follow us:
సినీమా ఇండస్ట్రీలో అంటే ఒక అందమైన లోకం.. రంగుల ప్రపంచం అనుకుంటారు. ఒక్కసారి వెండితెరపై కనిపిస్తే చాలు జీవితం ధన్యం అనుకునేవారు ఎంతోమంది ఉంటారు. రీల్ లైఫ్ లో ఎంతో అందంగా.. సంతోషంగా కనిపించేవారు రియల్ లైఫ్ లో కొన్ని ఇబ్బందులు ఎదుర్కొంటుంటారు. ఇటీవల కొంత మంది సినీ నటులు కొన్ని అరుదైన వ్యాధులతో సతమతమవుతున్నారు. బాలీవుడ్ లో మంచి డ్యాన్సర్ గా పేరు తెచ్చుకున్న వరణ్ ధావన్ తన కామెడీ టైమింగ్ తో ప్రేక్షకుల మనసు దోచాడు. అలాంటి వరుణ్ ధవన్ వెస్టిబ్యులర్ హైపోఫంక్షన్ ఒకరకమైన వ్యాధితో బాధపడుతున్నట్లు తెలిపాడు.
బాలీవుడ్ స్టార్ డైరెక్టర్ డేవిడ్ ధావన్ తనయుడు వరున్ ధావన్. కెరీర్ బిగినింగ్ లో కరణ్ జోహార్ వద్ద అసిస్టెంట్ డైరెక్టర్ గా పనిచేసి.. 2012 లో స్టూడెంట్ ఆఫ్ ది ఇయర్ చిత్రంతో హీరోగా ఎంట్రీ ఇచ్చాడు. ఆ తర్వాత పలు చిత్రాల్లో నటించిన వరణ్ ఇటీవల బేడియా చిత్రంతో ప్రేక్షకుల ముందుకు వచ్చాడు. ఈ చిత్రం ప్రమోషన్ సందర్భంగా వెస్టిబ్యులర్ హైపోఫంక్షన్ అనే అరుధైన వ్యాధితో కొంతకాలంగా బాధపడుతున్నా అంటూ ఫ్యాన్స్ ని ఆశ్చర్యపరిచాడు. ఈ కారణంగ చేతనే ప్రస్తుతం షూటింగ్ లకు దూరంగా ఉంటూ చికిత్స తీసుకుంటున్నట్లు తెలిపాడు.
ఇది చాలా అరుదైన వ్యాధి అని.. వెస్టిబ్యులర్ హైపోఫంక్షన్ లాంటి లక్షణాలు ఉన్నవారు శరీరంలోని బ్యాలెన్సింగ్ ని అప్పుడప్పుడు కోల్పోతుంటారు. వికారం, వాంతులు వచ్చినట్లు అనిపించడం.. ఒక్క చోటు సరిగా కూర్చోలేకపోవడం.. కొన్నిసార్లు శరీరంపై పూర్తిగా నియంత్రణ లేకుండా పోతుందని వైద్య నిపుణులు తెలిపారు. ఒకరకంగా చెప్పాలంటే.. వెస్టిబ్యులర్ హైపోఫంక్షన్ అనేది చెవికి సంబంధించిన వ్యాధిగా చెప్పొచ్చు. ఇది జన్యుపరమైనవి లేదా ట్రామటిక్ కారణాలతో సంబవించే అవకాశం ఉందని వైద్య నిపుణులు అంటున్నారు.
ఇది చెవి నుంచి మెదడుకు చేరే సంకేతాలను దెబ్బతినే విధంగా చేస్తుంది.. దీని వల్ల కళ్లు తిరగడం.. కళ్లు మసకభారడం లాంటి ఇబ్బందులు తలెత్తే అవకాశం ఉందని అంటున్నారు వైద్యులు. ఇలాంటి ఇబ్బంది కొంతమందికి ఒకవైపు వస్తే.. కొంతమందికి ఇరువైపుల వస్తుంది. ఈ వ్యాధి నుంచి త్వరగా కోలుకోవాలని వరుణ్ ధావన్ ఫ్యాన్స్, అతని స్నేహితులు, ఇండస్ట్రీవర్గానికి చెందిన వారు కోరుకుంటున్నారు.
