‘విరూపాక్ష’ దర్శకుడికి కాస్ట్‌లీ కారు గిఫ్ట్! ధర ఎంతో తెలుసా

ఓ సినిమా ఘన విజయం సాధిస్తే నిర్మాత, దర్శకుడు ఆ చిత్ర బృందానికి విలువైన బహుమతులు ఇస్తుంటారు. తెలుగు ఇండస్ట్రీలో టాప్ స్టార్స్ తమకు సూపర్ హిట్ ఇచ్చిన డైరెక్టర్లకు కార్లతో పాటు ఇతర కాస్ట్‌లీ గిఫ్ట్స్ ఇవ్వడం చూశాం. ఇటీవల తమిళంలో బ్లాక్ బస్టర్ అయిన ‘విడుదలై-1’ (తెలుగులో విడుదల) దర్శకుడు వెట్రి మారన్ డైరెక్షన్ డిపార్ట్‌మెంట్ అందరికీ ఖరీదైన ఫ్లాట్స్ గిఫ్ట్ ఇవ్వడం కోలీవుడ్‌తో పాటు ఇతర ఇండస్ట్రీల్లోనూ చర్చనీయాంశంగా మారింది. ఇప్పుడు యంగ్ టాలీవుడ్ డైరెక్టర్ కార్తీక్ వర్మ దండు ‘విరూపాక్ష’ మూవీ టీమ్ నుండి ఓ లగ్జరీ బెంజ్ కారుని బహుమతిగా అందుకున్నాడు. ఇంతకుముందు నవదీప్, నవీన్ చంద్రలతో ‘భమ్ బోలేనాథ్’ సినిమా చేసిన కార్తీక్, అద్భుతమైన కథ, గ్రిప్పింగ్ స్క్రీన్‌ప్లేతో ఆకట్టుకునేలా ‘విరూపాక్ష’ చిత్రాన్ని తెరకెక్కించి ప్రేక్షకులతో పాటు పరిశ్రమ వర్గాల వారిని అలరించాడు. బ్రిలియంట్ డైరెక్టర్ సుకుమార్ స్క్రీన్‌ప్లేలో సాయమందించినా కానీ క్రెడిట్ కార్తీక్ వర్మకే చెందుతుంది. ‘విరూపాక్ష’ తో సుప్రీం హీరో సాయి ధరమ్ తేజ్ సాలిడ్ హిట్ అందుకున్నాడు.

శ్రీ వెంకటేశ్వర సినీ చిత్ర బ్యానర్ మీద సీనియర్ ప్రొడ్యూసర్ బీవీఎస్ఎన్ ప్రసాద్ నిర్మించగా, సుకుమార్ రైటింగ్స్ సంస్థ కూడా నిర్మాణంలో భాగస్వామ్యం వహించింది. సాయి ధరమ్ తేజ్, సంయుక్త మీనన్, రాజీవ్ కనకాల, అజయ్, సునీల్, బ్రహ్మాజీ, రవి కృష్ణ, కమల్ కామరాజు, సాయి చంద్, అభినవ్ గోమటం తదితరులు ప్రధాన పాత్రల్లో నటించిన హారర్ థ్రిల్లర్ ఫిల్మ్ ‘విరూపాక్ష’.. తెలుగు ఇండస్ట్రీలో గతంలో హారర్ జానర్‌లో సినిమాలొచ్చేవి. తర్వాత అవి కాస్తా హారర్ కామెడీగా మారిపోయాయి. అలాంటిది చేతబడి నేపథ్యాన్ని తీసుకుని, ప్రతి చిన్న అంశాన్ని వివరంగా చెప్తూ ‘విరూపాక్ష’ మూవీని అద్భుతంగా తీశాడు కార్తీక్. పాన్ ఇండియా స్థాయిలో విడుదల చేయగా రూ.100 కోట్ల వసూళ్లను రాబట్టింది.

అతడి ప్రతిభనీ, కష్టాన్నీ మర్చిపోని నిర్మాతలు కాస్ట్‌లీ గిఫ్ట్‌తో సర్‌ప్రైజ్ చేశారు. కార్తీక్‌కి లగ్జరీ బెంజ్ కారుని బహుమతిగా ఇచ్చారు నిర్మాతలు. ఈ విషయాన్ని తెలియజేస్తూ, సాయి ధరమ్ తేజ్ చేతుల మీదుగా కారు తాళాలు తీసుకుంటున్న ఫోటోతో పాటు సుకుమార్‌తో కలిసి ఉన్న పిక్స్ షేర్ చేశాడు దర్శకుడు. ఇది బెంజ్‌లో సీ క్లాస్ మోడల్. ఇండియాలో దీని రోడ్ ప్రైస్ రూ.65-70 లక్షల వరకు ఉంటుంది. కార్తీక్ వర్మ కారు బహుమతిగా అందుకుంటున్న పిక్స్ చూసి నెటిజన్లు.. ‘జనాల్ని భయ పెట్టాడు.. బెంజ్ కార్ పట్టేశాడు.. యూఎస్‌లో జాబ్ కన్నా డైరెక్టర్ అయితే బెటర్ ఏమో.. 1, 2 సంవత్సరాల్లో బెంజ్ కారుతో పాటు రెమ్యునరేషన్ కూడా వస్తుంది’ అంటూ కామెంట్స్ చేస్తున్నారు.

Virupaksha is a life time memory for me.. I would like to extend my gratitude to my guru @aryasukku sir, my hero @IamSaiDharamTej and my producers @BvsnP sir and @dvlns sir for this wonderful gift ….. pic.twitter.com/VbmT5Oeiqa

— karthik varma dandu (@karthikdandu86) June 27, 2023