follow us:
సూర్య కుమార్ యాదవ్.. గత కొంత కాలంగా అద్భుతమైన ఫామ్ తో క్రికెట్ ప్రేమికులను అలరిస్తున్నాడు. కంటిన్యూస్ గా స్కోర్లు చేస్తూ.. జట్టు విజయాల్లో కీలక పాత్ర పోషిస్తున్నాడు. క్రీజ్ లోకి వచ్చీ రావడంతోనే భారీ షాట్స్ కొడుతూ.. బౌలర్ల లయని దెబ్బతీయడంలో సూర్య సిద్దహస్తుడు. ఇదే అతడి బలం అని ఎంతో మంది దిగ్గజ క్రికెటర్లు అతడిని ప్రశంసించారు కూడా. వరల్డ్ కప్ లో సైతం ఇప్పటికే రెండు అర్ద శతకాలతో అద్భుత ప్రదర్శన చేస్తున్నాడు. దాంతో తాజాగా ICC ప్రకటించిన అంతర్జాతీయ టీ20 బ్యాటింగ్ ర్యాంకింగ్స్ లో అగ్రస్థానంలోకి దూసుకొచ్చాడు. తాజాగా బంగ్లాదేశ్ తో జరిగిన మ్యాచ్ లో 16 బంతుల్లో 4 ఫోర్లతో 30 పరుగులు చేశాడు.
Surya Kumar Yadav is the no.1 T20i batter at the moment. The SKY is high!🇮🇳 pic.twitter.com/IcScpEpy6j
— Quick Single🏏 (@Team_RKV_) November 2, 2022
గత కొంత కాలంగా ఏ మాజీ క్రికెటర్ నోట విన్నాగానీ వినిపించే ఒకే ఒక్క పేరు సూర్య కుమార్ యాదవ్. ప్రస్తుతం అతడు ఉన్న ఫామ్ చూస్తే ఒంటి చేత్తో టీమిండియాకు ప్రపంచ కప్ ను అందించగలడు.. అని ఆస్ట్రేలియా క్రికెటర్ పాంటింగ్, వాట్సన్ ప్రశంసించిన విషయం మనకు తెలిసిందే. ఇక టీ20ల్లో వరుసగా భారీ స్కోర్లు చేస్తూ.. పాక్ స్టార్ బ్యాటర్ మహమ్మద్ రిజ్వాన్ ను వెనక్కి నెట్టి నెం.1 బ్యాటర్ గా అవతరించాడు. ప్రస్తుతం సూర్య 863 పాయింట్లతో అగ్రస్థానంలో కొనసాగుతుండగా.. 842 పాయింట్లతో రిజ్వాన్ 2వ స్థానంలో ఉన్నాడు. డేవన్ కాన్వే 792 రేటింగ్ పాయింట్లతో 3వ స్థానంలో కొనసాగుతున్నాడు. పేలవ ఫామ్ తో సతమతమవుతున్న పాక్ కెప్టెన్ 4వ స్థానంలో ఉన్నాడు. అయితే ప్రస్తుతం ఉన్న ఈ బ్యాటర్లందరూ టీ20 వరల్డ్ కప్ ఆడుతుండటంతో ఎవరు ఎన్ని రోజులు అగ్రస్థానంలో కొనసాగుతారో చెప్పడం కష్టంగా మారింది. ఏది ఏమైనప్పటికీ ప్రస్తుతం సూర్య కుమార్ ఉన్న ఫామ్ ను చూస్తే.. అతడే నెం.1 స్థానంలో కొనసాగుతాడు అనడంలో ఎలాంటి సందేహం లేదు.
NEW #1 T20I BATTER 👑
The India superstar has claimed the top spot in the @MRFWorldwide ICC Men’s T20I Player Rankings ⬇️https://t.co/g0bNbLqMQk
— ICC (@ICC) November 2, 2022
JUST IN: India’s Surya Kumar Yadav aka #SKY has dethroned Pakistan’s Mohammed Rizwan to become the new No.1 T20i batter
#INDvsBAN pic.twitter.com/5xGHf3ZIq0— Current Dot Pk (@CurrentDotPk) November 2, 2022
