్ కాగా.. తన రోల్ కి నత్తి ఉన్నట్లుగా ట్రైలర్ చూస్తే తెలుస్తుంది. మరి లైగర్ మూవీపై మీ అభిప్రాయాలను కామెంట్స్ లో తెలియజేయండి.

This whole month touring across India and receiving so much love already felt like God’s blessing!

But Mummy feels we needed his protection 🙂

So Poooja 😌🙏 and sacred Bands for all of us 🥰

Now she will sleep in peace while we continue our tour 😘❤️#Liger pic.twitter.com/q6ew2HFzik

— Vijay Deverakonda (@TheDeverakonda) August 17, 2022