follow us:
సినిమా ఇండస్ట్రీ అంటేనే గ్లామర్. ఇందులో లవ్-రిలేషన్ షిప్ లాంటివి చాలా సాధారణ విషయమని ప్రేక్షకులు అనుకుంటూ ఉంటారు. అందుకు తగ్గట్లే కొందరు స్టార్స్.. లవ్ చేసి పెళ్లి చేసుకుంటారు. మరికొందరు కెరీర్ సాఫీగా ఉందని వివాహం చేసుకోకుండా చాలా ఏళ్లపాటు అలానే ఉండిపోతూ ఉంటారు. ఇలాంటి వారిలో హీరోల కంటే హీరోయిన్సే ఎక్కువమంది. మనం కరెక్ట్ గా గమనిస్తే ఆ విషయం క్లియర్ గా అర్ధమైపోతుంది. సదరు స్టార్స్ పెళ్లి చేసుకోకపోవడానికి కారణాలు చాలా ఉండొచ్చు. బట్ హీరోయిన్ రెజీనాకు మాత్రం పెళ్లిపై విరక్తి వచ్చేసినట్లు కనిపిస్తోంది.
ఇక వివరాల్లోకి వెళ్తే.. హీరోయిన్ రెజీనా అనగానే ‘పిల్లా నువ్వులేని జీవితం’, ‘సుబ్రహ్మణ్యం ఫర్ సేల్’, ‘అ!’, ‘ఎవరు’ తదితర సినిమాలు గుర్తొస్తాయి. 2005లో తమిళంలో ‘కండనాళ్ మొదల్’ చిత్రంతో కెరీర్ మొదలుపెట్టిన ఈమె.. తెలుగు, తమిళంలో దాదాపు 35కి పైగా సినిమాలు చేసింది. ఈ మధ్య ‘ఆచార్య’లో స్పెషల్ సాంగ్ చేసి అలరించింది. త్వరలో ‘శాకిని డాకిని’ సినిమాతో ప్రేక్షకుల్ని పలకరించనుంది. ఈ చిత్ర ప్రమోషన్ లో భాగంగా ఇంటర్వూలు ఇస్తూ బిజీగా ఉన్న రెజీనా.. లవ్-పెళ్లి గురించి షాకింగ్ కామెంట్స్ చేసింది.
తాను పెళ్లికి రెడీ అనే వార్తలపై స్పందించిన రెజీనా.. 2020లో లవ్ ముగిసిందని, దాన్నుంచి బయటపడటానికి సమయం పట్టిందని తెలిపింది. ప్రస్తుతమైతే ఎవరినీ ప్రేమించడం లేదని క్లారిటీ ఇచ్చింది. ప్రేమ-పెళ్లి విషయాలపై అసలు మాట్లాడటానికే తనకు ఇష్టం లేదని, జీవితంలో పెళ్లి చేసుకుంటానో లేదో కూడా తెలియదని చెప్పింది. ఎవరిపై ఆధారపడకుండా బతకడం ఎలానో చిన్నప్పుడే తన తల్లి నేర్పిందని.. ఈ నేపథ్యంలో జీవితంలో తోడు కావాలా వద్దా అనే విషయాలు ఇకపై ఆలోచించని రెజీనా పేర్కొంది. మరి రెజీనా వ్యాఖ్యలపై మీ అభిప్రాయాన్ని కామెంట్స్ లో పోస్ట్ చేయండి.
ఇదీ చదవండి: అమ్మాయిని ఇలాంటి ప్రశ్నలు అడుగుతారా? రిపోర్టర్ పై రెజీనా సీరియస్!
