follow us:
అఖిల్ అక్కినేని బ్యాట్ పట్టుకుంటే విధ్వంసమే. సిక్సులు, ఫోర్లతో బంతికి ఊపిరి సలపనివ్వకుండా చేస్తాడు. సెలబ్రిటీ క్రికెట్ లీగ్ 2023లో ఒక ప్రొఫెషనల్ క్రికెటర్ లా అఖిల్ బ్యాటింగ్ చేసిన విధానం అందరినీ ఆకట్టుకుంటుంది.
మన దేశంలో సినిమా, క్రికెట్ కు ఉండే ఆదరణ మిగతా ఏ రంగాలకు ఉండదు. మరి.. ఈ రెండిటికి ఒక్కటే వేదికైతే.. అదే సెలబ్రెటీ క్రికెట్ లీగ్ అవుతుంది. కరోనా కారణంగా గ్యాప్ వచ్చిన చాలా కాలం తర్వాత మళ్ళీ సందడి.. ఈ ఏడాదితో మొదలైంది. ఇక లీగ్ లో తెలుగు వారియర్స్ తన మొదటి మ్యాచ్ లో కేరళ స్ట్రైకర్స్ తో తలపడింది. ముందుగా బ్యాటింగ్ కు దిగిన తెలుగు వారియర్స్ కు మంచి ఆరంభం లభించింది. ఓపెనర్లు అఖిల్, ప్రిన్స్ తమ దూకుడైన ఆట తీరుతో స్కోర్ బోర్డుని పరుగులు పెట్టించారు. ముఖ్యంగా అఖిల్ వరుస సిక్సర్లుతో చెలరేగిపోయారు. కేవలం 28 బంతుల్లోనే 90 పరుగులు చేసిన అక్కినేని అఖిల్.. ఓ ప్రొఫెషనల్ క్రికెటర్ లా చెలరేగిపోవడం విశేషం. మరో ఓపెనర్ ప్రిన్స్ అర్ధ శతకాన్ని తృటిలో చేజార్చుకున్నా.. అఖిల్ కు మంచి సహకారాన్ని అందించాడు.
అయితే.. వీరిద్దరూ వరుస బంతుల్లో అవుట్ కావడంతో తెలుగు వారియర్స్ దూకుడుకి బ్రేక్ పడ్డట్టు అయ్యింది. ఓవరాల్ గా అఖిల్ కొట్టిన బౌండరీస్ మాత్రం మొత్తం మ్యాచ్ లోనే హైలెట్ గా చెప్పుకోవచ్చు. ఇక అఖిల్ మొదటి నుండి సెలబ్రెటీ క్రికెట్ లీగ్ లో యాక్టివ్ గా ఉంటూ వస్తున్నాడు. అతను తెలుగు టైటాన్స్ టీమ్ కు కెప్టెన్ కూడా. ముందు సీజన్స్ లో కూడా అఖిల్ ఇదే ఆట తీరుతో తెలుగు టైటాన్స్ ను విజేతగా నిలబెట్టాడు. ఇక ప్రస్తుతం అఖిల్ నటించిన ఏజెంట్ మూవీ విడుదలకి సిద్ధం అవుతోంది. “ఏజెంట్” సూపర్ సక్సెస్ అవ్వాలని అక్కినేని ఫ్యాన్స్ అంతా కోరుకుంటున్నారు. సినిమాల్లో అక్కినేని వారసత్వాన్ని కొనసాగిస్తున్న అఖిల్.. ఇలా క్రికెట్ లో కూడా అక్కినేని హవాని చాటుతుందటం విశేషం. మరి.. సెలబ్రెటీ క్రికెట్ లీగ్ అఖిల్ మాస్ హిట్టింగ్ పై మీ అభిప్రాయాలను కామెంట్స్ రూపంలో తెలియజేయండి.
Akhil anna nuvu circket ki vellunte aa circketer vunde vadu kadhu 90*(28)#CCL2023 pic.twitter.com/Mxna6qKYeI
— Don Stranger (@aaparichituudu) February 19, 2023
