ఆస్కార్‌ ఉత్తమ నటిపై విమర్శలు.. ఈమె గురించి మీకు ఏం తెలుసు?

95వ అకాడమీ అవార్డుల వేడుక అంగరంగ వైభవంగా జరిగింది. ఆదివారం రాత్రి 8 గంటలకు లాస్‌ ఏంజిల్స్‌లోని డాల్బీ థియేటర్‌లో  ప్రారంభమైన ఈ వేడుక రాత్రి 11 గంటల వరకు సాగింది. అకాడమీ మొత్తం 23 క్యాటగిరీల్లో విజేతలకు అవార్డులను ప్రధానం చేసింది. ఈ వేడుకల్లో ఉత్తమ నటిగా ‘మిచెల్లీ యో’ అవార్డును సొంతం చేసుకున్నారు. ‘ఎవిరీ థింగ్‌ ఎవిరీ వేర్‌ ఆల్‌ ఆట్‌ వన్స్‌’ సినిమాలో నటనకు గాను ఆమెకు ఈ అవార్డు వచ్చింది. ఆస్కార్‌ అవార్డు గెలుచుకున్న తొలి ఆసియా మహిళగా మిచెల్లీ ఓ కొత్త చరిత్రను సృష్టించారు. అయితే, ఉత్తమ నటిగా మిచెల్లీకి అవార్డు రావటం పలువురికి మింగుడు పడటం లేదు.

సోషల్‌ మీడియా వాప్తంగా కొంతమంది నెటిజన్లు ఆమె అందంపై కామెంట్లు చేయటం మొదలుపెట్టారు. ‘ఏం అంత అందంగా ఉందని ఆమెకు ఉత్తమ నటి అవార్డు ఇచ్చారు’.. ‘ఆమె ఫేస్‌కు ఆమె ఉత్తమ నటి ఏంటిరా బాబు..’.. ‘ముసలవ్వలా ఉంది ఆమె ఉత్తమ నటా’ అంటూ దారుణమైన కామెంట్లు చేస్తున్నారు. మిచెల్లీని తిడుతున్న వారు కొందరైతే.. పొగడ్తలతో ముంచెత్తుతున్నవారు కూడా ఉన్నారు. ‘ఆస్కార్‌ అవార్డు గెలుగుచుకున్న తొలి ఆసియా మహిళ మిచెల్లీకి శుభాకాంక్షలు’.. ‘ అందానికి ప్రతిభకు సంబంధం లేదు.. కంగ్రాట్యులేషన్స్‌ మిచెల్లీ’ అని ప్రశంసలు కురిపిస్తున్నారు.

ఆస్కార్‌ వచ్చింది ఆమె నటనకు.. అందానికి కాదు..

95వ ఆస్కార్‌ వేడుకల్లో మిచెల్లీ యా కేవలం తనన నటనకు సంబంధించి మాత్రమే ఉత్తమ నటిగా అవార్డును సొంతం చేసుకుంది. అవి అందాల పోటీలు కావు. ఈ విషయాన్ని ఆమెను విమర్శిస్తున్న వారు గుర్తుంచుకోవాలి. సదరు కామెంట్లు చేస్తున్న వ్యక్తులు ఆమె వయసును.. నటిగా సాధించిన విజయాలను కూడా పరిగణలోకి తీసుకోవాలి. మిచెల్లీ వయస్సు ప్రస్తుతం 60 ఏళ్లు.. 60 ఏళ్ల వయసులో ఆమె అలా కాకుండా ఇంకెలా ఉంటుంది. వయసు పెరిగే కొద్ది మనిషిలో అందం తగ్గుతూ వస్తుంది. జీవించినంత కాలం అందంగా కనిపించాలనుకోవటం మూర్ఖత్వం.

సినిమా వాళ్లు అయినా సరే.. వాళ్లు కూడా మనుషులే కాబట్టి అందాన్ని ఎల్ల కాలం అలాగే కాపాడుకోవటం వారికి కూడా సాధ్యపడదు. ఇక, ఆమె సినిమా జీవితం విషయానికి వస్తే.. 1984లో సినిమా కెరీర్‌ను స్టార్ట్‌ చేశారు. 50కి పైగా సినిమాల్లో నటించారు. పదుల సంఖ్యలో జాతీయ, అంతర్జాతీయ అవార్డులను సొంతం చేసుకున్నారు. జాకీచాన్‌, జెట్‌లీ వంటి మార్షల్‌ ఆర్ట్స్‌ హీరోలతో ధీటుగా యాక్షన్‌ సినిమాలను చేశారు. ఇంకా చేస్తూనే ఉన్నారు. అలాంటి ఆమెపై విమర్శలు చేయటం బుద్ది లేని చర్యే. మరి, ఆస్కార్‌ అవార్డును గెలుచుకున్న మిచెల్లీనీ అందంగా లేదంటూ విమర్శలు చేయటంపై మీ అభిప్రాయాలను కామెంట్ల రూపంలో తెలియజేయండి.

Michelle Yeoh accepts her #Oscar for Best Actress: “For all the little boys and girls who look like me watching tonight, this is a beacon of hope and possibilities. This is proof that dreams do come true.” https://t.co/ndiKiHfmID pic.twitter.com/pQN8nHDhCx

— Variety (@Variety) March 13, 2023