follow us:
Hemachandra And Sravana Bhargavi: తెలుగు సినిమా ప్రేక్షకులకు పెద్దగా పరిచయం అక్కర్లేని సింగర్‌ దంపతులు హేమచంద్ర, శ్రావణ భార్గవి. స్టార్‌ సింగర్స్‌గా ఈ జంటకు ఇండస్ట్రీలో మంచి పేరుంది. ఈ భార్యాభర్తలు కేవలం సింగర్లు గానే కాదు డబ్బింగ్‌ ఆర్టిస్టులుగా కూడా తమ ప్రతిభను నిరూపించుకున్నారు. ప్రస్తుతం ఈ జంటకు సంబంధించిన ఓ వార్త మీడియాలో తెగ షికార్లు చేస్తోంది. ఈ స్టార్‌ సింగర్‌ దంపతులు తమ వైవాహిక జీవితానికి పులుస్టాప్‌ పెట్టాలన్న ఆలోచనలో ఉన్నట్లు ఆ వార్త సారాంశం. ఇంతకీ సంగతేంటంటే.. హేమచంద్ర, శ్రావణ భార్గవిలు మనస్పర్థల కారణంగా విడిపోయి వేరువేరుగా ఉంటున్నట్లు మీడియాలో ప్రచారం జరుగుతోంది. ఈ ఇద్దరూ విడాకులు కూడా తీసుకోబోతున్నారన్న పుకార్లు నడుస్తున్నాయి. ఎంతో అన్యోన్యంగా ఉన్న వీరి మధ్య ఏ విషయంలో మనస్పర్థలు వచ్చాయన్నది తెలియరాలేదు.
ఈ వార్తల్లో నిజం ఎంతుందో తెలియాలంటే హేమచంద్రనుంచి గానీ, శ్రావణ భార్గవి నుంచి గానీ ఓ అధికారిక ప్రకటన రావాల్సిందే. ఇప్పటి వరకైతే ఈ పుకార్లపై ఈ ఇద్దరూ స్పందించలేదు. ఇకపైన స్పందిస్తారేమో వేచి చూడాలి. హేమచంద్ర, శ్రావణ భార్గవిల విడాకుల వార్తలతో వారి అభిమానులు కొద్దిగా అప్‌సెట్‌ అవుతున్నారు. ఇక, హేమచంద్ర, శ్రావణ భార్గవిల పెళ్లి విషయానికి వస్తే.. వీరిది ప్రేమ వివాహం. రైడ్‌ సినిమా టైంలో మొదలైన వీరి పరిచయం ప్రేమగా మారింది.
కొన్నేళ్ల పాటు సీరియస్‌గా ప్రేమించుకున్న ఈ జంట 2013లో వివాహ బంధంతో ఒక్కటైంది. వీరి ప్రేమకు ప్రతిరూపంగా శిఖర చంద్రిక అనే పాప పుట్టింది. పెళ్లి తర్వాత కూడా ఇద్దరూ తమ కెరీర్‌ను ఫుల్‌ జోష్‌తో కొనసాగించారు. కలిసి ఒకటి రెండు సింగింగ్‌, రేడియో షోలు చేశారు. నెల రోజుల క్రితం ఇండియన్‌ ఐడల్‌ తెలుగు సింగింగ్‌ షోకు హేమచంద్ర, శ్రావణ భార్గవి గెస్టులుగా వచ్చి అందర్ని అలరించారు. మరి, హేమచంద్ర, శ్రావణ భార్గవి విడాకులు తీసుకోబోతున్నారంటూ వస్తున్న వార్తలపై మీ అభిప్రాయాలను కామెంట్ల రూపంలో తెలియజేయండి.
ఇవి కూడా చదవండి: Mehreen Pirzada:పెళ్లి బారాత్ లో డ్యాన్స్ తో దుమ్మురేపిన మెహరిన్..! వీడియో వైరల్
