జాక్ పాట్ కొట్టిన పూరీ హీరోయిన్.. ఏకంగా బిలినీయర్‌తో..

టాలెంట్ అండ్ మోస్ట్ డైనమిక్ డైరెక్టర్ పూరీ జగన్నాథ్ గురించి చెప్పనక్కర్లేదు. సినిమా హిట్ ప్లాపులతో సంబంధం లేకుండా ఆయనకు అభిమానులున్నారు. పడి లేవడం ఆయనకు అలవాటు. పూరీ పని అయిపోయింది రా అనుకున్న ప్రతిసారి.. మంచి కమ్ బ్యాక్‌తో వచ్చి మిగిలిన దర్శకులను అలర్ట్ చేస్తాడు. అలాగే ఈయన కొత్త వారికి అవకాశం ఎక్కువగా ఇస్తుంటాడు. ముఖ్యంగా హీరోయిన్ల ఎంపికలో చాలా చూజీగా ఉంటారు. తెలుగులో బాలీవుడ్ , కోలీవుడ్ వరకు అనేక మంది హీరోయిన్లను పరిచయం చేశారు. అమీషా పటేల్, అనుష్క, ఆయేషా టకియా, కంగనా రనౌత్, రేణు దేశాయ్, కేథరిన్, హన్నిక, ఆశ్రిన్, దిశాపటానీ, రీసెంట్‌గా వచ్చిన లైగర్ హీరోయిన్ అనన్య పాండే వరకు అయిన తెచ్చిన అందగత్తెలే. వారిలో స్టార్ హీరోయిన్ హోదాకు వెళ్లిన వారు ఉన్నారు. ఇంకా కొనసాగుతున్న వారు ఉన్నారు. అయితే ఇప్పుడు పూరీ హీరోయిన్ లక్కీ ఛాన్స్ కొట్టేసింది.

దర్శకుడు పూరి జగన్నాథ్ టాలీవుడ్‌కు పరిచయం చేసిన మరో సుందరి ఆదితి ఆర్య. 2015 ఫెమినా మిస్​ ఇండియా టైటిల్​ని గెలుచుకున్న ఈ బ్యూటీ ముందు తెలుగు సినిమాల ద్వారానే సినీ పరిశ్రమకు ఎంట్రీ ఇచ్చింది. ఆమె తెలుగులో నందమూరి కళ్యాణ్ రామ్, పూరీ జగన్నాథ్ కాంబోలో వచ్చిన ఇజం సినిమాలో హీరోయిన్‌గా నటించింది. ఆ తర్వాత బాలీవుడ్ సినిమాలతో పాటు టాలీవుడ్‌లో నటించింది. సెవెన్ అనే సస్పెన్స్ థ్రిల్లర్ మూవీలో కనిపించింది. అలాగే 83 మూవీతో పాటు పలు సినిమాల్లో ఆడిపాడింది. అయితే అవకాశాలు రాకపోవడంతో ఆమె చదువుపై దృష్టి పెట్టింది. అయితే ఈ బ్యూటీ తంతే బూరల గుంపలో పడినట్లు ఓ బిలినీయర్ ఇంటి కోడలు కాబోతుంది. ఈ విషయాన్ని ఆ బిలియనీర్ చెప్పడం విశేషం.

ప్రముఖ బ్యాకింగ్ సంస్థ కోటక్ మహీంద్ర వ్యవస్థాపకులు, సీఇఓ ఉదయ్ కొటక్ కుమారుడు జై కొటక్ ఈ విషయాన్ని తెలియజేశాడు. అదితి ఆర్య ఇటీవల యాలీ యూనివర్శిటీ నుండి ఎంబిఎ డిగ్రీని పొందింది. ఈ విషయాన్ని తెలియజేస్తూ జై ఓ ట్వీట్ చేశారు. ‘యాలీ యూనిర్శిటీ నుండి ఎంబీఎ పూర్తి చేసింది నా ఫియాన్నీ (కాబోయే భార్య) అదితి. చాలా గర్వంగా ఉంది’ అంటూ ఆమె గ్రాడ్యుయేషన్ డే ఫోటోలను పోస్టు చేశారు. అలా షేర్ చేయడంతో అనేక మంది వీరికి కంగ్రాట్స్ చెబుతున్నారు. గత ఏడాది వీరిద్దరికీ ఎంగేజ్ మెంట్ జరిగిందని రూమర్లు వచ్చాయి. అలాగే పారిస్ లో ఇద్దరు ఫోటోకు ఫోజులిస్తూ కనిపించారు. ఇప్పటికీ వరకు వీరికి ఎంగేజ్ మెంట్ అయిన విషయంపై ఎలాంటి క్లారిటీ ఇవ్వలేదు. ఇప్పుడు చేసిన పోస్టుతో అది నిజమేనని తేలింది.

Aditi, my fiancée, completed her MBA from Yale University today. Immensely proud of you @AryaAditi pic.twitter.com/xAdcRUFB0C

— Jay Kotak (@jay_kotakone) May 24, 2023