ప్రభాస్ ఫ్యాన్స్‌కు శుభవార్త! ప్రాజెక్ట్ K టీజర్ రిలీజ్ డేట్ ఫిక్స్!

‘బాహుబలి’ సిరీస్‌తో పాన్ ఇండియా హీరోగా మారిన యంగ్ రెబల్ స్టార్ ప్రభాస్ నటిస్తున్న మరో పాన్ ఇండియా అండ్ మోస్ట్ అవైటెడ్ మూవీ Project K. ‘మహానటి’ ఫేమ్ నాగ్ అశ్విన్ దర్శకత్వం వహిస్తున్న ఈ మైథలాజికల్ సైన్స్ ఫిక్షన్ మూవీ కోసం ప్రపంచ వ్యాప్తంగా ఉన్న ఫ్యాన్స్ ఎంతో ఆసక్తిగా ఎదురు చూస్తున్నారు. అయితే తాజాగా ఈ సినిమాకు సంబంధించిన ఓ కీలక అప్‌డేట్ ఇచ్చారు మూవీ టీం. ప్రాజెక్ట్ కే టైటిల్, టీజర్, రిలీజ్ డేట్ అనౌన్స్‌మెంట్స్ ప్రతిష్టాత్మక శాన్ డీగో కామిక్ -కాన్ ఈవెంట్లో జరగనుందని తెలియజేశారు. జులై 20 నుండి 23 వరకు జరగబోయే ఈ ఈవెంట్‌లో.. మొదటి రోజున (జూలై 20) ప్రాజెక్ట్ కే ప్రోగ్రామ్ జరుగనుంది. ప్రభాస్, కమల్, దీపిక, నాగ్ అశ్విన్ కూడా పాల్గొనబోతున్నారు.

దీంతో ప్రాజెక్ట్ కే ఈ ఘనత సాధించనున్న తొలి ఇండియన్ సినిమాగా నిలవనుంది. ఇది తమకు ఎంతో గర్వకారణమైన విషయమని, శాన్-డీగో వచ్చేస్తున్నామని ఆ చిత్ర నిర్మాణ సంస్థ ట్వీట్ చేసింది. శాన్ డీగో కామిక్-కాన్‌లో ప్రాజెక్ట్ కే లాంచ్ విషయాన్ని అమెరికాకు చెందిన వెరైటీ మ్యాగజైన్ వెల్లడించింది. ‘‘ఈ ఈవెంట్‌లో ప్రాజెక్ట్ కే టీమ్.. ‘దిస్ ఈజ్ ప్రాజెక్ట్ కే ఫస్ట్ గ్లింప్స్ ఆఫ్ ఇండియాస్ మైథో సైంటిఫిక్ ఎపిక్’ అనే ప్యానల్‌ను హోస్ట్ చేస్తుంది. ఈ సందర్బంగానే మూవీ టైటిల్, టీజర్, రిలీజ్ డేట్స్‌ను అధికారంగా ప్రకటించనుంది’’ అని వెరైటీ మ్యాగ్‌జైన్ తమ రిపోర్టులో వెల్లడించింది.

భారతదేశ ప్రతిష్టాత్మక సినిమా యూనివర్స్‌లోకి ప్రత్యేకమైన ఈవెంట్‌కి వాళ్ల అతిథులను తీసుకురానున్నట్లు వైజయంతీ మూవీస్ తమ ప్రకటనలో తెలిపింది. ఈ సినిమాలో ప్రభాస్‌తో పాటు దీపికా పదుకొనే, అమితాబ్ బచ్చన్, కమల్ హాసన్, దిశా పటానీ తదితరులు నటిస్తున్న సంగతి తెలిసిందే. సంతోష్ నారాయణ్ సంగీతం అందిస్తున్నారు. హిందూ పురాణాలకు ఆధునికతను జోడించి తీస్తున్న సినిమాగా ఈ ప్రాజెక్ట్ కే కనిపిస్తుంది. మరి త్వరలో రాబోయే ఈ మూవీ గురించి మీరు ఎంత ఆతృతగా ఎదురుచూస్తున్నారో మీ అభిప్రాయాలను కామెంట్ల  రూపంలో తెలియజేయండి.

T 4697 – … a proud moment for me .. I never realised how important and BIG this is ..
Now I know .. my wishes to Vyjayanthi Movies , Nag Sir and the entire unit for the affection they have given me , and to make me a part of this incredible experience 🙏 https://t.co/7c5vbQ0i5I

— Amitabh Bachchan (@SrBachchan) July 6, 2023