follow us:
దర్శక ధీరుడు రాజమౌళి దర్శకత్వంలో రామ్‌ చరణ్‌, జూనియర్‌ ఎన్టీఆర్‌, ఆలియా భట్‌, అజయ్‌ దేవ్‌గన్‌ వంటి భారీ తారాగణంతో తెరకెక్కిన చిత్రం ట్రిపుల్‌ ఆర్‌. కలెక్షన్ల పరంగా ఈ సినిమా గత రికార్డులన్నింటిని బద్దలు కొట్టిన సంగతి తెలిసిందే. ఇక ట్రిపుల్‌ ఆర్‌ విజయం చూసి బాలీవుడ్ ఇండస్ట్రీ ఒణికిపోయిందనే చెప్పవచ్చు. దాంతో పిచ్చి వ్యాఖ్యలు చేసిన వారు కూడా ఉన్నారు. మన హీరోలను కూడా ట్రోల్‌ కూడా చేశారు. ఇప్పటికి ఈ సినిమాపై కొందరు అనుచిత వ్యాఖ్యలు చేస్తూనే ఉన్నారు. మరీ ముఖ్యంగా పాశ్చత్య దేశాలు.. ట్రిపుల్‌ ఆర్‌ సినిమాను గే లవ్‌ స్టోరీ అంటూ ఎద్దేవా చేస్తున్నాయి. వాళ్లంటే విదేశీలు.. మన మీద అక్కసుతో అన్నారు అనోకవచ్చు. పైగా వారి మాటలను ఎవరు పెద్దగా సీరియస్‌గా కూడా తీసుకునేవారు కాదు.
కానీ మన దేశంలో పుట్టి.. సినిమాల్లో పని చేసిన వ్యక్తి కూడా అలానే అన్నాడు. అందులోనూ ఆస్కార్ అవార్డును అందుకున్న వ్యక్తి. అతడే సౌండ్ డిజైనర్ రసూల్ పూకుట్టి. ఇతను తాజాగా ఆర్ఆర్ఆర్ సినిమాను గే స్టోరీగా చెప్పుకొచ్చాడు. అందుకు నిర్మాత శోభు యార్లగడ్డ స్ట్రాంగ్‌ కౌంటర్‌ ఇచ్చాడు. అందుకు రసూల్ పూకుట్టి బదులిచ్చాడు. ప్రస్తుతం వీరి ట్విట్టర్‌ సంభాషణ నెట్టింట వైరల్‌గా మారుతోంది. ఆ వివరాలు..
ఈ వివాదానికి కారణం తొలుత ఓ ట్విట్టర్‌ యూజర్‌ చేసిన కామెంట్‌. సదరు యూజర్‌ రాత్రే ఆర్ఆర్ఆర్ అనే చెత్త సినిమాను చూశాను అంటూ పోస్ట్‌ చేశాడు. ఆ ట్వీట్‌కు రసూల్ పూకుట్టి రిప్లై ఇస్తూ గే స్టోరీ అని అనేశాడు. దీనిపై దుమారం రెగింది. నెటిజన్లు ఆయన మీద తీవ్ర స్థాయిలో మండిపడ్డారు. ఇదే కాక బాహుబలి నిర్మాత శోభు యార్లగడ్డ కూడా రంగంలోకి దిగాడు. రసూల్ పూకుట్టిపై తీవ్ర అసహనం వ్యక్తం చేశాడు బాహుబలి నిర్మాత.
Saw 30 minutes of garbage called RRR last night.
— Munish (@MunishBhardwaj) July 3, 2022
శోభు యార్లగడ్డ చేసిన ట్వీట్ ఇలా ఉంది. ‘నువ్ చెప్పినట్టుగా ఆర్ఆర్ఆర్ సినిమా గే స్టోరీలా నాకు అనిపించలేదు.. సరే అది గే స్టోరీ అయినా తప్పేంటి? అదేమైనా చెడ్డ విషయమా? నువ్ అలా ఎలా అనగలవు.. నీ వ్యాఖ్యలను ఎలా సమర్థించుకోగలవు.. మీరు ఇలా దిగజారడం నాకు ఎంతో బాధగా అనిపిస్తోంది’ అంటూ శోభు యార్లగడ్డ ట్వీట్ చేశారు.
I don’t think @RRRMovie is a gay love story as you say but even if it was, is “gay love story” a bad thing? How can you justify using this ? Extremely disappointed that someone of your accomplishments can stoop so low! https://t.co/c5FmDjVYu9
— Shobu Yarlagadda (@Shobu_) July 4, 2022
ఇందుకు రసూల్ పూకుట్టి ఇలా బదులిచ్చాడు. “మీ వ్యాఖ్యలతో పూర్తిగా ఏకీభవిస్తున్నాను. ఇందులో ఎలాంటి తప్పు లేదు. ఇంతకుముందు పబ్లిక్‌ డొమైన్‌లో ఉన్న విషయాన్నే నేను నా ఫ్రెండ్‌కి కోట్‌ చేశాను. ఇందులో ఎలాంటి వక్రీకరణ లేదు. మీరు సీరియస్‌గా తీసుకోవలసిన అవసరం లేదు, శోభూ. దీనికి సంబంధించి నేను ఎవరిని తప్పు పట్టడం లేదు. దీన్ని ఇంతటితో ముగిస్తున్నాను” అంటూ ట్వీట్ చేశాడు.
I don’t think @RRRMovie is a gay love story as you say but even if it was, is “gay love story” a bad thing? How can you justify using this ? Extremely disappointed that someone of your accomplishments can stoop so low! https://t.co/c5FmDjVYu9
— Shobu Yarlagadda (@Shobu_) July 4, 2022
వీరి ట్వీట్ల యుద్ధం చూసిన నెటిజనులు.. తప్పులేదు.. బాలీవుడ్‌లో వందల కోట్లు పెట్టి తెరకెక్కిస్తున్న చిత్రాలు కనీసం పదో వంతు కూడా రాబట్టడం లేదు. మరి మన సౌత చిత్రాలు అక్కడ సూపర్‌ కలెక్షన్లతో దూసుకుపోతున్నాయి. ఆ కడుపు మంటతోనే ఇలాంటి కామెంట్స్‌ చేస్తున్నారు. ఎందరో హాలీవుడ్‌ ప్రముఖులు, సినీ ప్రముఖులు ప్రశంసించిన సినిమా మీ ఒక్కరికి నచ్చకపోతే పెద్ద నష్టం ఏం లేదు.. మీరు ఇలానే మా మీద పడి ఏడవండి.. మేం మాత్రం దూసుకుపోతాం అని కామెంట్స్‌ చేస్తున్నారు నెటిజనులు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.
