follow us:
ఇండియన్ ఐడల్ టైటిల్‌ విన్నర్ సింగర్ శ్రీరామ చంద్ర తెలుగు ఇండియన్ ఐడల్ హోస్ట్‌ గా వ్యవహరిస్తున్న సంగతి తెలిసిందే. ఆహా ఓటీటీలో స్ట్రీమ్ అవుతున్న తెలుగు ఇండియన్ ఐడల్ కార్యక్రమానికి మంచి క్రేజ్ ఉంది. అందుకే ఈ సింగింగ్ రియాలిటీ షోకి నటసింహం బాలయ్య సైతం గెస్ట్‌ గా వచ్చాడు. అయితే ఈ షోలో సింగర్ శ్రీరామ చంద్ర చేసిన ఓ పని ప్రస్తుతం సోషల్ మీడియాలో వైరల్ గా మారింది. గెస్ట్‌ పై కవిత్వం చెప్పడంతో.. చివరికి అతిథి కాళ్లు పట్టుకుని క్షమాపణ చెప్పాల్సిన పరిస్థితి వచ్చింది. అయినా శాంతిచకపోవడంతో శ్రీరామచంద్ర గుండెజారినంత పనైంది.
అసలు ఏం జరిగిందంటే.. తెలుగు ఇండియన్ ఐడల్ కార్యక్రమానికి ప్రముఖ సింగర్ ఉషా ఉతుప్ ప్రత్యేక అతిథిగా విచ్చేశారు. సాధారమంగా షోలో సింగర్ శ్రీరామ్ కు కవిత్వాలు చెప్పడం అలవాటు. అదే అలవాటుతో ఉషా ఉతుప్ పై కూడా మచ్చుక్కు ఓ కవితి విసిరాడు. ‘ఉషా ఉతుప్ గారు.. మీ గొంతు గంభీరం.. మీ పాట అమృతం.. మీరు మైక్ లేకుండా పాడితే కీచురాళ్లు.. అది వినిపిస్తుంది కొన్ని మైళ్లు.. మీ నుదిటిన పెద్ద బొట్టు.. ఇంత అందాన్ని ఎప్పుడూ చూడలేదు ఒట్టు..’ అంటూ శ్రీరామచంద్ర కవిత చెప్పుకొచ్చాడు.
కవిత అవ్వగానే సెట్‌ అంతా చప్పట్లతో కోలాహలంగా మారింది. కానీ, ఉషా ఉతుప్ మాత్రం ఎంతో సీరియస్ గా నా మీద నేను జోక్స్ వేసుకుని నవ్వుకుంటాను. కానీ, నువ్వు నన్ను గంభీరం అంటావా అంటూ ఆగ్రహం వ్యక్తం చేసింది. ఒక్కసారిగా శ్రీరామచంద్రకు చెమటలు పట్టాయి. తప్పుగా అలా అనలేదని చెప్పే ప్రయత్నం చేశాడు. ఎంతకీ శాంతించక పోవడంతో పరుగున వెళ్లి ఉషా ఉతుప్ కాళ్లు పట్టుకుని క్షమాపణ చెప్పాడు. మిగిలిన ముగ్గురు జడ్జెస్ ఏం చేయాలో అర్థంగాక చూస్తూ ఉండిపోయారు.
View this post on Instagram
‘ఈ షో కోసం నేను కోల్‌కతా నుంచి వచ్చాను. ఇన్ని వేల మంది చూస్తున్న ఈ షోలో నువ్వు నన్ను గంభీరం అంటూ ఓ పురుషుడితో పోల్చావ్‌. ఇలాంటి షోలో నువ్వు నన్ను అవమానించడం ఏం బాగోలేదు. నేను నాపై జోక్స్ వేసుకుని నవ్వుకుంటాను. ఏది ఏమైనా నాకు జోక్స్ అంటే ఇష్టమే.. కానీ, ఇది టూ మచ్‌’ అంటూ ఉషా ఉతుప్ ఫుల్‌ సీరియస్ అయిపోయింది. శ్రీరామచంద్రను పైకి లేపి తిరిగి స్టేజ్ పైకి పంపేశారు.
View this post on Instagram
అమ్మా, క్షమించండి.. నాకు మీ ఆశ్వీరాదం కావాలంటూ శ్రీరామచంద్ర ప్రాథేయపడ్డాడు. అందరూ నచ్చజెప్పడంతో ఉషా ఉతుప్ కాస్త శాంతించింది. తర్వాత నవ్వుతూ.. నేను ఎలాంటి దాన్నో అందరికీ తెలుసు. ఇదంతా లైట్ అంటూ నవ్వేసింది. చివరికి ఇదంతా ఓ ప్రాంక్ అని తెలుసుకుని శ్రీరామచంద్ర నోరెళ్లబెట్టాడు.. మరోవైపు ఊపిరిపీల్చుకున్నాడు. సింగర్ శ్రీరామ్- ఉషా ఉతుప్ మధ్య జరిగిన ఘటనపై మీ అభిప్రాయాలను కామెంట్స్ రూపంలో తెలియజేయండి.
