follow us:
ఈరోజుల్లో రీఛార్జ్ చేయాలంటే కనీసం రూ. 300 అవుతుంది. డైలీ 1 జీబీ డేటా, అన్ లిమిటెడ్ కాల్స్ కావాలంటే మనిషికి రూ. 300 అవుతుంది. అదే ఒక కుటుంబంలో నలుగురికి రీఛార్జ్ చేయాలంటే రూ. 1200 అవుతుంది. ఒకే ఒక్క ప్లాన్ ఉంటే బాగుంటుంది కదా. అది కూడా తక్కువ ధరకే. అయితే మీ కోసమే ఈ రీఛార్జ్ ప్లాన్స్.
ఈరోజుల్లో ఒక కుటుంబంలో అందరికీ ఫోన్లు ఉంటున్నాయి. ఎవరికి వారు నెల నెలా కనీసం రూ. 250 నుంచి రూ. 300 వరకూ పెట్టి రీఛార్జ్ చేయించుకుంటున్నారు. దీని వల్ల బడ్జెట్ పెరిగిపోతుంది. అయితే కుటుంబం మొత్తానికి ఒకటే ప్లాన్ ఉండి తక్కువ ధర ఉంటే బాగుంటుంది కదా అని అనుకునేవారికి జియో అదిరిపోయే ప్లాన్ ని తీసుకొచ్చింది. జియో ఫ్యామిలీ ప్లాన్స్ పేరుతో రెండు రీఛార్జ్ ప్లాన్స్ ని అందిస్తుంది. ఒకటి రూ. 399 నుంచి ప్రారంభమవుతుండగా.. మరొకటి రూ. 699 నుంచి ప్రారంభమవుతుంది. ఈ రెండు ప్లాన్స్ లో నాలుగు చొప్పున మొత్తం 8 సబ్ ప్లాన్స్ ఉన్నాయి. రూ. 399 ఫ్యామిలీ ప్లాన్ తీసుకుంటే ఒక ప్రైమరీ సిమ్ కార్డు వస్తుంది. నెలకు రూ. 399 అవుతుంది. 75 జీబీ డేటా వస్తుంది. ఈ ప్లాన్ లో ఫ్యామిలీ మెంబర్స్ ని చేర్చుకోవడానికి అవ్వదు.
ఫ్యామిలీ మెంబర్స్ ని యాడ్ చేయాలంటే రూ. 498 ప్లాన్ ఉంది. ఒక కుటుంబ సభ్యుల నంబర్ యాడ్ చేయడానికి అదనంగా రూ. 99 అవుతుంది. అప్పుడు ఇద్దరికి నెల బిల్లు రూ. 249 చొప్పున అవుతుంది. 75 జీబీ డేటాతో పాటు అదనంగా 5 జీబీ డేటా వస్తుంది. మొత్తం 80 జీబీ డేటా వస్తుంది. ఒక ప్రైమరీ నంబర్ కి, ఒక యాడ్ ఆన్ నంబర్ వస్తుంది. అదే ఒక ప్రైమరీ నంబర్ కి ఇద్దరి ఫ్యామిలీ మెంబర్స్ యొక్క నంబర్స్ యాడ్ చేయాలంటే.. రూ. 399 ప్లాన్ కి రూ. 99 ప్లాన్స్ ని రెండు ఎంచుకోవాల్సి ఉంటుంది. అప్పుడు మీ ప్లాన్ విలువ రూ. 597 అవుతుంది. అప్పుడు ముగ్గురు వ్యక్తులకు ఒక్కొక్కరికీ రూ. 199 చొప్పున బిల్లు అవుతుంది. ఈ ప్లాన్ లో 75 జీబీ డేటాకి అదనంగా 10 జీబీ డేటా వస్తుంది. మొత్తం మీద 85 జీబీ డేటా వస్తుంది.
