పోలీసులకు దొరికిపోయిన నటుడు కమల్‌ కామరాజు.. వైరలవుతోన్న ట్వీట్‌!

కమల్‌ కామరాజు గురించి తెలుగు ప్రేక్షకులకు ప్రత్యేక పరిచయం అక్కర్లేదు. ఆవకాయ్‌ బిర్యానీ, గోదావరి వంటి సినిమాలతో ప్రేక్షకుల్లో మంచి గుర్తింపు తెచ్చుకున్నాడు. సినిమాల్లో మాత్రమే కనిపిస్తూ.. వివాదాలకు దూరంగా ఉండటం కమల్ కామరాజు నైజం. అంతేకాక సోషల్ మీడియాలో కూడా చాలా తక్కువగా కనిపిస్తుంటాడు. కేవలం తనకు, తన సినిమాలకు సంబంధించిన అప్‌డేట్స్‌ మాత్రమే సోషల్‌ మీడియాలో పోస్ట్‌ చేస్తుంటాడు. అయితే తాజాగా కమల్‌ కామరాజు చేసిన ఓ ట్వీట్‌ ప్రస్తుతం నెట్టింట వైరల్‌గా మారింది. నేను పోలీసులకు దొరికిపోయాను అని చేసిన ఈ ట్వీట్‌.. ప్రస్తుతం నెట్టింట వైరల్‌గా మారింది. ఇది చూసిన నెటిజనులు.. పోలీసులకు దొరికిపోవడం ఏంటి.. అసలు ఏం జరిగింది అంటూ కామెంట్స్‌ చేస్తున్నారు. మరి ఏం జరిగిందో తెలియాలంటే.. ఇది చదవండి..

తాజాగా కమల్ కామరాజు తాను పోలీసులకు దొరికిపోయానంటూ ట్వీట్‌ చేసి షాకిచ్చాడు. ‘‘అందరికీ చెప్తాను. ఇవాళ నా బైక్ స్పీడు పెంచి దొరికిపోయాను. పొద్దున్నే ఖాళీ రోడ్ చూసి ఆత్రుత ఆపుకోలేక 60లో వెళ్లాల్సిన వాడిని 80లో వెళ్లాను. ఇంత పొద్దున్న సమయంలో కూడా నేను స్పీడుగా వెళ్లడాన్ని పట్టుకుని నాకు చలాన్ పంపిన హైదరాబాద్ ట్రాఫిక్ పోలీసులకు, వారు అభివృద్ధిచేసిన పద్ధతులకు ధన్యవాదాలు’’ అని కమల్ కామరాజు తన ట్వీట్‌లో పేర్కొన్నారు. అంతేకాదు, తాను బైక్ మీద వేగంగా వెళ్తున్న ఫొటోను కూడా షేర్‌ చేశాడు. పోలీసులు ఏర్పాటు చేసిన కెమరాలో.. ఈ ఫొటో క్యాప్చర్‌ అయ్యింది అని తెలిపాడు. హైదరాబాద్‌ ట్రాఫిక్ పోలీసుల పనితీరుపై ప్రశంసలు కురిపించాడు కమల్ కామరాజు.

అందరికి చెప్తా… ఇవ్వాళా నా బైక్ స్పీడ్ పెంచి దొరికిపోయా . పోదున్నే కాళీ రోడ్ చూసి excite అయ్యి 60 లొ వవెళ్ళాలి 80 లొ వెళ్ళా. kudos to hyderabad traffic police and their advanced methods for capturing and sending me a challan even at such early hours. @hydcitypolice @HYDTP pic.twitter.com/KSuP5rvkVM

— kamal kamaraju ~k k (@kamalkamaraju) January 19, 2023

హైదరాబాద్‌లో పెరిగిన కమల్ కామరాజు.. సిటీలోని జవహరల్‌లాల్ నెహ్రూ ఆర్కిటెక్చర్ అండ్ ఫైన్ ఆర్ట్స్ యూనివర్సిటీ నుంచి గ్రాడ్యూయేషన్‌ పట్టా అందుకున్నాడు. ఆర్కిటెక్ట్‌గానే సినిమా ఇండస్ట్రీలోకి ఎంట్రీ ఇచ్చాడు కమల్‌ రాజు. అసిస్టెంట్ ఆర్ట్ డైరెక్టర్‌గా కెరీర్ మొదలుపెట్టాడు. ఆ తరవాత దర్శకుడు చంద్రశేఖర్ యేలేటి దగ్గర అసిస్టెంట్ డైరెక్టర్‌గా చేరారు. చంద్రశేఖర్ యేలేటి దర్శకత్వంలో వచ్చిన ‘అనుకోకుండా ఒకరోజు’ సినిమాకు అసిస్టెంట్ డైరెక్టర్‌గా పనిచేయడంతో పాటు అందులో నటించాడు కూడా. ఆ తరవాత ‘ఛత్రపతి’ సినిమాలో ప్రభాస్ స్నేహితుడిగా కనిపించాడు. అయితే ఆ తర్వాత శేఖర్ కమ్ముల దర్శకత్వంలో వచ్చిన ‘గోదావరి’ సినిమాతో కమల్ కామరాజుకు మంచి గుర్తింపు వచ్చింది.

‘ఆవకాయ్ బిర్యాని’ సినిమాతో కమల్ కామరాజు హీరోగా మారాడు. కానీ ఆ సినిమా ఆశించినంత విజయం సాధించలేదు. దాంతో మళ్లీ క్యారెక్టర్ ఆర్టిస్టుగానే సెటిల్ అయ్యాడు. పవన్ కళ్యాణ్, బాలకృష్ణ, మహేష్ బాబు వంటి స్టార్ హీరోల సినిమాల్లో ప్రాధాన్యత ఉన్న పాత్రల్లో నటించాడు. 2021లో ‘వకీల్ సాబ్’, ‘నాట్యం’ సినిమాల్లో కనిపించాడు. ఇక ‘నాట్యం’లో కీలకమైన పాత్రలో నటించాడు. ఆ తర్వాత మరే చిత్రాల్లో కనిపించలేదు. ఇక ప్రస్తుతం కుష్బూ భర్త సుందర్ సి నటిస్తోన్న ‘వల్లాన్’ అనే తమిళ సినిమాలో కమల్ కామరాజు కీలక పాత్ర పోషిస్తున్నాడు. త్వరలోనే ఈ సినిమా ప్రేక్షకుల ముందుకు రాబోతుంది. మరి కమల్‌ కామరాజు చేసిన ట్వీట్‌పై మీ అభిప్రాయాలను కామెంట్స్‌ రూపంలో తెలియజేయండి.