follow us:
పాకిస్తాన్ మాజీ క్రికెటర్ మోయిన్ ఖాన్ కుమారుడు అజామ్ ఖాన్ మైదానంలో తీవ్రంగా గాయపడ్డాడు. కీపింగ్ చేస్తున్న సమయంలో అతని నిర్లక్ష్యం కారణంగా బంతి అతని తలకు బలంగా తాకింది. నొప్పితో విలవిల్లాడుతూ అతను నేలమీద పడిపోయాడు. వెంటనే స్ట్రెక్ఛర్ తీసుకొచ్చి అతడిని మైదానం బయటకు తీసుకెళ్లారు. అక్కడి నుంచి ఆస్పత్రికి తరలించారు. లంక ప్రీమియర్ లీగ్ 2022లో భాగంగా జరిగిన మ్యాచ్ లో ఈ ఘటన చోటుచేసుకుంది. అందుకు సంబంధించిన వీడియో కూడా నెట్టింట వైరల్ అవుతోంది.
వివరాల్లోకి వెళ్తే.. క్యాండీ ఫాల్కన్స్, గల్లే గ్లాడియేటర్స్ మధ్య మ్యాచ్ జరుగుతోంది. గల్లే గ్లాడియేటర్స్ కు విజయం కోసం 28 బంతుల్లో 72 పరుగులు చేయాలి. ప్రదీప్ నువాన్ 16వ ఓవర్ వేస్తున్నాడు. ఆ ఓవర్లో మూడో బంతిని బాగా స్లోగా వేశాడు. అది వైడ్ వెళ్లగా.. బ్యాట్స్ మన్ ని దాటిన తర్వాత సింగిల్ బౌన్స్ అయ్యి నేరుగా అజాం ఖాన్ మీదకు దూసుకెళ్లింది. అయితే బంతిని అంతనా వేయడంలో అజాం ఖాన్ విఫలమవ్వడంతో.. నేరుగా బంతి అతని తలకు తాకింది. అజాం ఖాన్ నేలపై పడుకుని విలవిల్లాడాడు. వెంటనే ఫిజియో వచ్చి అతడిని పరిశీలించాడు. స్ట్రెక్చర్ పై అజాం ఖాన్ ను బయటకు తీసుకెళ్లారు.
Galle Gladiators Wicket Keeper Azam Khan is carrying to the Hospital after hitting the ball in his head #sportspavilionlk #LPL2022 pic.twitter.com/4soWc7R376
— DANUSHKA ARAVINDA (@DanuskaAravinda) December 12, 2022
మైదానం నుంచి అజాం ఖాన్ ను నేరుగా ఆస్పత్రికి తరలించారు. వైద్యులు పరిశీలించిన తర్వాత అతనికి అంతా బాగానే ఉందని తెలిపారు. అజాం ఖాన్ బాగానే ఉన్నాడని.. భయపడాల్సిన అవసరం లేదంటూ గల్లే గ్లాడియేటర్స్ స్పోక్స్ పర్సన్ వెల్లడించారు. ఆ విషయం తెలుసుకున్న పాకిస్తాన్ క్రిికెట్ అభిమానులు ఊపిరి పీల్చుకున్నారు. అజాం ఖాన్ తండ్రి మొయీన్ ఖాన్ గల్లే గ్లాడియేటర్స్ హెడ్ కోచ్ కూడా. మైదానంలోనే తన కుమారుడుని చూసి ఏం పర్వాలేదంటూ నవ్వుతూ ఆస్పత్రికి పంపాడు. 24 ఏళ్ల అజాం ఖాన్ 2021లో పాకిస్తాన్ తరఫున అరంగేట్రం చేశాడు. ఇప్పుడు ఎలాగైనా పాక్ జట్టులో స్థానం సంపాదించాలంటూ టీ20 లీగుల్లో తన సత్తా చాటుతున్నాడు. అజాం ఖాన్ త్వరగా కోలుకోవాలంటూ అభిమానులు ఆకాంక్షిస్తున్నారు.
Azam Khan got injured of Galle Gladiators in LPL during T20 Match.#LPL2022 #Cricket #T20 pic.twitter.com/hJGKP79YDD
— Ada Derana Sports (@AdaDeranaSports) December 12, 2022
