Vikram: రియల్ KGF కథతో కొత్త సినిమా అనౌన్స్ చేసిన హీరో విక్రమ్!

Vikram: దక్షిణాది సినీ ఇండస్ట్రీలో విలక్షణ నటుడిగా పేరొందిన స్టార్ హీరో విక్రమ్. విక్రమ్ గురించి తెలుగు ప్రేక్షకులకు ప్రత్యేక పరిచయం అక్కర్లేదు. కెరీర్ ప్రారంభం నుండి ఎన్నో వైవిధ్య‌మైన సినిమాలు, విల‌క్ష‌ణ‌ పాత్ర‌ల‌తో ప్రేక్షకులను అలరిస్తున్నాడు. అలాగే విలక్షణమైన పాత్రలకు కేరాఫ్ అడ్ర‌స్‌ అనిపించుకున్నాడు. తాజాగా విక్రమ్ హీరోగా 61వ సినిమా మొద‌లైంది.

మద్రాస్, క‌బాలి, కాలా, సార్ప‌ట్ట పరంపర లాంటి వైవిధ్యమైన సినిమాలు తెరకెక్కించిన ద‌ర్శ‌కుడు పా. రంజిత్.. విక్రమ్ 61వ సినిమా రూపొందించనున్నాడు. స్టూడియో గ్రీన్ బ్యాన‌ర్‌ పై కెఇ. జ్ఞాన‌వేల్ రాజా ఈ చిత్రాన్ని నిర్మిస్తున్నారు. పీరియాడిక్ మూవీగా రూపొందనున్న ఈ సినిమాకు ‘మైదానం’ అనే టైటిల్ పరిశీలనలో ఉన్నట్లు తెలుస్తుంది. ఇదిలా ఉండగా.. ఈ సినిమా కథ గురించి ఇండస్ట్రీ వర్గాలలో ఓ వార్త వైరల్ అవుతోంది.

ఇంతకీ ఆ విష‌యం ఏంటంటే.. విక్రమ్ 61వ సినిమాను దర్శకుడు పా. రంజిత్ నిజ‌మైన కేజీఎఫ్ గ‌నుల నేపథ్యంలో రాసుకున్నారట. అదేవిధంగా నిజమైన కేజీఎఫ్ గనులలో.. భారత స్వాతంత్ర్యానికి ముందు జరిగిన రియల్ ఇన్సిడెంట్స్ ఆధారంగా చిత్రీక‌రించ‌బోతున్నార‌ని సమాచారం. ఇందులో కేజీఎఫ్ గనులలో ఇండియన్స్ పడిన కష్టాలను చూపించనున్నారని టాక్.

ఇక ఈ సినిమా కేజీఎఫ్ నేపథ్యంలో తెరకెక్కనుందని తెలిసి సినిమాపై ఆద్యంతం ఫ్యాన్స్ లో అంచనాలు తారాస్థాయికి చేరుకున్నాయి. ఎందుకంటే.. కేజీఎఫ్ అనగానే అందరికి యష్ – ప్రశాంత్ నీల్ కాంబినేషన్ లో తెరకెక్కిన పాన్ ఇండియా సినిమాలు గుర్తొస్తాయి. అయితే.. కేజీఎఫ్, కేజీఎఫ్ 2 సినిమాలు ఆ జానర్ లో రూపొందినప్పటికీ, షూటింగ్ రియల్ కేజీఎఫ్ లో మాత్రం జరగలేదు.

ఇప్పుడు విక్రమ్ మూవీని నిజమైన కేజీఎఫ్ లో షూట్ చేయనున్నారని తెలిసి ఫ్యాన్స్ అంతా చాలా ఎక్సయిట్ అవుతున్నారు. ఎందుకంటే.. డైరెక్టర్ పా. రంజిత్ సినిమాలన్నీ దాదాపు నిజ జీవితాలకు దగ్గరగా ఉంటాయి.. సీన్స్ అన్ని నేచురల్ గా కళ్ళకు కట్టినట్లుగా ఉంటాయి. మరి సినిమా కోసం ఎంత రిస్క్ అయినా చేసే హీరో విక్రమ్ – రంజిత్ కాంబినేషన్ లో సినిమా అంటే.. షూటింగ్ మొదలు కాకముందే సినిమాపై భారీ హైప్ క్రియేట్ అయ్యింది.

ఇక ఈ క్రేజీ మూవీని వ‌చ్చే ఏడాది స‌మ్మ‌ర్‌లో రిలీజ్ చేసే ఆలోచనలో ఉన్నారట నిర్మాత‌లు. విక్రమ్ సౌత్ ఇండస్ట్రీలకే పరిమితం అయినప్పటికీ, అతని క్రేజ్ బాలీవుడ్ లోనూ కనిపిస్తుంది. త్వరలోనే ‘పొన్నియిన్ సెల్వన్’ మూవీతో ప్రేక్షకులను పాన్ ఇండియా స్థాయిలో పలకరించబోతున్నాడు. దానికి ముందే కోబ్రా సినిమాతో రెడీ అవుతున్నాడు. మరి విక్రమ్ – పా. రంజిత్ కాంబినేషన్ పై మీ అభిప్రాయాలను కామెంట్స్ లో తెలియజేయండి.

#Chiyaan61 : The origin of #KGF in the 19th century..

The labour struggle..

— Ramesh Bala (@rameshlaus) July 16, 2022

#ChiyaanVikram and filmmaker Pa. Ranjith at the launch of #Chiyaan61. #PaRanjith #ProductionNo22 #Chiyaan61Pooja @studiogreen2 @kegvraja @officialneelam @beemji @kishorkumardop @Lovekeegam @gvprakash @EditorSelva @moorthy_artdir @anbariv @iamSandy_Off pic.twitter.com/kWsARaZKSx

— Ramesh Bala (@rameshlaus) July 16, 2022

#Chiyaan61 Pooja Ceremony happened today mrng 👍#ChiyaanVikram #PaRanjith #ProductionNo22 #Chiyaan61Pooja @studiogreen2 @kegvraja @officialneelam @beemji

Music by @gvprakash pic.twitter.com/iWVitZiBpO

— Kaushik LM (@LMKMovieManiac) July 16, 2022