ఒక ప్రైమరీ నంబర్ కి మూడు యాడ్ ఆన్ నంబర్స్ యాడ్ చేయాలంటే రూ. 696 ప్లాన్ ని ఎంచుకోవాల్సి ఉంటుంది. ప్రైమరీ నంబర్ కి రూ. 399, మిగతా మూడు నంబర్స్ కి రూ. 99 చొప్పున అవుతుంది. మొత్తం మీద ఈ ప్లాన్ తీసుకుంటే మనిషికి రూ. 174 పడుతుంది. డేటా ప్రైమరీ నంబర్ కి 75 జీబీతో పాటు మిగతా మూడు నంబర్స్ కి 5 జీబీ చొప్పున 15 జీబీ వస్తుంది. టోటల్ గా 90 జీబీ వస్తుంది. అన్ని ప్లాన్స్ లోనూ అన్ లిమిటెడ్ కాల్స్, అన్ లిమిటెడ్ 5జీ డేటా ఉచితంగా వస్తుంది. కాకపోతే ఇవి పోస్ట్ పెయిడ్ ప్లాన్స్. మరొక ప్లాన్ లో రూ. 699 నుంచి మొదలవుతుంది. ఇందులో ఒకటే ప్రైమరీ నంబర్ ఉండి 100 జీబీ డేటా వస్తుంది.
మరొక ప్లాన్ రూ. 798 ఉంది. ఈ ప్లాన్ లో ఒక ఫ్యామిలీ మెంబర్ ని యాడ్ చేసుకోవచ్చు. 105 జీబీ డేటా వస్తుంది. మనిషికి రూ. 399 పడుతుంది. అంటే ఒక మనిషి నెలకు 50 జీబీ పైనే వాడుకోవచ్చు. అంటే రోజుకు 1.5 జీబీ పడింది. కొంతమంది తక్కువ వాడతారు. కొంతమంది ఎక్కువ వాడతారు. అడ్జస్ట్ చేసుకోవడం బట్టి ఉంటుంది. మరొక ప్లాన్ రూ. 897.. ఇందులో రెండు యాడ్ ఆన్ నంబర్స్ ని చేర్చుకోవచ్చు. అప్పుడు మనిషికి రూ. 299 పడుతుంది. 110 జీబీ డేటా అంటే మనిషికి 36 జీబీ వస్తుంది. రోజుకు 1 జీబీ పైనే పడినట్టు. ఇదే ప్లాన్ ని ఇండివిడ్యువల్ గా తీసుకుంటే రూ. 299 ప్లాన్ కి 30 జీబీ మాత్రమే వస్తుంది. మరొక ప్లాన్ ఒక ప్రైమరీ నంబర్, మూడు యాడ్ నంబర్స్ తో రూ. 996కే వస్తుంది. ఈ ప్లాన్ తీసుకుంటే మనిషికి రూ. 249 పడుతుంది.
ఈ ప్లాన్ లో ఒక్కొక్కరికీ 28.75 జీబీ చొప్పున నలుగురికీ 115 జీబీ వస్తుంది. ఎలా చూసినా గానీ ఈ ప్లాన్స్ వల్ల చాలా వరకూ ప్రయోజనం పొందుతారు. విడివిడిగా రీఛార్జ్ చేయించుకోవాలంటే మనిషికి రూ. 300 చొప్పున నలుగురు వ్యక్తులకు టోటల్ గా రూ. 1200 అవుతుంది. అదే ఫ్యామిలీ ప్లాన్ తీసుకుంటే 90 జీబీ డేటాతో రూ. 696 అయితే, 115 జీబీ డేటాతో రూ. 996 అవుతుంది. రూ. 500 నుంచి రూ. 200 వరకూ ఆదా అవుతుంది. జియో వెల్కమ్ ఆఫర్ కింద ఒక నెల ట్రయల్ గా రూ. 399 ప్లాన్ తో అన్ లిమిటెడ్ కాల్స్, 75 జీబీ డేటా, అన్ లిమిటెడ్ 5జీ డేటా వాస్తుంది. రూ. 699 ప్లాన్ లో ఒక నెల ట్రయల్ గా అన్ లిమిటెడ్ కాల్స్, 100 జీబీ డేటా, అన్ లిమిటెడ్ 5జీ డేటా, నెట్ ఫ్లిక్స్, అమెజాన్ ప్రైమ్ సబ్స్క్రిప్షన్ కూడా వస్తున్నాయి.
