follow us:
కార్తీక దీపం..ఈ సీరియల్ పేరు చెప్పగానే చాలా మందికి టక్కున గుర్తుకు వచ్చే పేరు వంటలక్క. తన సహజమైన నటనతో బుల్లితెర ప్రేక్షకుల నుంచి కన్నీళ్లను రాబట్టుకుంటోంది. రెండు తెలుగు రాష్ట్రాల్లో బుల్లితెరపై ఎంతో ప్రాముఖ్యతను సంపాదించుకుంది ఈ సీరియల్. ఇక వంటలక్క పూర్తి పేరు ప్రేమీ విశ్వనాథ్. బుల్లితెరపై ఎంతో ఆదరణతో దూసుకెళ్తున్న ఈ సీరియ్‌లో ప్రేమీ విశ్వనాథ్ ఓ ముఖ్యమైన పాత్రలో నటిస్తోంది. తన అద్భుతమైన నటనతో ఇప్పుడే సినిమా హీరోయిన్‌ల రేంజ్‌ను అందుకునేందుకు ప్రయత్నాలు చేస్తోంది ఈ భామ.
ఇక తాజాగా వంటలక్క సినిమాలో కనిపించనుందనే వార్తలు నెట్టింట్లో వైరల్‌గా మారుతున్నాయి. దీంతో వస్తున్నవార్తలకు బలాన్ని చేకూరుస్తూ ప్రేమీ విశ్వనాథ్ స్వయంగా తన ఇన్‌స్టాగ్రామ్‌లో హీరో రామ్ పోతినేని సినిమాలో నటించబోతున్నానని అధికారికంగా తెలిపింది. ఇక టాలీవుడ్‌ ఎనర్జిటిక్‌ హీరో రామ్ పోతినేని సినిమాలో మన వంటలక్క ఓ ముఖ్యమైన పాత్రలో నటించబోతుందట. ఈ సినిమాకు తమిళ డైరెక్టర్ లింగుస్వామి దర్శకత్వం వహిస్తున్నారు. ఎన్నో వైవిధ్యభరితమైన సినిమాలు చేసే లింగుస్వామి రామ్ హీరోగా ఓ సినిమా చేసేందుకు సిద్దమయ్యాడు.
ఈ మూవీలోని కథకు తగ్గట్టు అమ్మాయిని వెతికే పనిలో ఉన్న ఆయనకు వంటలక్క దొరికిందట. వెంట వెంటనే ప్రేమీ విశ్వనాథ్‌కు కథను వివరించటం ఈ భామ దీనికి గ్రీన్ సిగ్నల్ ఇవ్వటం అంతా జరిగిపోయింది. దీంతో త్వరలో బుల్లితెరను వదిలి వెండితెరలో మెరవనున్న ప్రేమీ విశ్వనాథ్‌కు ఇది ఓ గోప్ప అవకాశమనే చెప్పాలి. ఇక రానున్న రోజుల్లో ఇంకా గొప్ప గొప్ప అవకాశాలను అందిపుచ్చుకుని నటనలో మరిన్ని శిఖరాలను అందుకోవాలని వంటలక్క అభిమానులు కోరుకుంటున్నారు.
