follow us:
తెలుగు చలన చిత్ర రంగంలో ఉన్నంత మంది సింగర్స్.. బహుశా మరే ఇతర సినీ ఇండస్ట్రీలలో ఉండరేమో. కొన్ని సంగీత కార్యక్రమాల పుణ్యమా అంటూ కూడా మనకి చాలా మంది సింగర్స్ దొరికారు. అయితే.., వీరంతా ముందు నుండి సింగింగ్ నే తమ వృత్తి, ప్రవృత్తిగా ఎంచుకున్న వారు. కానీ.., సింగర్ కల్పన కెరీర్ కాస్త విచిత్రమైనది.
ఈమెది ముందు నుండి సినీ నేపధ్యం ఉన్న కుటుంబమే. చైల్డ్ ఆర్టిస్ట్ గా కొని సినిమాల్లో నటించింది కూడా. ఇందులో భాగంగానే.., బాలకృష్ణ నటించిన ‘సీతారామ కళ్యాణం’ సినిమాలో ఓ పాటలో కనిపించింది కల్పన. కానీ.., వయసు పెరిగే కొద్దీ ఆమె సంగీతం వైపు ఆకర్షితురాలయ్యారు. సింగర్ గా అతి తక్కువ సమయంలోనే సూపర్ సక్సెస్ అయ్యింది కూడా. కానీ.., వ్యక్తిగత జీవితంలో వచ్చిన కుదుపులు సింగర్ కల్పనాని తీవ్రంగా బాధించాయి. భర్తతో విడాకులు తీసుకున్న సమయంలోనే ఆమె ఆర్ధికంగా కూడా చాలా నష్టపోయింది. అప్పటి కష్టతరమైన పరిస్థితిల గురించి కల్పన ఇన్నాళ్లకు నోరు విప్పింది.
2010లో నా జీవితం అయిపోయింది అనుకున్నా. చుట్టూ అప్పులు. వైవాహిక జీవితంలో సమస్యలు. ఆ సమయంలో బ్రతకడమే కష్టం అనిపించింది. అప్పుడే చనిపోదామని నిర్ణయం తీసుకున్నాను. కానీ.., ఆ సమయంలో గాయని చిత్ర నాకు అండగా నిలబడింది. మలయాళంలో ఓ షో జరుగుతోంది, ఎలిమినేట్ అయినా పర్లేదు.., ప్రశాంతంగా ఉంటుంది, గెలిస్తే డబ్బులు వస్తాయి.. వస్తావా అంటూ చిత్ర అడగడంతో ఎలాగైనా గెలవాలనే కసితో ఆ షోలో పాల్గొన్నట్లు కల్పన చెప్పుకొచ్చింది.
నిజానికి ఆ ప్రయత్నంలో కూడా కల్పనకి చాలానే అవమానాలు ఎదురయ్యాయి. తన వల్ల ఇండస్ట్రీ పరువు పోతోందని, ఓ ప్రొఫెషనల్ సింగర్.. ఇలా కంటెస్టెంట్ గా రావడం ఏంటని అంతా విమర్శలు చేశారు. కానీ.., కల్పన మాత్రం ఆ విమర్శలను పట్టించుకోలేదు. చివరికి ఆ షోలో కల్పన విజేతగా నిలిచింది. మంచి పేరుతో పాటు.., క్యాష్ ప్రైజ్ దక్కించుకుంది. ఇక అక్కడ నుండి కల్పన మళ్ళీ జీవితంలో వెనక్కి తిరిగి చూసుకోలేదు. ఆ క్రేజ్ తో ఆమెకి కొన్ని సింగింగ్ షోస్ లో జడ్జ్ గా అవకాశాలు వచ్చాయి. అదే ఊపులో తెలుగు బిగ్ బాస్ షోలో కూడా మెరిసింది కల్పన. ఏదేమైనా.., ఎన్నో కష్టాలను, అవమానాలను అధిగమించి ఈరోజు కల్పన జీవితంలో విజేతగా నిలబడటం ఎంతో మందికి స్ఫూర్తిదాయకం. ఈ విషయంలో మీ అభిప్రాయాలను కామెంట్స్ రూపంలో తెలియచేయండి.
