ఇక సినిమాల్లోకి వచ్చేస్తున్న అంటున్న సుమ..! వీడియో వైరల్

తెలుగు బుల్లితెర‌పై త‌న మాట‌ల గార‌డీతో ఎంతో మంది ప్రేక్ష‌కుల మ‌న‌సులు గెలుచుకున్న యాంక‌ర్ సుమ‌. తెలుగు చిత్ర పరిశ్రమలో స్టార్ హీరోల ఈవెంట్స్ కి ఆమె వాయిస్ లేకుంటే బోసి పోయినట్లు అనిపిస్తుందని అంటారు. స్టేజీ పై స్టార్ హీరో, హీరోయిన్లు, దర్శక, నిర్మాతలు సుమ కనకాలను తెగ మెచ్చుకున్న సందర్భాలు ఉన్నాయి. ఆమె ఇంటర్వ్యూ చేయకపోతే సినిమా సక్సెస్ కూడా కాదని భావించేవారు. దశాబ్దాలుగా తన వాక్చాతుర్యం తో ప్రేక్షకులను మంత్ర ముగ్దులను చేస్తున్న స్టార్ యాంకర్ సుమ కనకాల. వాస్తవానికి సుమ కనకాల కెరీర్ బుల్లితెరపై సీరియల్స్ లో నటిగా ఆరంభించింది.

దాసరి నారాయణరావు దర్శకత్వంలో ‘కల్యాణ ప్రాప్తిరస్తు’చిత్రంలో లీడ్ రోల్ లో నటించింది. కల్యాణ ప్రాప్తిరస్తు సినిమా ప్యామిలి డ్రామా ఎంటర్టైనర్ చిత్రం ఇందులో సుమ, వంశీ, బ్రహ్మానందం తదితరులు నటించారు. ఈ చిత్రం తరువాత రాజీవ్ కనకాలను పెళ్లాడి స్టార్ యాంకర్ గా మారిపోయింది. ఇక మధ్యలో అడపాదడపా కొన్ని సినిమాల్లో అక్కడక్కడా మెరిసిన సుమ ప్రస్తుతం వెండితెరపై రీ ఎంట్రీ ఇస్తున్నట్లు కన్ఫర్మ్ చేసింది.

తాజాగా ఓ వీడియో రిలీజ్ చేశారు.. అందులో సుమ మాట్లాడుతూ అందరు నన్ను వెండితెరకు ఎప్పుడు వస్తున్నావ్ అని అడుగుతున్నారు. కనుక ఒక సారి ప్రయత్నిస్తే పోలా.. అంటూ ఒక ఫన్నీ వీడియోను సోషల్ మీడియాలో షేర్ చేసింది. ఇక దీంతో సుమ రీ ఎంట్రీ పక్క అన్న విషయం అర్ధమవుతుంది. అందులోను పూర్తి వివరాలు మరికొన్ని రోజుల్లో ఉండనున్నట్లు తెలిపింది. సుమ నటించబోయే ఆ సినిమా ఏంటి? ఫీమేల్ లీడ్ ఉన్న సినిమా చేస్తోందా? లేదా మరో కొత్త తరహా కథను ఎంపిక చేసుకుందా లాంటి వివరాలు తెలియాలంటే మరికొన్ని రోజులు ఆగాల్సిందే.

Anchor @ItsSumaKanakala into Cinemas 🤔🎬

Idhi Nijame Antara ? 🤷‍♂️

More Details Loading S👀N! #SUMAinCINEMA pic.twitter.com/LY6kcNClJr

— Duddi Sreenu (@PRDuddiSreenu) November 2, 2021