follow us:
ప్రభాస్ 'ప్రాజెక్ట్ K'లో తమిళ స్టార్ హీరో కమల్ హాసన్ నటించనున్నారా? ప్రస్తుతం ఇదే సోషల్ మీడియాలో హాట్ టాపిక్ గా మారిపోయింది. ఇంతకీ ఇందులో నిజమెంత?
డార్లింగ్ ప్రభాస్ హీరోగా నటిస్తున్న మూవీ ‘ప్రాజెక్ట్ K’. సైన్స్ ఫిక్షన్ తో తీస్తున్న ఈ సినిమాని వచ్చే ఏడాది సంక్రాంతి థియేటర్లలోకి తీసుకొస్తామని చాలా రోజుల క్రితమే ప్రకటించారు. అందుకు తగ్గట్లే షూటింగ్ జరుగుతోంది. కొన్నాళ్లముందు ఓ రెండు మూడు అప్డేట్స్ ఇచ్చిన టీమ్.. తర్వాత సైలెంట్ అయిపోయింది. చిత్రబృందం నుంచి కాదులే గానీ ఇప్పుడు ఏకంగా ఓ విషయం హాట్ టాపిక్ అయింది. ఈ సినిమాలో ఏకంగా కమల్ హాసన్ నటిస్తారని అంటున్నారు. ఇంతకీ మేటర్ ఏంటి? ఇందులో నిజమెంత అనేది ఇప్పుడు చూద్దాం.
అసలు విషయానికొచ్చేస్తే.. ప్రభాస్ ‘ప్రాజెక్ట్ K’లో హీరోయిన్ గా దీపికా పదుకొణె, కీలక పాత్రలో అమితాబ్ బచ్చన్ నటిస్తున్నారని మాత్రమే ఆడియెన్స్ కి తెలుసు. వీళ్లు తప్పితే మిగతా నటీనటుల గురించి ఒక్కటంటే ఒక్క న్యూస్ కూడా రాలేదు. గతంలో ఓసారి పోస్టర్ రిలీజ్ చేసినప్పుడు ‘సీతారామం’ దుల్కర్ సల్మాన్ ఇందులో ఉన్నాడని అన్నారు. కానీ అది నిజమో కాదో తెలియదు. ఇది అలా ఉండగానే ఇప్పుడు కమల్ హాసన్ పేరు బయటకొచ్చింది. ఈ మూవీలో కమల్ విలన్ గా నటిస్తున్నారని, ఏకంగా రూ.150 కోట్లు రెమ్యునరేషన్ ఇస్తున్నారని, 20 రోజులే షూటింగ్ అని అంటున్నారు.
దీన్ని గమనిస్తే ఇది ఆల్మోస్ట్ ఫేక్ అని అర్థమవుతుంది. ఎందుకంటే ప్రభాస్ కే రూ.100 కోట్లకు పైగా రెమ్యునరేషన్ ఇస్తున్నారు. అది కూడా సినిమా మొత్తం యాక్ట్ చేస్తున్నందుకు! అలాంటిది కేవలం 20 రోజులకు రూ.150 కోట్లు ఇస్తారంటే ఏ మాత్రం నమ్మశక్యం కలగట్లేదు. కాబట్టి ‘ప్రాజెక్ట్ K’లో కమల్ హాసన్ నటిస్తున్నారనేది రూమర్ మాత్రమే అయ్యిండొచ్చు అనిపిస్తోంది. ఎందుకంటే ‘భారతీయుడు 2’ షూటింగ్ లో ఆయన బిజీగా ఉన్నారు. దీని తర్వాత మరికొన్ని సినిమాలు చేయాల్సి ఉంది. సో అదనమాట విషయం. మరి ‘ప్రాజెక్ట్ K’ కమల్ హాసన్ యాక్ట్ చేయనున్నారనే వార్తలపై మీరేం అనుకుంటున్నారు? కింద కామెంట్ చేయండి.
#KamalHaasan to act as a full time VILLAIN in the PAN India Biggie #ProjectK opposite #Prabhas – Just 20 days shoot & #Ulaganayagan‘s remuneration will be a WHOOPING 150 Crs.. 😮🔥
Source : Valai Pechu pic.twitter.com/Psi5CJTLYW— VCD (@VCDtweets) May 30, 2023
