ఇండస్ట్రీలో తెలుగమ్మాయిల కొరత.. నేనున్నానంటున్న అనన్య నాగళ్ల

తెలుగు సినిమాల్లో తెలుగమ్మాయిల కొరత
అందరి చూపు అనన్య నాగళ్ల వైపే
గ్లామర్ షో కు రెడీ అంటున్న అనన్య నాగళ్ల

ఫిల్మ్ డెస్క్- తెలుగు సినిమా పరిశ్రమలో హీరోలు, ఒకటి రెండు క్యారెక్టర్స్ తప్ప మిగతా వాళ్లెవరు పెద్దగా తెలుగువాళ్లుండరు. ముఖ్యమంగా హీరోయిన్ల విషయంలో ఐతే ఇది అక్షరాల వర్తిస్తుంది. మన తెలుగమ్మాయిలు తెలుగు ఇండస్ట్రీలో ఒకరిద్దరు తప్ప పెద్దగా లేరనే చెప్పాలి. మరి ఎందుకో గాని ఎవరైనా తెలుగు అమ్మాయిలు హీరోయిన్ గా వచ్చినా ఎక్కువ కాలం నిలబడలేకపోతున్నారు. ఇందుకు కారణం తెలుగమ్మాయిలు గ్లామర్ షోలకు అంతగా మొగ్గు చూపకపోవడమేనని సినీ విశ్లేషకులు చెబుతున్నారు. అందుకే తెలుగు ఫిల్మ్ ఇండస్ట్రీలో తెలుగు హీరోయిన్ల కంటే ఇతర భాష అమ్మాయిలదే హవా నడుస్తోంది. ఇదిగో ఇటువంటి సమయంలో మన తెలుగమ్మాయి అనన్య వాగళ్ల పేరు వినిపిస్తోంది. ఆ మధ్య వచ్చిన మల్లేశం సినిమాతో అనన్య మంచి గుర్తింపు తెచ్చుకుంది.

ఆ తర్వాత ప్లేబ్యాక్‌ సినిమాలోను అవకాశం దక్కించుకున్నా ఆ సినిమా పెద్దగా ఆడలేదు. తాజాగా పవర్ స్టార్ పవన్‌ కల్యాణ్‌ వకీల్‌సాబ్‌ సినిమాలో ఛాన్స్ కొట్టేసింది అనన్య. ఇంకేముంది వకీల్ సాబ్ బ్లాక్ బాస్టర్ హిట్ అవ్వడంతో, అనన్య అందరి దృష్టిలో పడింది. ఈ సినిమాలో అనన్య నటనకు మంచి మార్కులే పడ్డాయి. దీంతో అనన్యకు సినిమా అవకాశాలు బాగానే వస్తున్నాయని తెలుస్తోంది. ఐతే అందరు తెలుగమ్మాయిల్లాగే అనన్య కూడా పరిమితంగా పాత్రలు చేస్తుందా.. లేక గ్లామర్ షోలకు రేడీనా అన్నదే ఫిల్మ్ మేకర్స్ లో సందేహంగా ఉంది. ఇటువంటి సమయంలో కొంత మేర స్కిన్ షో చేయడానికి తనకేం అభ్యంతరం లేదని అనన్య నాగళ్ల చెబుతోందట. ఆ మేరకు కొన్ని ఫోటో షూట్ లతో నిర్మాతలను, దర్శకులను ఆకట్టుకునే పనిలో పడింది అనన్య. మరి ఈ తెలుగు బ్యూటీ ఏ మేరకు తెలుగు సినిమా ఇండస్ట్రీలో నిలదొక్కుకుంటుదన్నదే ఇప్పుడు ఆసక్తికరంగా మారింది.