follow us:
టాలీవుడ్‌లో మంచి స్నేహితులు అనగానే టక్కున గుర్తుకు వచ్చే పేర్లు అలీ-పవన్ కళ్యాణ్. వీరిద్దరి మధ్య ఎన్నో ఏళ్ల నుంచి స్నేహబంధం కొనసాగుతుంది. పవన్ కళ్యాణ్ నటించిన ప్రతి సినిమాలో అలీ తప్పకుండా ఉంటాడు. అంతలా వీరిమధ్య అనుబంధం ఉండేది. ఇలా ఉంటే.. కొన్ని రోజుల క్రితం అలీ పెద్ద కుమార్తె వివాహం అంగరంగ వైభవంగా జరిగింది. ఈ పెళ్లికి టాలీవుడ్‌ సినీ సెలబ్రిటీలు మెగాస్టార్‌ చిరంజీవి, నాగార్జున దంపతులు, మంచు విష్ణు, తదితరులు హాజరయ్యారు. ఇక గుంటూరులో నిర్వహించిన రిసెప్షన్‌ వేడుకకు ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌ రెడ్డి హాజరై.. నూతన దంపతులును ఆశీర్వదించాడు. ఇక పెళ్లికి సంబంధించిన వీడియోల, ఫోటోలను అలీ భార్య.. జుబేదా.. ఎప్పటికప్పుడు తన యూట్యూబ్‌ చానెల్‌లో పోస్ట్‌ చేస్తూనే ఉంది.
ఇదిలా ఉంటే.. ఇక అలీ కుమార్తె వివాహానికి పవర్‌స్టార్‌, జనసేన అధ్యక్షుడు పవన్ కళ్యాణ్ హాజరుకాకపోవడం అందరిని ఆశ్చర్యపరుస్తోంది. పవన్, అలీ ఇద్దరు ఎంత మంచి స్నేహితులో అందరికి తెలుసు. అలాంటిది.. అలీ కుమార్తె వివాహానికి పవన్ కళ్యాణ్ రాకపోవడంతో.. పలు అనుమానాలు, ఊహాగానాలు వ్యక్తం అవుతున్నాయి. దీనిపై తాజాగా నటుడు అలీ స్పందించాడు. పవన్ కళ్యాణ్ రాకపోవడానికి గల కారణాలు వివరించాడు.
ఈ సందర్భంగా అలీ మాట్లాడుతూ..‘‘నా కుమార్తె పెళ్లికి.. పవన్ కళ్యాణ్‌ని ఆహ్వానించాను. వివాహానికి రావాల్సిందిగా శుభలేఖ ఇవ్వడం జరిగింది. ఆయన కూడా వివాహానికి వస్తాను అని చెప్పారు. దాంతో అయన సెక్యూరిటీ సిబ్బంది కూడా వచ్చి రూట్ మ్యాప్ చూసుకున్నారు. కానీ చివరి నిమిషయంలో ఫ్లైట్ క్యాన్సిల్ అవ్వడంతో అయన రాలేకపోయారు. దాంతో ఆయన నాకు కాల్‌.. ఈ విషయాన్ని తెలియజేశారు. అంతేకాక వధూవరులు ఇద్దరు ఇంటిలో ఉన్నప్పుడు చెప్పు..నేను ఇంటికి వచ్చి కలుస్తాను అన్నారు’’ అని తెలిపాడు అలీ.
