follow us:
ఇల్లు, పిల్లలు, ఆఫీస్‌.. మహిళలకు ఇదే ప్రపంచం. ఎక్కడ ఉన్నా.. ఏం చేస్తున్నా.. వారి ఆలోచనలు మాత్రం వీటి చుట్టూనే తిరుగుతుంటాయి. తమ గురించి తాము పట్టించుకోరు. ఈ క్రమంలో మహిళలకు తమ రోటిన్‌ లైఫ్‌ నుంచి బ్రేక్‌ ఇవ్వడం కోసం వండర్‌లా బంపరాఫర్‌ ప్రకటించింది. ఆ వివరాలు..
మార్చి 8 అంతర్జాతీయ మహిళా దినోత్సం. ఏడాదిలో ఒక్కరోజు మహిళలు.. తమ కోసం తాము కేటాయించుకోవడం కోసం.. మహిళా శక్తిని గుర్తించడం కోసం ప్రత్యేకంగా ఓ రోజు కేటాయించారు. సృష్టి అంటే మగువ.. మగువ అంటే సృష్టి. అలాంటి ఆమెను కేవలం ఒక్క రోజు మాత్రమే గౌరవించుకోవడం ఏంటనే వాదనలు కూడా వినిపిస్తాయి. సరే ఆ వాదన కాసేపు పక్కకు పెడితే.. మహిళా దినోత్సవం సందర్భంగా కొన్ని ప్రత్యేక ఆఫర్లను ప్రకటిస్తుంటారు. దీనిలో ప్రభుత్వ, ప్రైవేట్‌ సంస్థలు కూడా ఉంటాయి. ఈ క్రమంలోనే వండర్‌లా మహిళల కోసం ప్రత్యేక ఆఫర్‌ ప్రకటించింది. ఆ వివరాలు..
అంతర్జాతీయ మహిళా దినోత్సవం సందర్భంగా అమ్యూజ్‌మెంట్‌ పార్క్‌ వండర్‌లా మహిళలకు.. బంపరాఫర్‌ ప్రకటించింది. ఒక టికెట్‌ కొంటే మరోకటి ఉచితంగా పొందవచ్చని ప్రకటించింది. సాధారణంగా వండర్‌లా ఎంట్రీ టికెట్‌.. జీఎస్‌టీతో కలిపి రూ.999 ఉంటుంది. ఉమెన్స్‌ డే సందర్భంగా.. ఆ రోజున మహిళలు.. 999 రూపాయలకు రెండు టికెట్లు పొందవచ్చు. ఏడాదంతా ఇళ్లు, పిల్లలు, ఆఫీస్‌ అంటూ బిజీ బిజీగా గడిపే మహిళలు.. ఆ ఒక్క రోజైనా తమ స్నేహితులతో కలిసి సరదాగా గడపడానికి ఈ ప్రత్యేక ఆఫర్‌ని ప్రకటించింది. మహిళలంతా దీన్ని వినియోగించుకోవాలని కోరింది.
ఇక్కడ మరో ఆసక్తికర విషయం ఏంటంటే.. మార్చి 8న అనగా ఉమెన్స్‌ డే రోజున వండర్‌లాలోకి 10 ఏళ్లు పైబడిన పురుషులను అనుమతించారు. ఆరోజున ఎవరైనా పురుషులు టికెట్‌ బుక్‌ చేసుకున్నా.. వారిని లోనికి అనుమతించరు.. టికెట్‌ రద్దు చేస్తారు. మహిళలు ఆన్‌లైన్‌, అక్కడికి వెళ్లిన తర్వాత అయినా టికెట్‌ బుక్‌ చేసుకోవచ్చు. మహిళలంతా ఈ ఆఫర్‌ను ఉపయోగించుకోవాలని వండర్‌లా యాజమాన్యం కోరుతుంది. మరి ఈ ఆఫర్‌పై మీ అభిప్రాయాలను కామెంట్స్‌ రూపంలో తతెలియజేయండి.
