follow us:
పవర్‌స్టార్‌ పవన్‌కల్యాణ్‌, క్రిష్‌ జాగర్లమూడి కాంబినేషన్‌లో వస్తున్న చిత్రం హరిహర వీరమల్లు. పవన్ కెరీర్లో తొలి సోషియో ఫాంటసీ చిత్రంగా వస్తున్న హరిహర వీరమల్లు నుంచి బిగ్‌ అనౌన్స్‌మెంట్‌ వచ్చేసింది. పవన్ సరసన నటిస్తున్న ఇస్మార్ట్‌ బ్యూటీ నిధి అగర్వాల్ బర్త్‌డే సందర్భంగా అభిమానులకు డైరెక్టర్‌ క్రిష్‌, పంచమిని పరిచయం చేశారు.
‘చందమామతో సరితూగే అంద, సొగసు కలిగిన మా అందాలతార పంచమికి జన్మదిన శుభాకాంక్షలు’ అంటూ క్రిష్‌ జాగర్లమూడి ట్వీట్‌ చేశాడు. సాంప్రదాయ చీరకట్టు, నృత్య బంగిమలో ఉన్న పంచమిని చూసి అభిమానులు అంతా మనసు పారేసుకుంటున్నారు.
మొఘల్‌ కాలంనాటి పరిస్థితుల ఆధారంగా చిత్రం తెరకెక్కనున్నట్లు తెలుస్తోంది. ఇప్పటికే రిలీజైన పవన్ ఫస్ట్ గ్లిమ్స్‌ అభిమానులను ఎంతగానో ఆకట్టుకుంది. పవన్ ఒక బందిపోటుగా కనిపించబోతున్నారని తెలిసిన విషయమే. మెగా సూర్య ప్రొడక్షన్స్ బ్యానర్ మీద నిర్మాత ఎ.ఎం.రత్నం సమర్పణలో ఈ చిత్రం రూపొందుతోంది. సంక్రాంతి కానుకగా ఈ చిత్రం విడుదల కానుంది.
