ఆసక్తి రేపుతున్న బాలయ్య, పవన్ ఎపిసోడ్.. ఎన్నో ప్రశ్నలు.. మరెన్నో సమాధానాలు..

ఆహాలో బాలకృష్ణ చేస్తున్న అన్ స్టాపబుల్ షో ఎంత ప్రత్యేకమైనదో ప్రత్యేకించి చెప్పాల్సిన పని లేదు. వెండితెర మీద సాధ్యం కాని కాంబినేషన్లు.. ఈ టాక్ షో వల్ల సాధ్యమవుతున్నాయి. అల్లు అర్జున్, ప్రభాస్, రవితేజ, రాజమౌళి వంటి వాళ్లతో కలిసి బాలకృష్ణ చిన్న స్క్రీన్ మీద సందడి చేయడం అనేది ఫ్యాన్స్ కి ఒక విందు భోజనం లాంటిది. అలాంటి షోకి పవర్ స్టార్ పవన్ కళ్యాణ్ వెళ్తే ఎలా ఉంటుందో ఊహించుకోవచ్చు. ఫ్యాన్స్ కి పంచభక్ష పరమాన్నమే ఇక. ఎప్పుడైతే పవన్ కళ్యాణ్ షోకి వస్తున్నారని ప్రకటించారో.. అప్పటి నుంచి ఫ్యాన్స్ ఆ ఎపిసోడ్ కోసం ఎంతో ఆతురతగా ఎదురుచూశారు. ప్రోమో వదిలితే బాగుణ్ణు అని ఎదురుచూసిన ఫ్యాన్స్ లో ఆహా యాజమాన్యం ఎట్టకేలకు ఉత్సాహాన్ని నింపింది. ఆ ఆశలకు తగ్గట్టు పవన్ కళ్యాణ్ కి సంబంధించిన ప్రోమోని విడుదల చేశారు. 

ఎన్నో ప్రశ్నలకు.. మరెన్నో అనుమానాలకు ఈ షోలో సమాధానం దొరుకుతాయని అర్థమవుతుంది. పవన్ కళ్యాణ్ గ్రాండ్ ఎంట్రీ ఇచ్చారు. ‘అందరికీ చెబుతుంటాను, నన్ను బాల అని పిలవమని’ అని బాలకృష్ణ అనగా.. ‘నేను ఓడిపోవడానికి సిద్ధం కానీ మిమ్మల్ని అలా పిలవను’ అంటూ పవన్ అన్నారు. ‘ఈ పాలిటిక్సే వద్దు’ అంటూ బాలకృష్ణ చమత్కరించారు. ఈ మధ్య విమర్శల్లో వాడి వేడి, డబుల్ ఇంపాక్ట్ అయ్యిందని అడుగగా.. ‘తాను చాలా పద్ధతిగా మాట్లాడతాను’ అంటూ సమాధానమిచ్చారు పవన్. ఇక చిరంజీవి గురించి కూడా ప్రస్తావిస్తూ ఒక ప్రశ్న సంధించారు. ‘మీ అన్నయ్య చిరంజీవి నుంచి నేర్చుకున్నది ఏంటి? వద్దనుకున్నది?’ ఏంటి అంటూ ప్రశ్నించారు. ‘రాష్ట్రంలో మీ అభిమాని కాని వారు లేరు. ఆ ప్రేమ ఓట్లుగా ఎందుకు కన్వర్ట్ కాలేదు’ అంటూ బాలకృష్ణ ప్రశ్నించారు.

దీనికి పవన్ కళ్యాణ్ ఏ విధంగా సమాధానాలు చెబుతారో అని ఫ్యాన్స్ ఎదురుచూస్తున్నారు. ఇవే కాదు, ఇంకా చాలా ఉన్నాయి లోపల. దాచుంచాము అని ఆహా వెల్లడించింది. ‘పవర్ స్టార్ గురించి మనకి తెలియని విషయాలు, మనకి తెలియాల్సిన కబుర్లు అన్నీ కలగలసిన మాస్ మసాలా షో’ అంటూ ట్వీట్ చేసింది. దీనికి సంబంధించిన ప్రోమో ప్రస్తుతం సోషల్ మీడియాలో వైరల్ అవుతోంది. గతంలో బాలకృష్ణ, పవన్ కళ్యాణ్ కలిసి ఓ సినిమాలో నటించబోతున్నారని అన్నారు. కానీ అది ఎందుకో పట్టాలెక్కలేదు. మరి ఈ మల్టీస్టారర్ గురించి ఈ ఎపిసోడ్ లో బాలయ్య, పవన్ లు ప్రస్తావించి ఉంటారా? ఈ ఇద్దరూ కలిసి సినిమా చేస్తారా? అనేది ఆసక్తికరంగా మారింది. వెండితెర మీద ఎలాగూ సాధ్యం కాలేదు.. కనీసం ఇలా స్మాల్ స్క్రీన్ లో ఈ ఇద్దరినీ చూసే భాగ్యం దక్కిందని అభిమానులు ఫీలవుతున్నారు. మరి వీరి కాంబినేషన్ పై మీ అభిప్రాయమేమిటో కామెంట్ చేయండి.

Power star gurinchi manaki theliyani vishayalu, manaki theliayalsina kaburlu anni kalagalasina mass masala show…🔥🌪️
The Baap Of All Episodes In The Baap Of All Talkshows in India arriving soon.⚡Stay tuned for #PawanKalyanOnAHA #UnstoppableWithNBKS2!🤩✨ pic.twitter.com/dQtnteszsa

— ahavideoin (@ahavideoIN) January 20, 2023