మెగా అభిమాని మృతి.. టీజర్ రిలీజ్ వాయిదా వేసిన సాయిధరమ్ తేజ్!

సడన్ గా చనిపోవడం.. ఈ మధ్య చాలా ఎక్కువైపోయింది. టీనేజ్ కుర్రాళ్ల నుంచి కాస్త పెద్ద వాళ్ల వరకు ప్రతి ఒక్కరూ ఇలా సెకన్లు, నిమిషాల్లో కుప్పకూలిపోతున్నారు. అక్కడికక్కడే తుదిశ్వాస విడుస్తున్నారు. ఇందులో చాలావరకు గుండెపోటుతోనే చనిపోతున్నారని డాక్టర్లు నిర్ధారిస్తున్నారు. ఇప్పుడు ఇలానే ఓ మెగా అభిమాని, సాయిధరమ్ తేజ్ ఫ్యాన్స్ అసిసోయేషన్ ప్రెసిడెంట్ కూడా మృతి చెందాడు. దీంతో తన కొత్త సినిమా టీజర్ లాంచ్ ని తేజ్ వాయిదా వేసుకున్నాడు.

ఇక వివరాల్లోకి వెళ్తే.. అభిమానులకు ఇంపార్టెన్స్ ఇచ్చే విషయంలో మెగాహీరోలు ఎప్పుడు ముందుంటారు. వాళ్లతో టచ్ లో ఉండటంతో పాటు తమ సినిమాల గురించి అభిప్రాయాలను కూడా అడిగి తెలుసుకుంటూ ఉంటారు. ఒకవేళ పొరపాటున ఎవరైనా కాలం చేస్తే.. వాళ్ల ఫ్యామిలీకి తమ వంతు సాయం చేస్తుంటారు. తాజాగా భీమవరంకు చెందిన మెగా అభిమాని, సాయిధరమ్ తేజ్ ఫ్యాన్స్ అసిసోయేషన్ ప్రెసిడెండ్ రావూరి పండు(27).. క్రికెట్ ఆడుతూ గుండెపోటుతో చనిపోయాడు. తన అభిమాని మరణించడంతో సాయిధరమ్ చలించిపోయాడు. సంతాపం తెలియజేశాడు. ఈ క్రమంలోనే సాయిధరమ్ కొత్త సినిమా ‘విరూపాక్ష’ టీజర్ లాంచ్ ని వాయిదా వేస్తున్నట్లు నిర్మాతలు ప్రకటించారు.

సాయిధరమ్ తేజ్ హీరోగా నటిస్తున్న సినిమా ‘విరూపాక్ష’. ఇందులో లేటెస్ట్ సెన్సేషన్ సంయుక్త మేనన్ హీరోయిన్ గా నటిస్తోంది. తాజాగా ఈచిత్ర టీజర్ చూసిన పవన్ కల్యాణ్.. బాగుందని చిత్రబృందాన్ని మెచ్చుకున్నారు. ఇక ఈ టీజర్ ని మార్చి 1న పవర్ స్టార్ చేతుల మీదుగా రిలీజ్ చేస్తామని మేకర్స్ ప్రకటించారు. కానీ ఇంతలోనే మెగా అభిమాని మృతితో ఈ విడుదలని కాస్త వాయిదా వేయాల్సి వచ్చింది. మరోవైపు సాయిధరమ్ తేజ్ చేతిలో ఈ సినిమాతో పాటు ‘వినోదయ సీతం’ రీమేక్ కూడా ఉంది. ఇందులో పవన్ తో కలిసి సాయితేజ్ నటిస్తున్నారు. ఆల్రెడీ షూటింగ్ కూడా స్టార్ట్ అయిపోయింది.

Shocked to know about the sad demise of #RavuriPandu Mega fan and bheemavaram SDT fans president. 28 years ki cricket adutoo heart stroke. 😭😭😭 RIP pic.twitter.com/KtPfnFObxu

— Sateesh Botta (@bkrsatish) March 1, 2023

We are shocked to hear about the untimely demise of Ravuri Pandu Garu ( Mega Fan and Sai Dharam Tej Fans president, Bhimavaram )

As a mark of respect, The teaser release of #Virupaksha stands postponed.

— SVCC (@SVCCofficial) March 1, 2023