హర్భజన్, అమిర్ మధ్య ఆగని గొడవ! రచ్చకి కారణమైన ట్వీట్స్ ఇవే!

‘ఐసీసీ టీ20 వరల్డ్ కప్‌’ భారత్‌- పాకిస్తాన్‌ మ్యాచ్‌ తర్వాత సోషల్‌ మీడియా వేదికగా ఎన్నో భిన్న పరిణామాలు తలెత్తాయి. ఆ మ్యాచ్‌ తర్వాత రాజుకున్న కొన్ని వివాదాలు ఇంకా కొనసాగుతూనే ఉన్నాయి. ముఖ్యంగా భారత్‌- పాక్‌ మాజీల మధ్య కొన్ని మాటల యుద్ధాలు జరిగాయి. వాటిలో ఇంకా కొనసాగుతున్న డైలాగ్‌ ఒకరి ఒకటి ట్విట్టర్‌ వేదికగా వైరల్‌ అవుతోంది. అదే టీమిండియా స్టార్‌ స్పిన్నర్‌ హర్భజన్‌ సింగ్‌- పాక్‌ మాజీ పేసర్‌ మహ్మద్‌ ఆమిర్‌ మాటల యుద్ధం. పాక్‌ గెలిచిన తర్వాత ఆమిర్‌.. హర్భజన్‌ సింగ్‌ ను ట్యాగ్‌ చేస్తూ వ్యంగ్యంగా ఒక ట్వీట్‌ చేశాడు. అందుకు భజ్జీ ‘ఇప్పుడే నువ్వే చెప్పాలి ఈ సిక్స్‌ మీ ఇంట్లో టీవీపై ల్యాండ్‌ అయ్యిందా? నువ్వు చెప్పినట్టు ఎండ్‌ ఆఫ్‌ ది డే ఇట్స్‌ ఏ క్రికెట్‌’ అంటూ వీడియో షేర్‌ చేశాడు.

Ab Tum bi bologe @iamamirofficial yeh 6 ki landing tumhare ghar k tv par to nahi hui thi ?? Koi nahi hota hai end of the day it’s a game of cricket as u rightly said 🤣 https://t.co/XqSnWhg9t3 pic.twitter.com/4IuWpPOpF1

— Harbhajan Turbanator (@harbhajan_singh) October 26, 2021

అక్కడ మొదలైన వివాదం అలా కొనసాగింది. భజ్జీ ట్వీట్‌ కు మళ్లీ ఆమిర్‌ రిప్లై ఇచ్చాడు. హర్భజన్‌ బౌలింగ్‌ లో అఫ్రీది వరుస సిక్సర్లు కొట్టిన వీడియో అది. అందుకు హర్భజన్‌.. ఆమిర్ కు గట్టిగానే రిప్లై ఇచ్చాడు. 2010లో ఇంగ్లాండ్- పాక్‌ మధ్య జరిగిన మ్యాచ్‌ లో ఆమిర్‌ నోబాల్‌ వేసిన ఇమేజ్‌ ను ట్వీట్‌ చేశాడు. అందులో ‘నీలాంటి వారికి కేవలం డబ్బే ముఖ్యం. పరువు, గౌరవంతో సబంధం లేదు కేవలం నీకు డబ్బే కావాలి. నీ చర్యలతో జనాలను పిచ్చివాళ్లను చేయాలనుకోకు. నీ దేశ ప్రజలకు, నీ అభిమానులకు చెప్తావా ఆ నోబాల్‌ కు ఎంత తీసుకున్నావో? ఈ ఆటను అవమానిచే నీలాంటి వారితో మాట్లాడటం అవమానంగా ఉంది’ అంటూ హర్భజన్‌ స్ట్రాంగ్‌ కౌంటర్‌ ఇచ్చాడు. ఫిక్సర్‌ కో సిక్సర్‌ అంటూ హర్భజన్‌ సింగ్‌ సిక్స్‌ కొట్టిన వీడియో మళ్లీ పోస్ట్‌ చేశాడు.

For people like you @iamamirofficial only Paisa paisa paisa paisa .. na izzat na kuch aur sirf paisa..bataoge nahi apne desh walo ko aur supporters ko k kitna mila tha .. get lost I feel yuk talking to people like you for insulting this game and making people fool with ur acts https://t.co/5aPmXtYKqm pic.twitter.com/PhveqewN6h

— Harbhajan Turbanator (@harbhajan_singh) October 26, 2021

2010లో ఇంగ్లండ్‌తో జరిగిన సిరీస్‌లో మహ్మద్ ఆమిర్‌తోపాటు మహ్మద్ ఆసిఫ్, సల్మాన్ భట్ స్పాట్ ఫిక్సింగ్‌కు పాల్పడినట్లు దర్యాప్తులో తేలింది. అందుకు ఆమిర్‌పై పాకిస్తాన్‌ క్రికెట్‌ బోర్డు అప్పుడు వేటు వేసింది. 2016లో అతనిపై నిషేధాన్ని తొలగించింది అంతర్జాతీయ క్రికెట్‌ ఆడేందుకు అవకాశం ఇచ్చింది. గతేడాది మహ్మద్‌ ఆమిర్‌ రిటైర్మెంట్ ప్రకటించాడు.

Fixer ko sixer.. out of the park @iamamirofficial chal daffa ho ja pic.twitter.com/UiUp8cAc0g

— Harbhajan Turbanator (@harbhajan_singh) October 26, 2021