follow us:
Major: మేజర్ సందీప్‌ ఉన్నీక్రిష్ణన్‌ జీవిత కథ ఆధారంగా తెరకెక్కిన చిత్రం ‘మేజర్’. విలక్షణ నటుడు అడవి శేషు మేజర్ సందీప్‌ పాత్రలో నటించిన ఈ చిత్రం జూన్‌ 3న ప్రేక్షకుల ముందుకు వచ్చింది. విమర్శకులనుంచి మంచి రివ్యూలను సొంతం చేసుకుంది. ప్రేక్షకులు సైతం సినిమా బాగుందంటూ భావోద్వేగానికి గురవుతున్నారు. శుక్రవారం తమ కుమారుడి సినిమాను వెండి తెరపై చూసిన సందీప్‌ తల్లిదండ్రులు భావోద్వేగానికి గురయ్యారు. సందీప్‌ తల్లి కన్నీళ్లు పెట్టుకుంది. సందీప్‌ తండ్రి మీడియాతో మాట్లాడుతూ ఎమోషనల్‌ అయ్యారు. ఆయన మాట్లాడుతూ.. ‘‘సినిమాను సందీప్‌ జీవితాన్ని ప్రతిబింబించేలా చాలా చక్కగా తీశారు.
తెలుగు, హిందీలో అద్భుతంగా తెరకెక్కించారు. దానికి హృదయపూర్వకంగా శుభాకాంక్షలు తెలియజేస్తున్నా. నటీనటుల నటన, సినిమాటోగ్రఫీ, కెమెరా వర్క్‌ ఎంతో బాగుంది. ఈ సినిమా మా దుఃఖాన్ని మరిచేలా చేసింది. ఒక మాట చెబుతాను. సందీప్‌ చనిపోయాడని చాలామంది అనుకుంటున్నారు. కానీ కాదు. అతని తుదిశ్వాస వరకు ప్రజల ప్రాణాల్ని కాపాడే ప్రయత్నం చేశాడు. అది ఎంతోమందికి స్ఫూర్తిగా నిలుస్తుంది. నా కెరీర్‌ను హైదరాబాద్‌లోనే ప్రారంభించాను.
నేను సందీప్‌తో కలిసి హైదరాబాద్‌లో జీవించాను, అతనితో మంచి సమయం గడిపాను. నేను హైదరాబాద్‌లో ఉన్నందుకు చాలా గర్వపడుతున్నాను. హైదరాబాద్‌కు మళ్లీ మళ్లీ వస్తాను’’ అని అన్నారు. కాగా, మేజర్ సినిమాకు శశికిరణ్‌ తిక్క దర‍్శకత్వం వహించారు. మహేష్‌ బాబు ఈ సినిమాకు నిర్మాతగా వ్యవహరించారు. మరి, సందీప్‌ తల్లిదండ్రుల భావోద్వేగంపై మీ అభిప్రాయాలను కామెంట్ల రూపంలో తెలియజేయండి.
‘Sandeep has fought till his last breath & beyond. He continues to motivate all of us’
Mr. Unnikrishnan at the special premieres in Hyderabad.#MajorTheFilm 🇮🇳@AdiviSesh @saieemmanjrekar #SobhitaD @SashiTikka @urstrulyMahesh @SonyPicsIndia @GMBents @AplusSMovies pic.twitter.com/GIuN5w4uFO— Major (@MajorTheFilm) June 3, 2022
ఇవి కూడా చదవండి : మేజర్ మూవీ రివ్యూ
