follow us:
Commonwealth Games 2022: బర్మింగ్ హమ్ వేదికగా జరుగుతున్న కామన్‌ వెల్త్‌ క్రీడల్లో ఓ అనూహ్య సంఘటన చోటుచేసుకుంది. వాస్తవానికి పోటీ అంటే.. గెలుపోటములకు ప్రాధాన్యత ఇస్తుంటారు చాలా మంది. కానీ, ఓ కోచ్‌ మాత్రం ఇందుకు భిన్నంగా ఆలోచించాడు. గెలుపోటముల సంగతి పక్కన పెట్టి ప్రత్యర్థికి సహాయం చేశాడు. తానో గురువునన్న సంగతిని చాటి చెప్పాడు. ఇంతకీ సంగతేంటంటే.. కామన్‌ వెల్త్‌ క్రీడల్లో భాగంగా గత రెండు రోజుల నుంచి మలేషియా, జమైకాల మధ్య బాట్మింటన్‌ పోరు నడుస్తోంది.
నిన్న రెండవ రోజున ఆట నెక్‌ టు నెక్‌గా మారింది. ఈ నేపథ్యంలో జమైకా ఆటగాడు శామ్యూల్ రికెట్స్ షూ సోల్‌ విరిగిపోయింది. ఈ నేపథ్యంలో అతడి ఆటకు ఇబ్బంది ఏర్పడింది. కొద్దిసేపు ఆట కూడా నిలిచిపోయింది. ఇది గమనించిన ప్రత్యర్థి ఆటగాడి కోచ్‌ తన షూలను విప్పి జమైకా ఆటగాడికి ఇచ్చాడు. తాను సాక్సులో ఉండిపోయాడు.
క్రీడా స్పూర్తికి నిలువెత్తు నిదర్శనంలా నిలిచాడు. ఇందుకు సంబంధించిన వీడియోను కామన్‌ వెల్త్‌ స్పోర్ట్స్ తమ ట్విటర్‌ ఖాతాలో షేర్‌ చేసింది. ప్రస్తుతం ఈ వీడియో సోషల్‌ మీడియాలో వైరల్‌గా మారింది. మరి, క్రీడా స్పూర్తిని చాటిన మలేషియా కోచ్‌పై మీ అభిప్రాయాలను కామెంట్ల రూపంలో తెలియజేయండి.
When the opposition coach is your shoe size and saves the day 😇
It’s what the Games is all about!#B2022 #CommonwealthGames #Badminton pic.twitter.com/wnJcJ7uNKW
— Commonwealth Sport (@thecgf) July 30, 2022
ఇవి కూడా చదవండి : కొనసాగుతున్న పతకాల వేట! వెయిట్ లిఫ్టింగ్ లో భారత్ కు మరో స్వర్ణం!
