పవన్ స్నేహంతో త్రివిక్రమ్‌కు కోట్ల లాభం! బాగా వాడేస్తున్నాడు!

పవర్ స్టార్ పవన్ కళ్యాణ్ ఇండస్ట్రీలో స్నేహితులు, సన్నిహితులు తక్కువ అనే మాట వినిపిస్తుంటుంది. అప్పట్లో ఆలీ ఆయనకు అత్యంత ఆప్తుడిగా కొనసాగారు. తర్వాత పలు కారణాల వల్ల ఇద్దరి మధ్య గ్యాప్ వచ్చింది. కొద్ది కాలంగా త్రివిక్రమ్ ఒక్కడే తప్ప ఇంకెవరూ పవన్ పక్కన కనిపించట్లేదు. ఆ మధ్య యాక్టర్ కమ్ ప్రొడ్యూసర్.. తనను తాను పవన్ భక్తుడిగా చెప్పుకునే బండ్ల గణేష్ సైడ్ అయిపోయాడు. ఇక త్రివిక్రమ్ ‘జల్సా’తో హిట్, ‘అత్తారింటికి దారేది’తో ఇండస్ట్రీ హిట్, ‘అజ్ఞాతవాసి’ లాంటి డిజాస్టర్ ఇచ్చాడు. తర్వాత వీరిద్దరు కలిసి పని చెయ్యకపోయినా కానీ పవన్ నటించే కొన్ని సినిమాల విషయంలో నేరుగా త్రివిక్రమ్ హస్తం ఉంటుంది.

‘భీమ్లానాయక్’ మూవీకి సాగర్ కె.చంద్ర డైరెక్టర్ అయినప్పటికీ తను టైటిల్స్ వరకు పరిమితమయ్యాడు. ప్రాజెక్ట్ సెట్ చేయడం, స్క్రీన్‌ప్లే, డైలాగ్స్ రాయడం అంతా త్రివిక్రమే. ఇప్పుడు ‘బ్రో’ వస్తుంది. పవన్ – సాయి ధరమ్ తేజ్ చేస్తే బాగుంటుందనే ఐడియా కూడా గురూజీదేనట. పేరుకి మాత్రం సముద్రఖని దర్శకుడు. దీనికి కూడా స్క్రీన్‌ప్లే, మాటలు గురూజీనే. సముద్రఖని తమిళంలో మంచి నటుడు, దర్శకుడిగానూ గుర్తింపు పొందారు. ‘బ్రో’ ఒరిజినల్ వెర్షన్ ‘వినోదయసితం’ డైరెక్ట్ చేయడంతో పాటు ఇంపార్టెంట్ రోల్ (బ్రో మూవీలో పవన్ చేసిన పాత్ర) ఆయనే చేశారు. తెలుగు వెర్షన స్టోరీ త్రివిక్రమ్‌కి చెప్పగా 10 నిమిషాల్లో స్టోరీ, స్క్రీన్‌ప్లే మారిపోయాయని ప్రమోషన్లలో చెప్పుకొచ్చారు.

ఇక తను డైరెక్షన్ చేయకపోయినా పవన్ సినిమాలకు దర్శకత్వ పర్యవేక్షణ మాత్రం ఆయనదే. అలాగే పవన్ వరుసగా రీమేక్స్ చేయడానికి కారణం, పవన్ ఏ సినిమా చెయ్యాలి? ఎవరితో సినిమా చేయాలి? హీరోయిన్ ఎవరు? మిగతా కీలక నిర్ణయాలన్నీ గురూజీవేనట. ఇలా ప్రాజెక్ట్‌లో ఇన్‌వాల్వ్ అయినందుకు త్రివిక్రమ్‌కు భారీగానే ముట్టజెప్పాలట. ఒక్కో సినిమాకిగానూ రూ.15-20 కోట్ల వరకు అందుకుంటున్నాడని టాక్. ఆయన డైరెక్షన్ చేసే సినిమాలకైతే అక్షరాలా రూ.50 కోట్ల పారితోషికం, లాభాల్లో వాటాల వంటివి కూడా తీసుకుంటున్నాడని అంటున్నారు. ఈ రకంగా పవన్ కళ్యాణ్‌తో స్నేహం గురూజీకి కోట్లు కురిపిస్తుందనే చెప్పాలి.