రాయలసీమ గడ్డపై RRR అరుదైన రికార్డ్‌.. తెలుగు సినిమా చరిత్రలోనే తొలిసారి!

దర్శక ధీరుడు రాజమౌళి తెరకెక్కించిన మరో అద్భుతం ట్రిపులార్‌. జూనియర్ ఎన్టీఆర్, రామ్ చరణ్‌ నట విశ్వరూపానికి నిదర్శనం ట్రిపులార్. ఎన్ని భారీ చిత్రాలు వచ్చినా.. థియేటర్లలో ట్రిపులార్ సినిమా హవా నడుస్తూనే ఉంది. తాజాగా ఈ సినిమా తెలుగు సినిమా చరిత్రలోనే ఏ సినిమా అందుకోలేని రికార్డు సొంతం చేసుకుంది. సరికొత్త బెంచ్ మార్క్‌ ను ఏర్పాటు చేసింది. రాయలసీమలో ఏకంగా 50 కోట్ల షేర్‌ను రాబట్టి సరికొత్త రికార్డులు నెలకొల్పింది.

ఇదీ చదవండి: KGF 2 Collections: 5వ రోజూ అదిరిపోయే కలెక్షన్స్‌!

రాయలసీమ బాక్సాఫీస్‌ లో ఇప్పటివరకు ఉన్న బాహుబలి 2 ఆల్‌ టైమ్‌ రికార్డ్‌ రూ.34.75 కోట్ల షేర్‌ రికార్డును ట్రిపులార్ కేవలం వారంరోజుల్లోనే బ్రేక్ చేసింది. ఆ తర్వాత ట్రిపులార్ సరికొత్త బెంచ్‌ మార్కులను నెలకొల్పుతూ వెళ్లింది. 40 కోట్లు, 45 కోట్లు, ఇప్పుడు ఏకంగా 50 కోట్ల షేర్‌ రాబట్టి రికార్డును సృష్టిచింది. ఇంకా ట్రిపులార్ హవా రాయలసీమలో కొనసాగుతూనే ఉంది. ఏప్రిల్‌ 29న ఆచార్య రిలీజ్‌ వరకూ ఈ సినిమా కలెక్షన్స్‌ కు డోకా లేదనే చెప్పాలి. ట్రిపులార్ సాధించిన ఈ ఘనతపై మీ అభిప్రాయాలను కామెంట్స్ రూపంలో తెలియజేయండి.