సినీ ఇండస్ట్రీలో విషాదం.. ప్రముఖ నటుడు కన్నుమూత!

ఇటీవల సినీ ఇండస్ట్రీలు వరుస విషాదాలు అభిమానులను తీవ్ర కలవరానికి గురి చేస్తున్నాయి. నటీనటులు, దర్శక, నిర్మాతలు ఇతర సాంకేతిక రంగానికి చెందిన వారు కన్నుమూస్తున్నారు. కొంతమంది అనారోగ్య సమస్యలతో, రోడ్డు ప్రమాదాల్లో.. మరికొంతమంది బలవన్మరణాలకు పాల్పపడుతూ చనిపోతున్నారు. ఈ మద్యనే అమెరికన్ స్టార్ కమెడియన్ పాల్ రెబెన్స్ కన్నుమూశారు.. ఈ ఘటన మరువక ముందే మరో స్టార్ నటుడు కన్నుమూశారు. హాలీవుడ్ లో పలు చిత్రాల్లో నెగిటీవ్ పాత్రలతో మెప్పించిన మార్క్ మార్గోలిస్ కన్నుమూశారు. పూర్తి వివరాల్లోకి వెళితే..

హాలీవుడ్ ఇండస్ట్రీలో మరో విషాదం చోటు చేసుకుంది. “బ్రేకింగ్ బాడ్” ,”బెటర్ కాల్ సాల్” టీవీ షోలో తనదైన మార్క్ చాటుకున్న నటుడు మార్క్ మార్గోలిస్(83) న్యూయార్క్ నగరంలోని మౌంట్ సినాయ్ ఆసుపత్రిలో గురువారం మరణించినట్లు ఆయన కుటుంబ సభ్యులు తెలిపారు. 1939లో ఫిలడెల్ఫియాలో జన్మించిన మార్గోలిస్ చిన్నప్పటి నుంచి పలు నాటకాల్లో నటించాడు. ఈ క్రమంలోనే తన నటనను కొనసాగించేందుకు న్యూయార్క్ వెళ్లారు. వెండితెర, బుల్లితెరపై పలు నెగిటీవ్ పాత్రలతో మెప్పించాడు. గత కొంతకాలంగా మార్క్ మార్గోలిస్ అనారోగ్యంతో బాధపడుతున్నారు. ఈ క్రమంలోనే ఆగస్టు 3న న్యూయార్క్ ఆసుపత్రికి తరలించగా చికిత్స పొందుతూ ఆయన కన్నుమూశారు. మార్క్ మార్గోలిస్ కన్నుమూసే సమయానికి కుటుంబ సభ్యులు ఆయన పక్కనే ఉన్నారు. ఆయన మరణం గురించి ఆగస్టు 4 న కుటుంబ సభ్యులు మీడియాకు తెలిపారు.

మార్గోలిస్ తన 61 ఏళ్ల వయసులో పెళ్లి చేసుకున్నారు.. ఆయన భార్య పేరు జాక్వెలిన్. వారికి ఏకైక సంతానం మోర్గాన్.. ప్రస్తుతం ఆయనకు ముగ్గురు మనవళ్లు ఉన్నారు. మార్గోలిస్ 2012లో “బ్రేకింగ్ బాడ్”లో హెక్టర్ సలామాంకా పాత్రలో అద్భుతమైన నటన ప్రదర్శిచారు. ఆయన నటనకు కోట్ల మంది అభిమానులు ఫిదా అయ్యారు. అందుకే ఆయన అత్యుత్తమ అతిథి నటుడిగా ఎమ్మీకి నామినేట్ అయ్యాడు. ఆయన మృతిపై హాలీవుడ్ ప్రముఖులు నివాళుర్పించారు.  బ్రేకింగ్ బాడ్ స్టార్ బ్రయాన్ క్రాన్‌స్టన్ “ఈ రోజు గొప్ప స్నేహితుడు లోకాన్ని వీడిపోయాడని తెలుసుకొని నేను చాలా బాధపడ్డాను. మార్క్ మార్గోలిస్ నిజంగా గొప్ప నటుడు, సెట్ లో అందరితో చాలా సరదాగా గడిపేవాడు, కానీ నటన విషయానికి వస్తే విశ్వరూపం చూపించేవారు’ అంటూ తన ఇన్‌స్ట్రాగామ్ లో రాసుకొచ్చారు.

am very saddened today to learn of a friend’s passing. Mark Margolis was a really good actor and a lovely human being. Fun and engaging off the set, and (in the case of Breaking Bad and Your Honor) intimidating and frightening on set. His quiet energy belied his mischievous nature and curious mind… And he loved sharing a good joke. I miss him already. Rest now, Mark and thank you for your friendship and your exceptional body of work.