follow us:
ఈమె పుట్టింది బెంగళూరులో.. కానీ హీరోయిన్ గా మాత్రం పాన్ ఇండియా క్రేజ్ సంపాదించింది. ఇక ప్రభాస్ హైట్ ఉంటాడు కాబట్టి.. అతడి పక్కన చేసే బ్యూటీస్ కూడా అంతే ఎత్తు ఉంటే అదిరిపోతుంది. కానీ హీరోయిన్లు అంత పొడుగ్గా ఉన్నవాళ్లు చాలా తక్కువ. ప్రస్తుతం భారీ పాన్ ఇండియా ప్రాజెక్టులో కలిసి నటిస్తున్న ఈ ఇద్దరూ కూడా ప్రేక్షకుల్ని మెస్మరైజ్ చేసేందుకు రెడీ అయిపోతున్నారు. ఈ ఏడాది బాక్సాఫీస్ ని షేక్ చేసేందుకు సిద్ధమైపోతున్నారు. మరి ఆ భామ ఎవరో గుర్తుపట్టారా?
ఇక విషయానికొస్తే.. పైన ఫొటోలు ముద్దుగా కూర్చున్న చిన్నారి దీపికా పదుకొణె. ఆమె పుట్టినరోజు నేడు. ఈ సందర్భంగానే ఆ ఫొటో ఒకటి వైరల్ గా మారింది. ప్రముఖ షట్లర్ ప్రకాశ్ పదుకొణెకు కూతురు అయిన దీపిక.. తండ్రిలా స్పోర్స్ ప్లేయర్ కాకుండా నటిగా మారింది. తొలి చిత్రం కన్నడలో చేసింది. ఆ తర్వాత కొన్నాళ్లకు బాలీవుడ్ షిప్ట్ అయిపోయింది. స్టార్ హీరోల సరసన నటిస్తూనే తనకంటూ స్పెషల్ గా క్రేజ్ సంపాదించుకుంది. ప్రేక్షకులు తనకోసమే వచ్చేంత స్టార్ డమ్ సంపాదించుకుంది. ఇక బాలీవుడ్ లో మాత్రమే కాకుండా పలు ఇంగ్లీష్ సినిమాల్లోనూ నటించింది.
ఇక పద్మావత్, రామ్ లీలా లాంటి సినిమాల్లో తనతో పాటు కలిసి నటించిన రణ్ వీర్ సింగ్ ని దీపిక ప్రేమించి పెళ్లి చేసుకుంది. ప్రస్తుతం వీళ్లిద్దరూ ఎవరికి వారు సినిమాలతో ఫుల్ బిజీగా ఉన్నారు. రీసెంట్ గానే థియేటర్లలోకి వచ్చిన రణ్ వీర్ ‘సర్కస్’ మూవీలోనూ దీపిక తళుక్కున మెరిసింది. ఇక దీపిక హీరోయిన్ గా చేసిన ‘పఠాన్’ వివాదాల్లో చిక్కుకుంది. ప్రభాస్ ‘ప్రాజెక్టు K’లోనూ దీపికనే హీరోయిన్ గా చేస్తోంది. బర్త్ డే సందర్భంగా ఆమె పోస్టర్ ని కూడా ఈరోజే రిలీజ్ చేశారు. ఇలా కెరీర్ పరంగా ఎంతో బిజీగా ఉన్న దీపిక చిన్నప్పటి ఫొటోని మీలో ఎంతమంది గుర్తుపట్టారు? కింద కామెంట్స్ లో పోస్ట్ చేయండి.
View this post on Instagram
