ఒకే రోజున డైరెక్టర్, అసిస్టెంట్ డైరెక్టర్ మృతి..

సినీ పరిశ్రమలో వరుస విషాదాలు నెలకొంటున్నాయి. ప్రముఖ సీనియర్ నటుల మృతితో ఇండస్ట్రీ కన్నీరు మున్నీరు అయ్యింది. ఇటీవలే టాలీవుడ్ యువ నటుడు సుధీర్ వర్మ ఆత్మహత్య చేసుకున్న సంగతి తెలిసిందే. తాజాగా ఒక సీనియర్ దర్శకుడు, యంగ్ అసిస్టెంట్ డైరెక్టర్ మృతి చెందారు. ఒకే రోజున డైరెక్టర్, అసిస్టెంట్ డైరెక్టర్ మృతి చెందడంపై ఇండస్ట్రీలో విషాద ఛాయలు అలుముకున్నాయి. పలు సినిమాలకు దర్శకత్వం వహించి.. అనేక సినిమాల్లో తన నటనతో చెరగని ముద్ర వేసుకున్నటువంటి సీనియర్ దర్శక నటుడు చికిత్స పొందుతూ గుండెపోటుతో మరణించారు. మరోవైపు షూటింగ్ లో ఉండగా అసిస్టెంట్ డైరెక్టర్ మృతి చెందారు. ఇండస్ట్రీలో ఒకే రోజున ఇద్దరు కళాకారులు మరణించడం పట్ల పలువురు సినీ ప్రముఖులు జీర్ణించుకోలేకపోతున్నారు.  

సీనియర్ దర్శకుడు, నటుడు అయినటువంటి ఈ. రామదాస్ (66) గుండెపోటుతో మరణించారు. చెన్నైలోని కే.కే. నగర్ మునస్వామి వీధిలో నివసిస్తున్న రామదాస్.. 3 రోజుల క్రితం అనారోగ్యానికి గురయ్యారు. కుటుంబ సభ్యులు రామదాస్ ను చూలైమేడులోని ప్రైవేట్ ఆసుపత్రిలో చేర్చారు. చికిత్స పొందుతున్న ఆయన గుండెపోటుకు గురై తుది శ్వాస విడిచారు. రామదాస్ మృతి పట్ల సినీ ప్రముఖులు సంతాపం వ్యక్తం చేశారు. రామదాస్ కు భార్య, ఇద్దరు కుమారులు ఉన్నారు. ఈయన సొంత ఊరు విల్లుపురం. సినిమాల మీద ఆసక్తితో ఇండస్ట్రీలో అడుగుపెట్టిన ఈయన రచయితగా కెరీర్ స్టార్ట్ చేశారు.

రచయితగా గుర్తింపు తెచ్చుకున్న తర్వాత దర్శకుడిగా మారి రాజా రాజాదాన్, కళ్యాణం, రావణన్ వంటి సినిమాలకు దర్శకత్వం వహించారు. రచయితగా, దర్శకుడిగానే కాకుండా అనేక చిత్రాల్లో నటుడిగా కూడా మెప్పించారు. ఈయన మరణించిన రోజున అసిస్టెంట్ డైరెక్టర్ రామకృష్ణన్ (25) మృతి చెందారు. తూత్తుకుడి జిల్లా, కోవిల్ పట్టికి చెందిన శ్రీనివాసన్ కుమారుడు అయిన రామకృష్ణన్.. సినిమాల్లో అసిస్టెంట్ డైరెక్టర్ గా పని చేస్తున్నారు. ప్రస్తుతం డ్యాన్స్ కొరియోగ్రాఫర్ బృందా దర్శకత్వం వహిస్తున్న థగ్స్ సినిమాకి అసిస్టెంట్ డైరెక్టర్ గా పని చేస్తున్నారు. ఈ సినిమాకి సంబంధించి పోస్ట్ ప్రొడక్షన్ పనులు సాలిగ్రామంలో ఓ స్టూడియోలో జరుగుతున్నాయి.

అయితే చిత్ర పనుల్లో ఉన్న రామకృష్ణన్ ఉన్నట్టుండి ఒక్కసారిగా స్పృహ తప్పి పడిపోయారు. వెంటనే చిత్ర యూనిట్ అతన్ని.. ప్రభుత్వ ఆసుపత్రికి తరలించారు. అయితే రామకృష్ణన్ అప్పటికే మృతి చెందినట్లు వైద్యులు వెల్లడించారు. విరుగంబాక్కమ్ పోలీసులు కేసు నమోదు చేసుకుని దర్యాప్తు చేస్తున్నారు. రామకృష్ణన్ ఆకస్మిక మృతి పట్ల నటుడు శాంతాను భావోద్వేగానికి గురయ్యారు. ‘ఒక మంచి స్నేహితుడ్ని కోల్పోయాను. నిజంగా రామకృష్ణన్ గ్రేట్ అసిస్టెంట్ డైరెక్టర్. ఎటువంటి చెడు అలవాట్లు లేనటువంటి వ్యక్తి రామకృష్ణన్’ అంటూ ట్విట్టర్ లో రాసుకొచ్చారు. రామకృష్ణన్ చనిపోక ముందు ఒక గంట ముందు తనకు కాల్ చేసి మాట్లాడాడని అన్నారు.

வார்த்தைக்கு வார்த்தை
நகைச்சுவை,
புன்னகை மாறாத
பேரன்பு கொண்டவன்.
எழுத்தாற்றல்,
பேச்சாற்றல்,
இயல்பான நடிப்பில்
வாகை சூடியவன்,
உன் இழப்பு
தமிழ் திரை உலகிற்கு
பேரிழப்பாகும். pic.twitter.com/uencQNEBBU

— Bharathiraja (@offBharathiraja) January 24, 2023

Lost a dear friend last night
An aspiring, EXTREMELY TALENTED ASSISTANT DIRECTOR – 26yr old… Absolutely no bad habits, healthy lifestyle..but god took him away too early…
He jus “Collapsed”… dropped dead during work.. #Ramakrishna
1/4 pic.twitter.com/dXjxcAvGkE

— ஷாந்தனு (@imKBRshanthnu) January 24, 2023