వీడియో: వాషింగ్ట‌న్ సుంద‌ర్ సూపర్ క్యాచ్.. అమాంతం గాల్లోకి ఎగిరి..

రాంచీ వేదికగా జ‌రుగుతున్న‌ తొలి టీ20లో కివీస్ ధాటిగానే ఆడుతోంది. ఓపెనర్ ఫిన్ అలెన్ మెరుపులు మెరిపించడంతో మంచి శుభారంభమే అందుకుంది. అయితే, స్పిన్న‌ర్ వాషింగ్ట‌న్ సుంద‌ర్ కివీస్‌ను కోలుకోలేని దెబ్బ‌కొట్టాడు. ఒకే ఓవ‌ర్‌లో రెండు వికెట్లు తీసి.. మ్యాచును చేజారిపోకుండా కాపాడాడు. ఐదో ఓవ‌ర్ రెండో బంతికి ఫిన్ అలెన్ (35)ను అవుట్ చేసిన సుందర్, అదే ఓవర్ ఆఖరి బంతికి కళ్లు చెదిరే క్యాచ్ పట్టి చాప్‌మ‌న్ (0)ను పెవిలియన్ దారి పట్టించాడు.

టాస్ ఓడి బ్యాటింగ్‌కు దిగిన న్యూజిలాండ్‌కు ఓపెన‌ర్లు ఫిన్ అలెన్ (29), డెవాన్ కాన్వే (5) ఓపెన‌ర్లు శుభారంభం ఇచ్చారు. వీళ్లిద్ద‌రూ తొలి 4 ఓవర్లకే 37 ప‌రుగులు జోడించారు. ముఖ్యంగా ఫిన్ అలెన్.. పాండ్యా, అర్ష్‌దీప్ బౌలింగ్‌లో ఫోర్లతో విరుచుకుప‌డ్డాడు. దీంతో మొద‌టి 2 ఓవ‌ర్ల‌లోనే 23 ప‌రుగులు వ‌చ్చాయి. దీంతో పాండ్యా మూడో ఓవ‌ర్‌లో స్పిన్న‌ర్ వాషింగ్ట‌న్ సుంద‌ర్‌ను దించాడు. ఐదో ఓవ‌ర్ రెండో బంతికి ఓపెన‌ర్ ఫిన్ అలెన్ (35) క్యాచ్ అవుట్ అయ్యాడు. ఆ త‌ర్వాత క్రీజులోకి వ‌చ్చిన చాప్‌మ‌న్ (0) అదే ఓవర్ ఆఖరి బంతికి రిటర్న్ క్యాచ్ క్యాచ్ ఇచ్చి వెనుదిరిగాడు. దీంతో ఒకే ఓవర్ లో కివీస్ రెండు వికెట్లు కోల్పోయింది.

Washington Sundar takes a brilliant catch. Game changer.#INDvsNZ #INDvNZpic.twitter.com/J4JPlpe5gq

— Abdullah Neaz (@Abdullah__Neaz) January 27, 2023