follow us:
ట్రెండ్ క్రియేట్ చేయాలన్నా, సరికొత్త బ్రాండ్ సెట్ చేయాలన్నా సరే వన్ అండ్ ఓన్లీ మెగాస్టార్ చిరంజీవికే సాధ్యం. చెబితే అతియోశయోక్తిలా అనిపించొచ్చు. ఇప్పుడు జనరేషన్ లో చాలామంది హీరోలు చిరుకు ఏకలవ్య శిష్యులు లాంటోళ్లు! ఎందుకంటే చిరు సినిమాలు చూసే డ్యాన్స్ నేర్చుకున్నారు, కామెడీ చేస్తున్నారు, యాక్షన్ తో రఫ్ఫాడిస్తున్నారు. ఆల్ రౌండర్స్ గా పేరు తెచ్చుకుంటున్న హీరోలకి వన్ అండ్ ఓన్లీ గురువు చిరంజీవినే అనడానికి అస్సలు మొహమాటపడాల్సిన అవసరం లేదు! ఇక చిరంజీవి ఇప్పటికిప్పుడు సినిమాలకు బ్రేక్ ఇచ్చేసి రెస్ట్ తీసుకున్నా సరే ఆయనకు పోయేదేం లేదు. అలా అని చిరు రిలాక్స్ అయిపోవట్లేదు. అభిమానుల కోసం నిరంత్రం శ్రమిస్తూనే ఉన్నారు. దానికి ఎగ్జాంపుల్ ‘వాల్తేరు వీరయ్య’ సినిమా.
సంక్రాంతి, చిరంజీవి సినిమాలు డెడ్లీ కాంబినేషన్. అది ఏ సినిమా అయినా కావొచ్చు. బాస్ వచ్చాడు అంటే థియేటర్లు దద్దరిల్లాలి. బాక్సాఫీస్ బాక్సులు పగిలిపోవాలి. లేకపోతే ఆ సంక్రాంతి, పండగలా అనిపించదు. ఫ్యాన్స్ కి కడుపు నిండదు. ఈసారి సంక్రాంతికి కూడా ‘వాల్తేరు వీరయ్య’ సినిమాతో మెగాస్టార్ చిరంజీవి.. అభిమానులు, ప్రేక్షకులని పలకరించారు. సగటు సినీ ప్రేక్షకుడు సినిమా చూసేదే వినోదం కోసం. లాజిక్స్ ఎక్సెట్రా ఎక్సెట్రా పక్కనబెడితే.. చూస్తున్నంతసేపు ఎంజాయ్ చేశాడా లేదా అనేది మాత్రమే చూస్తాడు. ఈ విషయంలో చిరు ‘వాల్తేరు వీరయ్య’ ఫుల్ మార్కులతో కొట్టేసింది.
మెగాస్టార్ చిరంజీవి దాదాపు తొమ్మిదేళ్లపాటు సినిమాలకు దూరమై, 2017లో ‘ఖైదీ నం.150’తో రీఎంట్రీ ఇచ్చారు. ఆ తర్వాత ‘సైరా’ చేశారు. గతేడాది ‘ఆచార్య’, ‘గాడ్ ఫాదర్’ మూవీస్ చేశారు. ఇవన్నీ కూడా దాదాపు సీరియస్ సబ్జెక్టులే. దీంతో బాస్ గ్రేస్ చూడాలని అనుకున్న ఫ్యాన్స్ లో ఎక్కడో చిన్న డిసప్పాయింట్ మెంట్. బాస్ నుంచి సరైన మాస్ సినిమా పడి చాలా ఏళ్లయిపోయింది. ఎప్పుడు వస్తుందా ఎప్పుడు వింటేజ్ చిరుని చూస్తామా అని చాలా ఏళ్ల నుంచి వెయిట్ చేస్తూ వచ్చారు. అలా ఎదురుచూస్తున్న అభిమానులకు చిరు ఎప్పటికీ మరిచిపోలేని గిఫ్ట్ ఇచ్చారు. ఈ సంక్రాంతికి ‘వాల్తేరు వీరయ్య’ని తీసుకొచ్చారు. ఓ కమర్షియల్ సినిమాలో ఏయే దినుసులు ఉండాలో అవన్నీ కూడా పక్కా కొలతలతో వండి వార్చారు. ఇక ఫ్యాన్స్ అయితే థియేటర్లలో అరిచి అరిచి గోల గోల చేస్తున్నారు. ‘బాస్.. నిజంగానే పూనకాలు తెప్పించావ్’ అని కాలర్ ఎగరేస్తున్నారు.
అయితే ఇక్కడ చిరంజీవి గురించి చెప్పుకోవాల్సిన విషయం ఒకటుంది. అప్పుడెప్పుడో ‘ప్రాణం ఖరీదు’తో నటుడిగా మారారు. ఆ తర్వాత హీరోగా చాలా గుర్తింపు తెచ్చుకున్నారు. స్టిల్ ఇప్పటికీ టాలీవుడ్ లో టాప్ హీరోగా కొనసాగుతున్నారు. చిరుతోపాటు నటులుగా కెరీర్ ప్రారంభించిన వాళ్లలో కొందరు కనుమరుగైపోయారు. మరికొందరు తండ్రి పాత్రలు చేస్తూ బిజీ అయిపోయారు. చిరు మాత్రమే తనలో చరిష్మా, గ్రేస్ ని కాపాడుకుంటూ.. ఈ వయసులోనూ అద్భుతమైన కామెడీ, గ్రేస్ ఫుల్ డ్యాన్స్ మూమెంట్స్ తో కుర్ర హీరోలని భయపెడుతున్నారు. ఇక సంక్రాంతికి వచ్చిన ‘వాల్తేరు వీరయ్య’లోనూ వింటేజ్ కామెడీ, అద్భుతమైన ఎమోషన్స్, గ్రేస్ ఫుల్ డ్యాన్స్ చేశారు. థియేటర్లు రీసౌండ్ వచ్చేలా హిట్ కొట్టేశారు. సినిమా సూపర్ ఉండేసరికి.. ఫ్యాన్స్ ఎలానో హ్యపీ. ఇక నార్మల్ ఆడియెన్స్ కూడా తెగ ఖుషీ అయిపోతున్నారు. చిరంజీవి నుంచి ఎక్స్ పెక్ట్ చేసిన అసలు సిసలు సినిమా అంటే ఇది అని గర్వంగా కాలర్ ఎగరేస్తున్నారు. చిరుని ఇప్పటికీ ఎప్పటికీ కొట్టే హీరో లేడు అని తెగ మురిసిపోతున్నారు.
