తారకరత్న పెద్ద కర్మ తేదీ ప్రకటించిన బాలకృష్ణ, విజయసాయి రెడ్డి..

నందమూరి తారకరత్న ఫిబ్రవరి 18న మరణించిన విషయం తెలిసిందే. ఆయన మరణ వార్తను ఇప్పటికీ జీర్ణించుకోలేకపోతున్నారు. అయినప్పటికీ గుండెను రాయి చేసుకోవాలి. ఇక తారకరత్న పెద్ద కర్మ తేదీని ఫిక్స్ చేశారు పెద్దలు. ఆ పెద్దలు ఎవరో కాదు, విజయసాయి రెడ్డి, బాలకృష్ణలే. తారకరత్న అనారోగ్యానికి గురైనప్పటి అంత్యక్రియలు ముగిసేంత వరకూ బాలకృష్ణ అన్నీ దగ్గరుండి చూసుకున్నారు. నందమూరి కుటుంబానికి ఉన్న పెద్ద దిక్కు అయ్యారు. ఇక విజయ సాయిరెడ్డి తారకరత్న భార్య బంధువు కావడంతో తాను కూడా కుటుంబ పెద్దల ముందుకు వచ్చి తారకరత్న అంత్యక్రియల్లో భాగమయ్యారు.

ఆయన రాజకీయాలు పక్కన పెట్టి నందమూరి కుటుంబ సభ్యులతో ముఖ్యంగా బాలకృష్ణ, చంద్రబాబు నాయుడులతో మాట్లాడడం పట్ల ఆయనపై గౌరవం పెరిగిందని నెటిజన్స్ కామెంట్స్ చేస్తున్నారు. ఇలా బాలకృష్ణ, విజయసాయిరెడ్డి దగ్గరుండి తారకరత్న కుటుంబ సభ్యులకు ధైర్యం చెప్పారు. పెద్ద కర్మను కూడా దగ్గరుండి చేయాలని భావించారు. అందుకోసం తేదీని నిర్ణయించారు. తారకరత్న కుటుంబ సభ్యులు కార్డుని ప్రింట్ చేయించారు. కార్డులో బాలకృష్ణ, విజయసాయిరెడ్డిలే పెద్ద కర్మకు రావాలని బంధు, మిత్రులను ఆహ్వానించారు. శ్రీ నందమూరి తారకరత్న ఫిబ్రవరి 18న మరణించారన్న బాధాకర విషయాన్ని తెలియజేస్తున్నాము.

మార్చి 2న గురువారం నాడు మధ్యాహ్నం 12 గంటల నుంచి హైదరాబాద్ లోని ఫిల్మ్ నగర్ కల్చరల్ సెంటర్ లో తారకరత్న పెద్ద కర్మ నిర్వహిస్తున్నామని కార్డులో ప్రచురించారు. కార్డుపై వెల్ విషర్స్ గా బాలకృష్ణ, విజయసాయిరెడ్డి మరియు కుటుంబం ఉన్నారు. నందమూరి తారకరత్న సతీమణి అలేఖ్య, వారి పిల్లలు నిషిక, తనయ్ రామ్, రేయ పేర్లు ప్రచురించారు. ఇదే విషయాన్ని ఫేస్ బుక్ లో కూడా ప్రకటించారు. ఫిబ్రవరి 18న మహా శివరాత్రి నాడు తారకరత్న శివైక్యం చెందారు. పెద్ద కర్మను మార్చి 2వ తేదీన జరుపుటకు పెద్దలు నిశ్చయించారు. కావున ప్రతీ ఒక్కరూ విచ్చేసి తారకరత్న పవిత్ర ఆత్మకు శాంతి చేకూర్చాలని మనవి చేసుకున్నారు.

Sri NANDAMURI TARAKA RATNA Pedda Karma will takeplace on Thursday, 2nd March 2023, 12:00pm Onwards at Film Nagar Cultural Centre, Hyderabad.#NandamuriTarakaRatna #TarakaRatna #JrNTR #NandamuriBalakrishna pic.twitter.com/BmFRqua3aB

— SumanTV (@SumanTvOfficial) February 25, 2023