follow us:
ఫైవ్ టైమ్ ఛాంపియన్స్ అయిన ముంబై ఇండియన్స్‌కి ‘ఐపీఎల్ 2022 సీజన్’ ఏమాత్రం కలిసి రావట్లేదు. వరుసగా 8 మ్యాచుల్లో ఓడి ప్లేఆఫ్స్ రేసు నుంచి తప్పుకున్న ముంబైకి మరో ఎదురుదెబ్బ తగిలింది. ఆ జట్టు స్టార్‌ బ్యాటర్‌ సూర్యకుమార్ యాదవ్ గాయం కారణంగా ఐపీఎల్-2022 సీజన్ నుంచి తప్పుకున్నాడు. ఈ విషయాన్ని ముంబై ఇండియన్స్ అధికారికంగా ప్రకటించింది.
మోచేతి గాయం కారణంగా ముంబై ఇండియన్స్ టాపార్డర్ బ్యాట్స్‌మెన్ సూర్యకుమార్ యాదవ్, ఐపీఎల్ 2022 సీజన్ మొత్తానికి దూరమయ్యాడు. ముంబై ఇండియన్స్ ఆడబోయే మిగిలిన మూడు మ్యాచులకు సూర్యకుమార్ యాదవ్ అందుబాటులో ఉండడు. గుజరాత్ టైటాన్స్‌తో జరిగిన మ్యాచ్‌లో సూర్యకుమార్ యాదవ్ తిరిగి గాయపడడంతో అతనికి విశ్రాంతి అవసరమని సూచించారు వైద్యులు. ఐపీఎల్ తర్వాత సౌతాఫ్రికాతో జరిగే టీ20 సిరీస్‌కి కూడా సూర్యకుమార్ యాదవ్ అందుబాటులో ఉండడం అనుమానంగా మారింది. ఇప్పటికే వరుసగా 8 మ్యాచుల్లో ఓడి ప్లేఆఫ్స్ రేసు నుంచి తప్పుకున్న ముంబైకి ఇది మరో ఎదురుదెబ్బ అని చెప్పొచ్చు.
𝗢𝗙𝗙𝗜𝗖𝗜𝗔𝗟 𝗦𝗧𝗔𝗧𝗘𝗠𝗘𝗡𝗧
Suryakumar Yadav has sustained a muscle strain on his left fore arm, and has been ruled out for the season. He has been advised rest, in consultation with the BCCI medical team. pic.twitter.com/78TMwPemeJ
— Mumbai Indians (@mipaltan) May 9, 2022
ఇది కూడా చదవండి: Ravi Shastri: స్పీడ్ వేయడం గొప్ప కాదు.. ఉమ్రాన్‌ మాలిక్‌పై రవిశాస్త్రి సెటైర్లు
గాయం కారణంగా సీజన్ ఆరంభంలో ముంబై ఇండియన్స్ ఆడిన మొదటి రెండు మ్యాచులకు సూర్యకుమార్ యాదవ్ అందుబాటులో లేడు. కేకేఆర్‌తో జరిగిన మొదటి మ్యాచ్‌లో రీఎంట్రీ ఇచ్చిన సూర్యకుమార్ యాదవ్, హాఫ్ సెంచరీతో అదరగొట్టాడు. ఈ సీజన్‌లో ఇప్పటివరకు 8 మ్యాచులు ఆడిన సూర్యకుమార్ యాదవ్, 43.29 సగటుతో 303 పరుగులు చేశాడు. మరి గాయం కారణంగా సూర్యకుమార్ యాదవ్ ముంబై జట్టుకు దూరమవ్వడం ఎంతమేరకు నష్టాన్ని కలిగిస్తుందో మీ అభిప్రాయాన్ని కామెంట్ రూపంలో తెలియజేయండి.
