థమ్స్ అప్ బ్రాండ్ అంబాసిడర్ గా విజయ్ దేవరకొండ!

ప్రముఖ సాఫ్ట్ డ్రింక్స్ సంస్థ కోకా కోలా కొన్నేళ్లుగా ఇండియాలో కోట్ల రూపాయలు ఖర్చు చేస్తూ సినీ ఇండస్ట్రీకి చెందిన సూపర్ స్టార్స్ తో ‘థంబ్స్ అప్’ ప్రమోషన్స్ చేయిస్తూ వస్తోంది. అటు సౌత్ టు నార్త్ వరకు స్టార్స్ అంతా థంబ్స్ అప్ యాడ్ చేసేందుకు ఉత్సాహం కనబరుస్తుంటారు.ఇక సౌత్ ఇండస్ట్రీలో పర్ఫెక్ట్ బ్రాండ్ అంబాసిడర్ ఎవరంటే.. మహేష్ బాబు పేరు ముందుగా వినిపిస్తుంది. ప్రస్తుతం మహేష్ చేతిలో 10కి పైగా ఎండోర్స్‌మెంట్స్ ఉన్నట్లు తెలుస్తుంది. అటు సినిమాలతో పాటు యాడ్స్ కి కూడా ఇంపార్టెన్స్ ఇస్తుంటాడు మహేష్. అందుకు తగ్గట్లుగా కోట్లలో పారితోషికం తీసుకుంటాడు. నేషనల్ తో పాటు ఇంటర్నేషనల్ బ్రాండ్స్ కూడా మహేష్ చేతిలో ఉన్నాయి. ఈ విషయంలో ఇప్పటివరకు ఏ సౌత్ హీరో కూడా మహేష్ కి పోటీ రాలేదు. జూనియర్ ఎన్టీఆర్, రామ్ చరణ్, అల్లు అర్జున్ లాంటి స్టార్స్ కూడా బ్రాండింగ్ చేస్తున్నారు. కానీ.., మహేష్ స్థాయిలో కాదు. అయితే.. ఇప్పుడు అనూహ్యంగా థంబ్స్ అప్ యాడ్ లో విజయ్ దేవరకొండ కనిపించి అందరికి షాక్ ఇచ్చాడు.

కొన్నేళ్లుగా థంబ్స్ అప్ కూల్ డ్రింక్‌ కి మహేష్ బ్రాండ్ అంబాసిడర్ గా ఉంటున్న సంగతి తెలిసిందే. నిజానికి మహేష్ కంటే ముందు మెగాస్టార్ చిరంజీవి థంబ్స్ అప్ బ్రాండ్ అంబాసిడర్‌ గా ఉన్నాడు. చిరు ప్లేస్ లోకి మహేష్ రాగా తాజాగా మహేష్ ప్లేస్ లోకి విజయ్ దేవరకొండ వచ్చాడని థంబ్స్ అప్ కంపెనీ అధికారికంగా ప్రకటించింది. రౌడీ బాయ్ చేతుల్లోకి థంబ్స్ అప్ బ్రాండ్ వచ్చిందంటూ ప్రమోట్ చేస్తున్నారు. పైగా ఇది సాఫ్ట్ డ్రింక్ కాదు.. తుఫాన్ అంటూ విజయ్ దేవరకొండ పిక్ రిలీజ్ చేశారు.

Our rowdy @TheDeverakonda is here! Watch this space to see him in his new avtaar! ⚡

Thums Up. Soft drink kaadu, idi toofan.⚡#ThumsUp #RowdyForThunder#ThumsUpStrong #Toofan pic.twitter.com/kKIn6LPd8P

— Thums Up (@ThumsUpOfficial) January 31, 2022

ఇదివరకు సౌత్ కి ఒకరు, నార్త్ కి ఒక స్టార్లతో థంబ్స్ అప్ ప్రమోషన్స్ జరిగేవి. కానీ ఈసారి దేశవ్యాప్తంగా విజయ్ నే ఖరారు చేసింది కంపెనీ. ప్రస్తుతం పాన్ ఇండియా వైడ్ విజెబ్ కి ఉన్న క్రేజ్ దృష్టిలో పెట్టుకొని.. దాదాపు 10 కోట్లకి పైగా విజయ్ కి రెమ్యూనరేషన్ ఇవ్వనున్నట్లు వార్తలు వినిపిస్తున్నాయి. సౌత్ వరకు మహేష్ కి 5 కోట్లే ఇచ్చిన కంపెనీ.. ప్రస్తుతం విజయ్ కి దేశవ్యాప్తంగా బాధ్యతలు అప్పగించింది కాబట్టి 10 కోట్లు ఇచ్చినట్టు సమాచారం. మరి.. ఈ విషయంలో మీ అభిప్రాయాలను కామెంట్స్ రూపంలో తెలియజేయండి.