బాడీ షేమింగ్ పై ధీటైన కౌంటర్ ఇచ్చిన క్రికెట్ హల్క్!

క్రికెట్.. మనసిక శ్రమతో పాటుగా, శారీరక శ్రమ అధికంగా ఉండే క్రీడా. అందుకే క్రీడా కారులు ఫిట్ గా ఉండాలి. ఆటగాడు ఎంత ఫిట్ గా ఉంటాడో.. గ్రౌండ్ లో అంత వేగంగా దూసుకెళ్లగలడు. అటు బౌలింగ్ లో నైనా.. ఇటు బ్యాటింగ్ లో నైనా. దీని కోసమే యాజమాన్యం ఆటగాళ్లకు రకరకాల టెస్టులు పెడుతుంది. అయితే ఈ మధ్య కాలంలో బాగా వినిపిస్తున్న వార్త క్రికెటర్లు ఫిట్ నెస్ కు ప్రాధాన్యం ఇవ్వట్లేదని. అందుకే వారు భారీ కాయంతో క్రికెట్ ను సరిగ్గా ఆడలేకపోతున్నారు అని విమర్శలు కూడా వినిపిస్తున్నాయి. ఇక ఈ విమర్శలన్నింటికి తాజాగా సర్ఫరాజ్ ఖాన్ తన సెంచరీలతో సమాధానం ఇస్తూనే ఉన్నాడు. ఈ క్రమంలోనే బాడీ షేమింగ్ పై తనదైన శైలిలో స్పందించాడు క్రికెట్ హల్క్ రకీమ్ కార్న్ వాల్.

రకీమ్ కార్న్ వాల్.. ఇతడు క్రీజ్ లో నిలబడితే వికెట్లే కాదు.. వెనకాల కీపర్ కూడా కనిపించడు. అందుకే క్రికెట్ అభిమానులు ముద్దుగా ‘క్రికెట్ హల్క్’ అని ముద్దుగా పిలుచుకుంటారు. వెస్టిండీస్ ఆటగాడు అయిన కార్న్ వాల్.. అంటిగ్వా తరపున లీగ్ లకు ప్రాతినిథ్యం వహిస్తున్నాడు. ఈ క్రమంలోనే తన పవర్ హిట్టింగ్ తో ప్రపంచ దృష్టిని ఆకర్షించారు. అలవోకగా సిక్స్ లు కొట్టడంలో కార్న్ వాల్ ముందు క్రిస్ గేల్ కూడా తక్కువే అనడంలో అతిశయోక్తిలేదు. అయితే అతడి బాడీపై చాలా మంది సోషల్ మీడియా వేదికగా విమర్శలు గుప్పిస్తూనే ఉన్నారు. రకీమ్ కొద్దిగా బరువు తగ్గొచ్చుగా.. మరీ ఇలా ఉంటే ఎలా? అంటూ కామెంట్స్ చేస్తున్న నేపథ్యంలో వీటిపై స్పందించాడు రకీమ్ కార్న్ వాల్. మీరు అందరు అంటున్నట్లుగా నేను నా శరీరాన్ని తగ్గించుకోను. అసలు నేను ఎందుకు నా బాడీని తగ్గించుకోవాలి? అని ఎదురు ప్రశ్నించాడు కార్న్ వాల్.

Rakeem Cornwall played 205*(77). Do you find it amazing? Yes or no comment down below #cricket century pic.twitter.com/ass8BLGYza

— Champ Hunt (@Champ_Hunt) October 6, 2022

ఈ క్రమంలోనే నేను చాలా పొడవుగా ఉన్నాను, లావుగా ఉన్నాను అని చెప్పను. కానీ అందరు పొట్టిగా, సన్నగా ఉండలేరు అని ఈ క్రికెట్ హల్క్ చెప్పుకొచ్చాడు. మీరు ఎన్ని విమర్శలు చేస్తే.. నేను అంత గొప్పగా చెలరేగుతాను. నా బ్యాటింగ్ పవర్ ఏంటో చూపిస్తాను, అంటూ రకీమ్ అన్నాడు. ప్రస్తుతం పాక్ క్రికెట్లో ఆజాం ఖాన్, ఇండియాలో సర్ఫరాజ్ ఖాన్ లతో పాటుగా కార్న్ వాల్ ల శరీర నిర్మాణాలపై విమర్శలు వస్తున్న నేపథ్యంలో వారు తమ బ్యాట్ తోనే సమాధానం ఇస్తున్నారు. శరీర నిర్మాణానికి క్రికెట్ కు ఎలాంటి సంబంధం లేదు అని నిరూపిస్తూ.. పరుగుల వరద పారిస్తున్నారు. మరి కార్న్ వాల్ అన్న వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.

Make that 50 for Rakeem Cornwall! He’s literally blasted his way through the Galaxy 52 off 22 and it doesn’t look like he’s finished yet😱#Milc2022

Scorecard: https://t.co/3UaN9GToR4 pic.twitter.com/y4R2wZldR9

— Minor League Cricket (@MiLCricket) June 26, 2022