అంతర్జాతీయ అత్యుత్తమ నటుల జాబితా! ఇండియా నుండి ఏకైక వ్యక్తిగా షారుఖ్ ఖాన్..

గత కొంత కాలంగా భారతీయ చిత్ర పరిశ్రమ వరల్డ్ వైడ్ గా దూసుకెళ్తోంది. హాలీవుడ్ చిత్రాలతో దీటుగా పోటీ పడుతోంది. మరీ ముఖ్యంగా దక్షిణాది చిత్రాలు. టాలీవుడ్ జక్కన్న SS రాజమౌళి రూపోందించిన RRR సినిమా భారీ వసూళ్లు సాధించి, ఇండియన్ సినిమా రేంజ్ ను ప్రపంచానికి పరిచయం చేసింది. ఈ క్రమంలోనే ఎంపైర్ మ్యాగజైన్ రూపొందించిన 50 మంది అత్యుత్తమ నటుల జాబితాను విడుదల చేసింది సంస్థ. ఈ జాబితాలో కేవలం ఒక్కరంటే ఒక్కరికే ఇండియా నుంచి చోటు దక్కడం గమనార్హం. దాంతో టామ్ క్రూజ్, డి కాప్రియో, జోకర్ లాంటి నటుల సరసన నిలిచాడు ఈ ఇండియన్ యాక్టర్.

సాధారణంగా ప్రపంచ వ్యాప్తంగా ఉన్న ఎన్నో మ్యాగజైన్స్ రకరకాల రంగాలకు సంబంధించిన వ్యక్తుల జాబితాలను రూపోందించి విడుదల చేస్తుంటాయి. అలాంటి ప్రముఖ మ్యాగజైన్ లలో ఎంపైర్ మ్యాగజైన్ ఒకటి. తాజాగా ఈ మ్యాగజైన్ వరల్డ్ వైడ్ గా ఉన్న అత్యుత్తమ 50 మంది నటుల జాబితాను విడుదల చేసింది. ఈ జాబితాలో ఇండియా నుంచి కేవలం ఒక్క హీరోకు మాత్రమే చోటు దక్కింది. అతడే బాలీవుడ్ బాద్ షా కింగ్ ఖాన్ షారుఖ్ ఖాన్. మరే ఇతర భారతీయ హీరోలకు దక్కని గౌరవం బాద్ షా కు దక్కింది. ఇంకా ఈ జాబితాలో డెంజల్ వాషింగ్టన్, మార్లోన్ బ్రాండో, ట్రామ్ హాంక్స్, కేట్ విన్స్ లెట్, టామ్ క్రూజ్, డి కాప్రియో, జోకర్ లాంటి వారితో జాబితాలో చోటుదక్కించుకున్నాడు షారుఖ్.

Empire’s list of the 50 greatest actors of all time – revealed! As celebrated in our brand new issue, and voted for by you.

READ NOW: https://t.co/zvvo1xpYhn pic.twitter.com/zE4jZmVMSj

— Empire Magazine (@empiremagazine) December 19, 2022

ఈ క్రమంలో అతడు సాధించిన విజయా గురించి, అతడికున్న అభిమానుల గురించి ఎంపైర్ మ్యాగజైన్ ప్రత్యేకంగా ప్రస్తావించింది. కొన్ని ముఖ్యమైన పాత్రలను, డైలాగ్ లను ఈ సందర్భంగా గుర్తు చేసింది. కుచ్ కుచ్ హోతా హై, దేవదాస్, స్వదేశ్, మై నేమ్ ఈజ్ ఖాన్ సినిమాల్లో పాత్రలను గురించి ప్రత్యేకంగా చెప్పుకొచ్చింది. దాంతో కింగ్ ఖాన్ కు శుభాకాంక్షలు తెలుపుతున్నారు మిగతా హీరోలు. ఇక ప్రస్తుతం షారుఖ్ నటించిన ‘పఠాన్’ సినిమా రిలీజ్ కు సిద్దంగా ఉంది. ఈ చిత్రంలోని బేషరమ్ పాట ఇటీవల వివాదాన్ని ఎదుర్కొన్న సంగతి మనందరికి తెలిసందే. పలువురు రాజకీయ నాయకులు కూడా ఈ సినిమాను తమ రాష్ట్రాల్లో రిలీజ్ కానివ్వం అని హెచ్చరించారు. ఈ నేపథ్యంలోనే షారుఖ్ కు ఇలాంటి గౌరవం దక్కడం విశేషం.

#ShahRukhKhan becomes the only Indian actor to be a part of @empiremagazine’s list of 50 greatest actors of all time.
In their own words, “there’s pretty much nothing he can’t do”🙌🏻😎@iamsrk, the Pride Of India! ❤️🇮🇳
Link:https://t.co/YrqNpGB1sv#SRK #Pathaan #JhoomeJoPathaan pic.twitter.com/1CqW8DVFc1

— Shah Rukh Khan Universe Fan Club (@SRKUniverse) December 20, 2022