బర్త్ డే సందర్భంగా శుభవార్త చెప్పిన నేషనల్ క్రష్ రష్మిక..!

పాన్ ఇండియా మూవీ ‘పుష్ప’తో నేషనల్ వైడ్ ఫాలోయింగ్ పెంచుకుంది అందాల భామ రష్మిక మందన్నా. ఇప్పుడు ఇటు సౌత్ లో, అటు నార్త్ లో దూసుకపోతుంది. భారీ సినిమాలను దక్కించుకుంటూ తన సత్తాని చాటుకుంటుంది. కోలివుడ్ స్టార్ హీరో విజయతో ఈ బ్యూటీ జోడి కట్టబోతుందని గత కొన్ని రోజులుగా వార్తలు వినిపిస్తున్న సంగతి తెలిసిందే. ఈ క్రమంలో తాజాగా ఈ న్యూస్ ను నిజం చేసింది చిత్ర యునిట్. రష్మిక బర్త్ డే(ఏప్రిల్ 5) సందర్భంగా ఈ విషయాన్ని ప్రకటించారు.

‘పుష్ప’ సినిమాలో శ్రీవల్లి గా నటించి అందరిని ఆకట్టుకుంది రష్మిక. ఈ సినిమాతో ఈ బ్యూటీ స్టార్ డమ్ అమాంతం పెరిగింది. బ్యాక్ టూ బ్యాక్ సినిమాలతో టాలీవుడ్, కోలివుడ్,శాండిల్ వుడ్ , బాలీవుడ్.. ఇలా అన్ని పరిశ్రమలో బిజీగా దూసుకపోతుంది. ఈ క్రమంలోనే ఇళయ దళపతి విజయ్ తో ఈ భామ నటించనున్నట్లు టాక్ వినిపించింది. తాజాగా తెలుగు డైరెక్టర్‌ వంశీపైడిపల్లి రూపొందిస్తున్న తెలుగు, తమిళం బై లింగ్వల్‌ మూవీ `విజయ66` లో రష్మిక మందన్నాని హీరోయిన్‌గా ఖరారు చేశారు. ఆమెని ప్రాజెక్ట్ లోకి ఆహ్వానిస్తూ బర్త్ డే విషెస్‌ తెలిపారు.

YES! #Thalapathy66 @actorvijay❤️ pic.twitter.com/sU89vEEJ1V

— Rashmika Mandanna (@iamRashmikah) April 5, 2022

ఈ సినిమాతో విజయ్‌ తెలుగులోకి ఎంట్రీ ఇవ్వబోతున్నారు. ఈ విషయాన్ని రష్మిక సోషల్ మీడియా లో షేర్ చేసింది. మరోవైపు కొత్తగా హిందీలో రణ్‌బీర్‌ కపూర్‌తో `యానిమల్‌` సినిమా చేస్తుంది. ఇటీవలే చిత్ర దర్శకుడు సందీప్‌రెడ్డి వంగా ఈ చిత్రాన్ని ప్రకటించారు. మరోవైపు`మిషన్‌ మజ్ను`, `గుడ్‌బై` సినిమాలు చేస్తుంది రష్మిక. అలాగే తెలుగులో `పుష్ప-2`లోనూ ఆమె హీరోయిన్‌గా నటిస్తున్న విషయం తెలిసిందే. ఇలా తెలుగు, తమిళం, హిందీలో బ్యాక్‌ టూ బ్యాక్‌ సినిమాలు చేస్తూ దూసుకుపోతుందీ నేషనల్‌ క్రష్‌. మరి.. విజయ, రష్మిక మందన్నా జోడిగా రాబోతున్న ఈ కొత్త చిత్రంపై మీ అభిప్రాయాలను కామెంట్స్ రూపంలో తెలియజేయండి.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.