follow us:
2003 World Cup India vs Pakistan: భారత్-పాకిస్థాన్ జట్ల మధ్య సమరం అంటే ప్రపంచవ్యాప్తంగా క్రికెట్ అభిమానుల్లో ఉండే ఆసక్తి వేరు. గత కొన్నేళ్లుగా ఇరు దేశాల మధ్య దైపాక్షిక సిరీసులు లేవు. కేవలం ఐసీసీ ఈవెంట్లలోనే తలపడుతున్నాయి. ప్రపంచకప్ చరిత్రలో (వన్డే, టీ20) కలిపి ఒకే ఒక్కసారి భారత్ పై పాక్ గెలిచింది. మిగతా అన్నిసార్లూ భారత జట్టుదే ఆధిపత్యం.ఇక.. 2003 ప్రపంచకప్ భారత్-పాక్ పైట్ ను ఎవరూ మరిచిపోరు. క్రికెట్ దిగ్గజం సచిన్ టెండుల్కర్ అద్భుతమైన ఫామ్ భారతను ఫైనల్ చేర్చాడు. అయితే తుదిపోరులో ఆసీస్ చేతిలో ఓటమిపాలైనప్పటికీ భారత క్రికెట్ చరిత్రలో అదొక సువర్ణద్యాయమే. తాజాగా ఆ మ్యాచ్ సమయంలో జరిగిన ఓ సంఘటనను షోయబ్ అక్తర్ బయటపెట్టాడు .
“భారత్ తో మ్యాచ్ అంటే..ఒత్తిడి చాలా ఉంటుంది. ఓటమిని ఇరుదేశాలు అంగీకరించవు. అందుకే బరిలోకి దిగుదామనుకున్నా. కానీ, ఆ మ్యాచ్‌కి ముందు నేను రెండు రోజులు హాస్పటల్ బెడ్ మీద ఉన్నా. నా మోకాలికి దాదాపు 25-26 ఇంజెక్షన్లు వేశారు. మ్యాచుకు ముందు రోజు రాత్రి కూడా 4-5 ఇంజెక్షన్లు తీసుకున్నా. డిశ్చార్జ్ అయిన వెంటనే బౌలింగ్ చేయడం నా వల్ల కాదని, చాలా నొప్పి ఉందని కెప్టెన్‌కి చెప్పా. అయితే.. ఆ మ్యాచ్ కెప్టెన్ వకార్ యూనిస్ మాత్రం నువ్వు బౌలింగ్ చేయాల్సిందేనని వార్నింగ్ ఇచ్చాడు”.
“ఇమ్రాన్ ఖాన్ కెప్టెన్‌గా ఉన్నప్పుడు నన్ను బ్యాటర్ల తలను టార్గెట్ చేస్తూ బౌలింగ్ చేయమని చెప్పేవాడు. పరుగులు వచ్చినా పట్టించుకోకుండా మరింత వేగంగా బౌలింగ్ చేయమని చెప్పేవాడు. మనకి వికెట్ కావాలి.. నువ్ మరింత ఫాస్ట్ గా వెయ్.. వికెట్ అదే వస్తుందని చెప్పి నాలో భరోసా నింపేవాడు. ఒక్క మిస్ హిట్ వస్తే చాలు, వికెట్ పడుతుందని అనుకునేవాడు. అయితే.. వకార్ యూనిస్ మాత్రం అలా కాదు. ఒక్క సిక్సర్ కొడితే చాలు, బౌలింగ్ నుంచి తప్పించేవాడు. ఆ మ్యాచ్‌లో కూడా అలాగే అయ్యిందని చెప్పుకొచ్చాడు”.
Sachin Tendulkar demolishes Shoaib Akhtar and Pakistan in Centurion in the 2003 World Cup pic.twitter.com/vSMyA3WvxF
— Govardhan Reddy (@gova3555) August 19, 2022
కాగా, ఈ మ్యాచ్‌లో షోయబ్ అక్తర్ 10 ఓవర్లలో 72 పరుగులు సమర్పించుకున్నాడు. అయితే.. సెంచరీకి చేరువవుతున్న సచిన్ టెండూల్కర్ (98)ని మాత్రం అవుట్ చేశాడు. ఈ మ్యాచ్‌లో మొదటి బ్యాటింగ్ చేసిన పాకిస్తాన్ జట్టు.. 50 ఓవర్లలో 7 ఐకెట్ల నష్టానికి 273 పరుగులు చేస్తే.. భారత జట్టు 45.4 ఓవర్లలోనే లక్ష్యాన్ని చేదిస్తుంది. సచిన్.. 98 పరుగులు చేసి విజయంలో కీలక పాత్ర పోషిస్తే.. యువరాజ్ హాఫ్ సెంచరీ(50)తో రాణిస్తాడు.
