వీడియో: తనని తిట్టిన థియేటర్ ఓనర్ ని కలిసిన విజయ్ దేవరకొండ!

రౌడీ హీరో విజయ్ దేవరకొండ నటించిన స్పోర్ట్స్ డ్రామా మూవీ ‘లైగర్’. ఇటీవలే ప్రేక్షకుల ముందుకొచ్చిన ఈ సినిమా బాక్సాఫీస్ వద్ద తీవ్రస్థాయిలో నిరాశపరిచింది. డాషింగ్ డైరెక్టర్ పూరి జగన్నాథ్ తెరకెక్కించిన ఈ సినిమా.. విడుదలకు ముందే భారీ అంచనాలు క్రియేట్ చేసింది. అదీగాక సినిమాపై అంత హైప్ రావడానికి ప్రీ రిలీజ్ లో విజయ్ దేవరకొండ మాట్లాడిన మాటలు కూడా ఓ కారణం అయ్యాయి. ఎన్నోఅంచనాల మధ్య విడుదలైన లైగర్ సినిమా మొదటి షో నుండే డివైడెడ్ టాక్ సొంతం చేసుకుంది.

ఇక సినిమా కలెక్షన్స్ చూసినట్లయితే.. మూడు రోజుల్లో 20% మాత్రమే కవర్ అయినట్లు ట్రేడ్ వర్గాలు చెబుతున్నాయి. అయితే.. ప్రమోషన్స్ లో లైగర్ సినిమాపై విజయ్ చేసిన వ్యాఖ్యలు కలెక్షన్స్ పై ప్రభావం చూపాయని, సినిమా రిలీజ్ అయ్యాక చాలామంది ఆగ్రహం వ్యక్తం చేశారు. ముఖ్యంగా ముంబైకి చెందిన ఓ ‘మరాఠా మందిర్’ థియేటర్ ఎక్సిక్యూటివ్ మేనేజర్ మనోజ్ దేశాయ్.. విజయ్ పై తీవ్రంగా మండిపడిన సంగతి తెలిసిందే. నార్త్ లో థియేటర్లకు ఆడియెన్స్ రాకపోవడానికి విజయ్ కారణమని అన్నారు.

విజయ్ నోటిదురుసు వల్లే ఇలా జరిగిందని.. విజయ్ దేవరకొండ మా పాలిట అనకొండలా తయారయ్యాడని కామెంట్స్ చేశారు. ఈ క్రమంలో తాజాగా విజయ్ దేవరకొండ ముంబైలో ప్రత్యక్షమై.. తనపై ఆగ్రహం వ్యక్తం చేసిన మనోజ్ దేశాయ్ ని కలిశాడు. ఆయనను కలిసి విజయ్ తనను క్షమించాలని కోరినట్లు తెలుస్తుంది. ఇక మనోజ్ దేశాయ్ కూడా ఎవరో పంపిన వీడియో చూసి విజయ్ పై కోప్పడినందుకు క్షమాపణలు అడిగినట్లు సమాచారం. అనంతరం ఆయనతో దిగిన ఫోటోని విజయ్ సోషల్ మీడియాలో పోస్ట్ చేశాడు.

ప్రస్తుతం విజయ్ దేవరకొండతో మనోజ్ దేశాయ్ పిక్ నెట్టింట వైరల్ అవుతుండగా.. మరోవైపు ఇద్దరిపై కామెంట్స్ కూడా వినిపిస్తున్నాయి. అనవసరపు ప్రసంగాలు, స్టేట్ మెంట్స్ చేస్తే పరిస్థితి ఎలా ఉంటుందో లైగర్ రిజల్ట్ బట్టి విజయ్ కి అర్థమై ఉంటుందని ట్రోల్ చేస్తున్నారు. ఇటీవలే బాయ్ కాట్ ట్రెండ్ వల్ల చాలా సినిమాలు కనుమరుగైపోయాయి. ఇదిలా ఉండగా.. విజయ్ ఇకపై సినిమాలు జాగ్రత్తగా చేస్తానని, మంచి సబ్జెక్టు ఉన్న సినిమాలే చేస్తానని చెప్పినట్లు టాక్. మరి విజయ్ థియేటర్ మేనేజర్ మనోజ్ దేశాయ్ ని కలవడంపై మీ అభిప్రాయాలను కామెంట్స్ లో తెలియజేయండి.

In my 20 years entertainment journalism career, I have not seen any star to go this length to clear any misunderstanding.#VijayDeverakonda sets an example to meet and Manoj Desai sir.

It doesn’t matter any film works or not, but @TheDeverakonda, you have a big heart. ♥️#Liger pic.twitter.com/nDNgPzBzM3

— Ashwani kumar (@BorntobeAshwani) August 28, 2022