వీడియో: రస్సెల్ విధ్వంసం.. ఆరు బంతుల్లో ఆరు సిక్సర్లు బాదిన విండీస్ వీరుడు..

వెస్టిండీస్ విధ్వంసకర ఆల్ రౌండర్.. కోల్ కతా నైట్ రైడర్స్ ప్లేయర్ ఆండ్రీ రస్సెల్.. కరీబియన్ దీవుల్లో జరుగుతోన్న సిక్స్ టీ టోర్మమెంట్ లో ఆకాశమే హద్దుగా చెలరేగాడు. ప్రత్యర్ధి బౌలర్లకు పట్టపగలే చుక్కలు చూపించాడు. పది ఓవర్ల చొప్పున జరిగే ఈ మ్యాచ్ లో రస్సెల్ వరుస ఆరు బంతుల్లో ఆరు సిక్సర్లు కొట్టి అరుదైన ఘనతను సాధించాడు. కరేబియన్ దీవుల్లో సిక్స్ టీ పురుషుల క్రికెట్ లీగ్ జరుగుతున్న విషయం తెలిసిందే. ఈ టోర్మమెంట్ లో షారుఖ్ ఖాన్ జట్టు అయిన ట్రిన్ బాగో నైట్ రైడర్స్ కు రస్సెల్ ప్రాతినిధ్యం వహిస్తున్నాడు. సెయింట్ కిట్స్ నెవిస్ పేట్రియాట్స్ జట్టుపై ఈ ఆరు బంతుల్లో ఆరు సిక్సర్ల రికార్డును రస్సెల్ నమోదు చేశాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతుంది.

అయితే రస్సెల్ ఈ ఆరు సిక్సర్ల ప్రదర్శనను 2 ఓవర్లో పూర్తి చేశాడు. సెయింట్ కిట్స్ బౌలర్ డ్రేక్స్ వేసిన 7వ ఓవర్ చివరి నాలుగు బంతుల్లో 4 సిక్సర్లు బాదిన రస్సెల్.. ఆ తర్వాతి ఓవరో తోలి రెండు బంతులకు మరో 2 సిక్సర్లు బాదాడు. అంతే కాకుండా ఆ తరువాత బంతికి ఫోర్ కొట్టాడు. ఓవరో పూర్తయ్యాక బ్యాటింగ్ ఎండ్స్ మారుతాయి కదా? అనే సందేహం మీకు రావచ్చు. అయితే ఈ టోర్నీలో కొత్త నిబంధనలను అమలు చేస్తున్నారు. ఈ నిబంధనల ప్రకారం ఓవర్ ఓవర్ కు బ్యాటింగ్, బౌలింగ్ ఎండ్స్ మారవు.

ఒక ఎండ్ నుంచి వరుసగా 5 ఓవర్లు పాటు బౌలింగ్ చేస్తారు. అనంతరం మరో ఎండ్ నుంచి మిగిలిన ఓవర్లను బౌలింగ్ చేస్తారు. దీంతో ఓవర్ మారిన రస్సెల్ స్ట్రైకింగ్ లోనే ఉన్నాడు. కేవలం 7 బంతుల్లో 40 పరుగులు చేశాడు. దీంతో రస్సెల్ జట్టు ట్రిన్ బాగో నైట్ రైడర్స్ 10 ఓవర్లలో 5వికెట్లు కోల్పోయి 155 పరుగులు చేసింది. అనంతరం బ్యాటింగ్ దిగిన సెయింట్ కిట్స్ అంతే దీటుగా పోరాడి.. కేవలం 3 పరుగుల తేడాతో ఓడిపోయింది. అయితే ప్రస్తుతం రస్సెల్ సిక్సర్ల విధ్వంసం సోషల్ మీడియాలో వైరల్ అవుతోంది.

Andre Russell SIX SIXES off consecutive SIX balls in the SIXTY tournament.

8 SIXES and 5 FOURS.@TKRiders pic.twitter.com/jBKyzqwPOj

— 𝗔𝗱𝗶𝘁𝘆𝗮⎊ (@StarkAditya_) August 28, 2022

• ఇదీ చదవండి: డీఆర్ఎస్ తీసుకున్నా, అక్కడ నాటౌట్ అయినా నేను ఒప్పుకోను’: థర్డ్ అంపైర్!
• ఇదీ చదవండి: టీమిండియా క్రికెటర్ల జీతాలు, మ్యాచ్ ఫీజులు, బోనస్‌ల వంటి పూర్తి వివరాలు!