follow us:
ఈ ఆధునిక యుగంలో సోషల్ మీడియా వాడకం విపరితంగా పెరిగింది. దాంతో ప్రపంచంలోని ఏ మూలన.. ఏ చిన్న సంఘటన జరిగినాగానీ క్షణాల్లో తెలిసిపోతుంది. ఇక సెలబ్రిటీల విషయానికి వస్తే.. తమ ఫొటోలను సోషల్ మీడియాలో పోస్ట్ చేస్తూ అభిమానులకు దగ్గరగా ఉంటూ ఉంటారు. అదీ కాక తమ ఇంట్లో ఏదైనా విశేషం, వేడుక జరిగితే దానికి సంబంధించిన పిక్స్ ను గ్యారంటీగా షేర్ చేస్తారు. తాజాగా మాజీ పాకిస్థాన్ క్రికెటర్ తాను మూడవ సారి తండ్రి అయ్యానని తన సంతోషాన్ని సోషల్ మీడియా వేదికగా పంచుకున్నాడు. అదీ కాక తన కూతురు ఫొటోలను కూడా పోస్ట్ చేశాడు. ఆ బేబీకి పేరు కూడా పెట్టాడు. దాంతో తన సహచరుల నుంచి, బంధువుల నుంచి అతడికి శుభాకాంక్షలు అందుతున్నాయి. మరిన్ని వివరాల్లోకి వెళితే..
మహమ్మద్ అమీర్.. అప్పట్లో పాకిస్థాన్ యువ సంచలనంగా పేరుగాంచాడు. బుల్లెట్ వేగంతో బంతులు వేయడంలో ఇతడు దిట్ట. అందుకే ఇతడిని కొంత మంది జూనియర్ అక్తర్ అనేవారు. అయితే ఎంత త్వరగా పేరుగాంచాడో.. అంతే త్వరగా ఆపేరును చెడగొట్టుకున్నాడు. 2010లో స్పాట్ ఫిక్సింగ్ ఆరోపణలు ఇతడిపై వచ్చాయి. ఆ ఆరోపణలు కాస్తా నిజం అని తేలడంతో అతడిపై ఐసీసీ 5 ఏళ్ల నిషేధం విధించింది. దాంతో అతడి క్రికెట్ కెరీర్ కు ఫుల్ స్టాప్ పడింది. నిషేధం కాస్తా పూర్తి అయ్యి.. 2016లో న్యూజిలాండ్ తో సిరీస్ కు కమ్ బ్యాక్ అయ్యాడు. జట్టులోకి వచ్చినప్పటికీ అనుకున్నంతగా రాణించలేదు.
ఈ క్రమంలోనే అమీర్ బ్రిటీష్ సంతతికి చెందిన నర్జిస్ ఖాన్ అనే యువతిని 2016 సెప్టెంబర్ లో వివాహం చేసుకున్నాడు. వీరికి ఇప్పటికే ఇద్దరు కూతుర్లు ఉన్నారు. వారిపేర్లు మిన్సా అమీర్, జోయా అమీర్. తాజాగా నర్జిస్ ఖాన్ మరో బేబీ గర్ల్ కి జన్మనిచ్చింది. ఆ విషయాన్నే అమీర్ తన ట్వీటర్ ఖాతా ద్వారా తెలియజేశాడు. ఇక తన కూతురు పేరు ఐరా అమీర్ గా నామకరణం చేశాడు. ఈ విషయం తెలిసిన తన తోటి ఆటగాళ్లు రియాజ్, సర్ఫరాజ్ అహ్మద్, అక్మల్ మెుదలగు వారు అతడికి శుభాకాంక్షలు తెలియజేశారు. ప్రస్తుతం అమీర్ కరీబియన్ ప్రీమియర్ లీగ్ 10 లో జమైకా తల్లావాస్ తరపున ఆడుతున్నాడు. 9 మ్యాచ్ ల్లో 13 వికెట్లు తీసి సత్తా చాటాడు. మరి తండ్రిగా తన సంతోషాన్ని పంచుకున్న అమీర్ పై మీ అభిప్రాయాలను కామెంట్స్ రూపంలో తెలియజేయండి.
Alhumdulillah we are blessed with a baby girl ayra amir. pic.twitter.com/pW5y47JvUM
— Mohammad Amir (@iamamirofficial) September 21, 2022
